Summer Alcohol Risks: నేటి కాలంలో మద్యం తాగడం అనేది చాలామందికి ఒక అలవాటుగా మారింది.. ముందు ఇది అకేషనల్ గా మారుతుంది. ఆ తర్వాత అలవాటవుతుంది. ఇక మూడో స్టేజ్లో వ్యసనంగా మారుతుంది. మందు అనేది వ్యసనం అయిపోయిన తర్వాత దానిని తాగకుండా ఉండడం కష్టమైపోతుంది. కొన్ని సందర్భాలలో తాగడం మాత్రమే పని అవుతుంది.
ఎండాకాలంలో ఉష్ణోగ్రతలు అధికంగా ఉంటాయి. అలాంటప్పుడు మద్యం తాగేవారు ఎక్కువ మోతాదులో తీసుకుంటారు. శరీరం నుంచి చెమట అధికంగా వెళ్లడం వల్ల వారిలో నీరసంగా ఉంటుంది. ఆ నీరసాన్ని ఉత్సాహంగా మార్చుకోవడానికి మద్యం తాగుతూ ఉంటారు. కొంతమంది మద్యంతోపాటు.. బీర్ల వంటివి కూడా తాగేస్తూ ఉంటారు. తాగినప్పుడు బాగానే ఉంటుంది. పైగా మత్తు అనేది ఉంటుంది కాబట్టి నిద్ర కూడా త్వరగా పడుతుంది. ఫలితంగా శరీరం రిలాక్స్ అయినట్టు అనిపిస్తుంది. అయితే అది తాత్కాలికమైనది మాత్రమే.
వేసవిలో విపరీతంగా మద్యం తాగడం వల్ల అది ప్రాణాంతకంగా మారే ప్రమాదం ఉంది.. ఆల్కహాల్ అనేది శరీరంలో నీటి శాతాన్ని వేగంగా తగ్గిస్తుంది.. ఒకరకంగా అది డీహైడ్రేటింగ్ ఏజెంట్ లాగా పనిచేస్తూ ఉంటుంది. ఫలితంగా వడదెబ్బ వంటి వాటి బారిన పడే ప్రమాదం ఉంటుంది. మధ్యమధ్యలో ఉన్నప్పుడు వడదెబ్బకు సంబంధించిన లక్షణాలను మన శరీరం.. మెదడు వంటివి వెంటనే గుర్తించలేవు. దీనివల్ల పరిస్థితి దారుణంగా మారుతుంది. ప్రాణాలు కోల్పోయే ప్రమాదం కూడా ఎక్కువగా ఉంటుంది.
మద్యం అతిగా తాగే అలవాటు ఉన్నవారు వేసవిలో దానిని తగ్గించుకోవడం మంచిది. ఒకేసారి కాకుండా విడతలవారీగా మద్యాన్ని తాగే అలవాటును తగ్గించుకోవాలి. దీనివల్ల శరీరం క్రమంగా మెరుగవుతూ ఉంటుంది. అంతర్గత అవయవాల పనితీరు కూడా ఉత్తేజంగా మారుతూ ఉంటుంది.. మద్యం తాగడం వల్ల అనేక రకాల అనారోగ్యాలు శరీరం మీద దాడి చేస్తూ ఉంటాయి. మద్యం తాగి అలవాటు ఉన్నవారు ఒకేసారి మానివేయకుండా.. క్రమంగా మద్యం తాగే పరిమాణాన్ని పూర్తిగా తగ్గించుకోవాలి. దీనివల్ల శరీరం కూడా అలవాటు పడిపోతూ ఉంటుంది. మద్యం తాగడం మానేస్తే చర్మం కాంతివంతంగా ఉంటుంది. నాజూకుతనాన్ని కలిగి ఉంటుంది. ఇతర సమస్యలు రావడానికి అవకాశం ఉండదు.. శరీరం కూడా నవోత్తేజాన్ని పొందుతుంది.
గమనిక
ఈ కథనం కేవలం పాఠకులకు సమాచారం కోసం మాత్రమే. వైద్య చికిత్సకు ప్రత్యామ్నాయం కాదు. మద్యం తాగే అలవాటు ఉన్నవారు.. దానిని మానేయాలంటే వైద్యుల సలహా తీసుకోవడం మంచిది.
