CM Vijay First Signatures: తమిళనాడు ముఖ్యమంత్రిగా విజయ్ ప్రమాణ స్వీకారం చేశారు. ప్రమాణస్వీకారంలోనే తను ఏం చేయాలనుకుంటున్నాడు.. ఏం చేయబోతున్నాడు అనే విషయాలను స్పష్టంగా చెప్పేశాడు. ఇన్నాళ్లపాటు రాజకీయంగా తనను ఇబ్బంది పెట్టిన అనేక అంశాలను సైతం పరోక్షంగా ప్రస్తావించాడు. ఫలితంగా విజయ్ ప్రసంగంలో ఆ విషయాలను మొత్తం చెప్పి.. ఇన్ని రోజులపాటు తాను అనుభవించిన వేదన మొత్తం తగ్గించుకున్నాడు.
విజయ్ ప్రమాణస్వీకారం మాత్రమే కాకుండా.. కీలకమైన నిర్ణయాలు తీసుకున్నాడు. ముఖ్యమంత్రిగా తాను చేసిన తొలి ప్రసంగంలోనే విజయ్ ఆకట్టుకున్నాడు. ” రా తంబీ అని పిలిస్తేనే నేను పాలిటిక్స్ లో ఎంట్రీ ఇచ్చాను. మీరు నన్ను హీరోగా ఉన్నత స్థానంలో నిలబెట్టారు. దానిని మరింత సుస్థిరం చేశారు. నా పిలుపును అనేక సందర్భాల్లో స్వీకరించారు. గట్టిగా స్వాగతించారు. రాజకీయాల్లో కూడా నా తొలి అడుగును బలోపేతం చేశారు. నా స్థానాన్ని మరింత పదిలం చేశారు. మీ అందరికీ నా ధన్యవాదాలు. రాజకీయాలలోకి వచ్చిన తర్వాత అవమానాలు ఎదుర్కొన్నాను. ఇబ్బందులు కూడా పడ్డాను. అయినప్పటికీ మీరు నన్ను నిలబెట్టారని” విజయ్ పేర్కొన్నాడు.
ముఖ్యమంత్రిగా ప్రమాణ స్వీకారం చేసిన తర్వాత విజయ్ కీలక నిర్ణయం తీసుకున్నాడు. 200 యూనిట్ల ఉచిత విద్యుత్తు అందించే ఫైల్ మీద తొలి సంతకం చేసాడు. మహిళా భద్రతకు షీ టీమ్స్ తరహాలో ప్రత్యేక బృందాలను ఏర్పాటు చేసేందుకు తమ ప్రభుత్వం కట్టుబడి ఉందని విజయ్ ప్రకటించారు. అలాగే సమాజానికి అత్యంత చీడపీడగా మారిన మాదకద్రవ్యాల వ్యవహారాన్ని తుడిచిపెట్టేందుకు విజయ్ నిర్ణయం తీసుకున్నారు. మాదకద్రవ్యాలకు వ్యతిరేకంగా తొలి సంతకం చేశారు. ఫలితంగా ముఖ్యమంత్రిగా తన ఉద్దేశాలు ఏమిటి.. తన లక్ష్యాలు ఏమిటి అనే విషయాలను విజయ్ పరోక్షంగా చెప్పేశారు. ఫలితంగా తమిళనాడులో సువర్ణ పరిపాలనకు బీజం పడుతుందని విజయ్ సంకేతాలు ఇచ్చారు.
పార్టీల పేరు చెప్పకుండా
… వ్యక్తుల పేరు చెప్పకుండా.. కేవలం తమిళ సంస్కృతిని ప్రతిబింబించే విధంగా విజయ్ మాట్లాడారు. ఎక్కడ కూడా స్క్రిప్ట్ చూడలేదు. కనీసం గవర్నర్ వైపు కూడా చూడలేదు. విజయ్ మాట్లాడుతున్నంతసేపు ఒక్క మాట కూడా తడబడలేదు. పైగా ఒక సినిమా ఆడియో విడుదల సందర్భంగా మాట్లాడినట్టుగానే విజయ్ మాట్లాడారు. దీంతో విజయ్ రాజకీయ లక్ష్యం స్పష్టంగా ఉందని.. ఇప్పటికిప్పుడు అతడిని ఏమైనా చేయాలనుకుంటే.. డీఎంకే, అన్న డీఎంకే రాజకీయంగా ఇబ్బంది పడక తప్పదని రాజకీయ విశ్లేషకులు అంటున్నారు.
