పవర్ స్టార్ పవన్ కల్యాణ్ స్టామినాకు బాక్సాఫీస్ షేకైపోతోంది. వసూళ్ల ప్రభంజనం కొనసాగుతోంది. అత్యంత భారీ అంచనాల నడుమ విడుదలైన వకీల్ సాబ్ చిత్రం.. కలెక్షన్ల సునామీ సృష్టిస్తోంది. టాలీవుడ్ చరిత్రలోనే నెవ్వర్ బిఫోర్ రికార్డులను నమోదు చేస్తోంది. లాంగ్ రన్ లో తెలుగు చిత్ర పరిశ్రమలో సరికొత్త చరిత్ర సృష్టించడం ఖాయమని ట్రేడ్ అనలిస్టులు అంచనా వేస్తున్నారు. ఈ నేపథ్యంలో తొలిరోజు కలెక్షన్స్ ఎలా ఉన్నాయో చూద్దాం.
హైదరాబాద్ లో సుమారు 400 షోలను ప్లాన్ చేశారు మేకర్స్. నగరంలో ఒకటీ రెండు మినహా దాదాపు అన్ని థియేటర్లలోనూ వకీల్ సాబ్ బొమ్మ పడింది. మూడేళ్లుగా ఆకలితో ఉన్న ఫ్యాన్స్ తోపాటు సాధారణ ప్రేక్షకులు కూడా కుమ్మేశారు. దాదాపు అన్ని చోట్లా హౌస్ ఫుల్ బోర్డులు పెట్టేశారు. దీంతో.. తొలిరోజున 5.50 కోట్లు వసూళ్లు చేసే అవకాశం ఉందని భావిస్తున్నారు. ఇప్పటి వరకూ తొలిరోజు రికార్డు మహేష్ బాబు ‘సరిలేరు నీకెవ్వరు’ పేరిట ఉంది. ఈ చితరం రూ.4.39 కోట్లు వసూలు చేసింది. ఆ రికార్డును వకీల్ సాబ్ తిరగరాయబోతున్నాడని అంటున్నారు.
ఇక, ఫారెన్ లోనూ వకీల్ సాబ్ దుమ్ములేపుతున్నాడు. అమెరికాలో పవర్ స్టార బాక్సాఫీస్ వార్ అత్యంత ఘనంగా మొదలు పెట్టాడు. సమారు 226 లొకేషన్లలో రిలీజైన ఈ చిత్రం తొలి రోజున 364కే డాలర్లను వసూలు చేసినట్టు తెలుస్తోంది. కరోనా లాక్ డౌన్ తర్వాత అత్యధిక వసూళ్లు సాధించిన ఇండియన్ ప్రీమియర్ గా రికార్డు నమోదు చేసింది.
అటు ఆస్ట్రేలియా, న్యూజిలాండ్ లోనూ ఈ చిత్రం భారీ కలెక్షన్లు రాబట్టింది. ఆసీస్ లో మొత్తం 58 లొకేషన్లలో విడుదలైన ఈ చిత్రం 1.45లక్షల ఆస్ట్రేలియన్ డాలర్లు కొల్లగొట్టింది. న్యూజీలాండ్ లో 17 చోట్ల విడుదలై 8,302 కివీస్డాలర్లు రాబట్టింది. ఈ విధంగా.. ప్రపంచ వ్యాప్తంగా వకీల్ సాబ్ రికార్డు స్థాయి వసూళ్లు రాబడుతున్నాడు. ట్రేడ్ వర్గాల అంచనాల ప్రకారం తొలిరోజే 32 కోట్ల షేర్ ను ఈ చిత్రం రాబడుతుందని భావిస్తున్నారు. దీంతో.. లాంగ్ రన్ లో వకీల్ సాబ్ సృష్టించే ప్రభంజనం ఏ స్థాయిలో ఉంటుందో చూడాలి.
