Pawan Kalyan Watch And Shoes: పవర్ స్టార్ పవన్ కళ్యాణ్ తొలిసారి చారిత్రక యోధుడి పాత్రలో నటిస్తున్నారు. మొఘల్ సామ్రాజ్యాన్ని గడగడలాడించిన బందిపోటు ‘హరిహర వీరమల్లు’ పాత్రను పోషిస్తున్నారు. ఇంతవరకూ ఇలాంటి చారిత్రక పాత్రల్లో పవన్ నటించలేదు.దీంతో ఇటు ఇండస్ట్రీలోనూ.. అటు పవన్ అభిమానుల్లో ఈ సినిమాపై బోలెడన్నీ అంచనాలున్నాయి. క్రిష్ దర్శకత్వం వహిస్తున్న ఈ మూవీ ప్యాన్ ఇండియా లెవల్ లో హిందీ సహా దక్షిణాది భాషల్లో విడుదలవుతోంది. ఈ సినిమాలో మొదటిసారి పవన్ కళ్యాణ్ వారియర్ లుక్ లో కనిపించనున్నారు.
కొద్దిరోజులుగా ఆగిపోయిన ఈ సినిమా షూటింగ్ అక్టోబర్ 17 నుంచి మొదలుపెట్టబోతున్నారు. ఈ సందర్భంగా తాజాగా ఈ సినిమా కోసం వర్క్ షాప్ షెడ్యూల్ నిర్వహించారు. దీనికి పవన్ కళ్యాణ్ తోపాటు చిత్రం యూనిట్, సంగీత దర్శకుడు కీరవాణి కూడా హాజరయ్యారు.
ఈ వర్క్ షాప్ కు వచ్చిన పవన్ కళ్యాణ్ డిఫెరెంట్ లుక్ లో అదిరిపోయాడు. కోరమీసాలతో .. స్మార్ట్ లుక్ లో పవన్ అదరగొట్టాడని అంటున్నారు. ఆ లుక్స్ వైరల్అవుతున్నాయి. ఈ ఫొటోల్లో పవన్ ఎర్రటి టీషర్ట్ వేసుకొని కింద బ్లూ జీన్స్ తో చాలా సింపుల్ గా కనిపించాడు. ఈ ఫొటోను కనిపిస్తే పవన్ చేతికి ఒక ప్రత్యేకమైన వాచ్ ఉన్నట్టు మనకు కనిపిస్తోంది. ఆ వాచ్ ఏంటి? దాని ఖరీదు ఎంత అని అందరూ ఆరాతీస్తున్నారు.
పవన్ పెట్టుకున్న వాచ్ పేరు ‘పనరెయ్ సబ్ మర్సిబుల్ కార్బెన్ టెక్ 47mm’ . దీని ధర అక్షరాల రూ.14.7 లక్షల రూపాయలంట.. ఎన్నో ప్రత్యేకతలు గలది ఈ వ్యాచ్. ఈ వాచ్ ధర తెలిసి అంతా షాక్ అవుతున్నారు. ఇక పవన్ వేసుకున్న షూస్ కూడా ‘కోపెన్ హాగన్ ’బ్రాండ్ అని ఇవి కూడా ఏకంగా రూ.9.60 లక్షలు ఉంటాయని కొందరు పనిగట్టుకొని మరీ సోషల్ మీడియాలో ట్రోల్స్ చేస్తున్నారు.
అసలు విషయం ఏంటంటే.. పవన్ కళ్యాణ్ వేసుకున్న వాచ్ ఖరీదు కేవలం 111.94 యూరోలు మాత్రమేనట.. మన ఇండియన్ కరెన్సీలో రూ.9600 మాత్రమే. అలాగే షూలు కూడా సేమ్ అంతే ఖరీదు.. వాటి ధర రూ.10వేల లోపు మాత్రమేనట..
విలాసాలకు దూరంగా నేత వస్త్రాలు, రబ్బరు చెప్పులతో ప్రజల్లోకి వెళ్లే పవన్ కు హంగూ ఆర్భాటాలు ఉండవని.. ఆయన ధరించినవి సాదాసీదా వాచీలు, షూలేనని జనసైనికులు చెబుతున్నారు. సినిమాకు 50 కోట్లు తీసుకునే హీరో ప్రజాసేవ కోసం కోట్లు ఖర్చు చేస్తాడని.. ఇలా వ్యక్తిగత విలాసాలకు ఖర్చు చేయడని అంటున్నారు.
Also Read:Sudigali Sudheer- Rashmi: సుడిగాలి సుధీర్ ఆ మాటనే యాంకర్ రష్మీ కెరీర్ నాశనానికి కారణమా?
