తమిళంలో సూపర్ హిట్ అయిన వేదాళం అనే చిత్రానికి తెలుగు రీమేక్ గా “భోళా శంకర్’ ను తెరకెక్కిస్తున్నారు. ఈ మూవీ లో చిరు చెల్లెలిగా కీర్తి సురేష్ నటిస్తున్న విషయం తెలిసిందే. ఇక ఈ చిత్రం నుంచి మరో అప్డేట్ వచ్చేసింది. తాజాగా ఈ సినిమా పూజా కార్యక్రమాలు నిర్వహించారు. ఈ నెల 15 నుంచి రెగ్యులర్ షూటింగ్ స్టార్ట్ చేయనున్నట్లుగా ప్రకటించాడు దర్శకుడు మెహర్ రమేష్.
ఇప్పటికే భోళా శంకర్ లుక్ టెస్ట్.. ఫోటో షూట్ స్టార్ట్ చేసినట్టు ప్రకటించారు మూవీ మేకర్స్. ఈ చిత్రానికి మణిశర్మ తనయుడు మహతి స్వరసాగర్ సంగీతాన్ని అందిస్తున్నారు. ఏకే ఎంటర్టైన్మెంట్స్పై అనిల్ సుంకర ఈ చిత్రాన్ని భారీ ఎత్తున నిర్మిస్తున్నారు. మెహర్ రమేష్ గతంలో డైరెక్ట్ చేసిన కంత్రి, శక్తి, షాడో వంటి సినిమాలు డిజాస్టర్లుగా మిగిలాయి. ఈ చిత్రంతో అయిన మెహర్ మంచి విజయం సాధించాలని చిరు అభిమానులు కోరుకుంటున్నారు.
