Anil Ravipudi casting scam : టాలీవుడ్ క్రేజీ టాప్ డైరెక్టర్స్ లో ఒకరు అనిల్ రావిపూడి. ఆయన సినిమా వస్తుందంటే చాలు , ఫ్యామిలీ ఆడియన్స్ ఎగబడిపోతుంటారు. వరుసగా రెండు సంక్రాంతి సీజన్స్ లో రెండు ఇండస్ట్రీ హిట్స్ ని అందుకున్న ఆయన , ఇప్పుడు ముచ్చటగా మూడవ ఇండస్ట్రీ హిట్ కి రెడీ అయిపోయాడు. విక్టరీ వెంకటేష్ , కళ్యాణ్ రామ్ లతో ఆయన ఒక మల్టీస్టార్రర్ సినిమా చేస్తున్న సంగతి తెలిసిందే. నేటి నుండి ఈ చిత్రానికి సంబంధించిన రెగ్యులర్ షూటింగ్ మొదలు కానుంది. ఈ సందర్భంగా కొందరు అనిల్ రావిపూడి పేరు వాడుకొని మోసాలకు పాల్పడే ప్రయత్నాలు చేయడం ఈ చిత్ర నిర్మాణ సంస్థ షైన్ స్క్రీన్ ఎంటర్టైన్మెంట్స్ సంస్థ గుర్తించింది. దీంతో కాసేపటి క్రితమే సోషల్ మీడియా ద్వారా అభిమానులకు ఒక ముఖ్యమైన ప్రెస్ నోట్ విడుదల చేసింది.
వాళ్ళు మాట్లాడుతూ ‘మా సినిమా పేరుతో కొంతమంది ఒక నకిలీ క్యాస్టింగ్ కాల్ సోషల్ మీడియా మరియు ఇతర మాధ్యమాల్లో ప్రకటన ఇచ్చి ప్రచారం చేస్తున్నట్టు మా దృష్టికి వచ్చింది. ఆ క్యాస్టింగ్ కాల్ కి మా చిత్ర బృందానికి ఎలాంటి సంబంధం లేదు. దయచేసి అలాంటి మోసపూరిత ప్రలోభాలకు లొంగిపోకండి. మా సినిమా పేరుతో ఆ వ్యక్తులు మీ వద్దకు వచ్చి డబ్బులు , వ్యక్తిగత వివరాలు , ఫోటోలు , ఇంటి పత్రాలు వంటివి అడిగితే ఇవ్వద్దని విజ్ఞప్తి. ఒకవేళ మేము క్యాస్టింగ్ చేయాలనుకుంటే మా అధికారిక సోషల్ మీడియా హ్యాండిల్స్ ద్వారా ప్రకటన ఇస్తాము. దయచేసి జాగ్రత్త వహించాల్సిందిగా ప్రార్ధన. మోసగాళ్ల వలలో చిక్కుకొని నష్టపోకండి’ అంటూ చెప్పుకొచ్చారు. ఇలాంటివి ఈమధ్య కాలంలో సర్వసాధారణం అయిపోయింది . సినిమాలంటే పిచ్చి ఉన్న వాళ్ళు , ఇలాంటి ప్రభోలకు చాలా తేలికగా లొంగిపోయి లక్షల రూపాయలు నష్టపోయిన వాళ్ళు , తద్వారా ఆత్మహత్య చేసుకున్న వాళ్ళు ఎంతో మంది ఉన్నారు.
ఇలాంటి వ్యక్తుల నుండి కాస్త దూరంగా ఉండండి. ఇక ఈ చిత్రం విషయానికి వస్తే , రీసెంట్ గానే పూజ కార్యక్రమాలతో చాలా గ్రాండ్ గా ఈ చిత్రాన్ని మొదలు పెట్టారు. అనంతరం మ్యూజిక్ డైరెక్టర్ ప్రకటన ఎంత విన్నూతనంగా చేశారో మనమంతా చూశాము . జీవీ ప్రకాష్ కుమార్ ని వైజాగ్ బీచ్ ఇసుక లో కప్పేసి, మ్యూజిక్ సిట్టింగ్స్ వేసిన విధానం చూసి నెటిజెన్స్ పొట్ట చెక్కలు అయ్యేలా నవ్వుకున్నారు. మరోసారి అలాంటి అరుదైన కాన్సెప్ట్ తో నిన్న ఈ చిత్రానికి సంబంధించిన జానర్ ని ప్రకటించారు అనిల్ రావిపూడి. నేటి నుండి విరామం లేకుండా రెగ్యులర్ షూటింగ్ చేసి , వచ్చే ఏడాది సంక్రాంతికి ఈ చిత్రాన్ని విడుదల చేసేందుకు సన్నాహాలు చేస్తున్నారు.
