The Odyssey : క్రిస్టోఫర్ నోలన్ తెరకెక్కించిన లేటెస్ట్ ఎపిక్ బ్లాక్ బస్టర్ ‘ది ఒడిస్సీ’ బాక్స్ ఆఫీస్ జోరు ఏ మాత్రం తగ్గలేదు. ఓవర్సీస్ మార్కెట్స్ లోనే కాదు , ఈ చిత్రానికి ఇండియన్ బాక్స్ ఆఫీస్ వద్ద కూడా కలెక్షన్స్ అద్భుతంగా ఉన్నాయి. వీకెండ్ తర్వాత వసూళ్ళలో డ్రాప్స్ ఉండడం సహజమే. కానీ ఈ చిత్రానికి వర్కింగ్ డేస్ లో కూడా చాలా డీసెంట్ వసూళ్లు నమోదు అవుతున్నాయి. ముఖ్యంగా ఇండియన్ బాక్స్ ఆఫీస్ విషయానికి వస్తే 4 వ రోజు కంటే , 5 వ రోజు వచ్చిన వసూళ్లు ఎక్కువగా ఉన్నాయి. నాల్గవ రోజున ఈ చిత్రానికి 7 కోట్ల 76 లక్షల రూపాయిల నెట్ వసూళ్లు రాగా, 5 వ రోజున 8 కోట్ల 5 లక్షల రూపాయిల నెట్ వసూళ్లు వచ్చాయి.
ఓవరాల్ గా ఈ చిత్రానికి ఇండియన్ బాక్స్ ఆఫీస్ వద్ద 72 కోట్ల 62 లక్షల రూపాయిల నెట్ వసూళ్లు వచ్చాయి. ఈ వీకెండ్ తో ఈ చిత్రం ఇండియన్ బాక్స్ ఆఫీస్ వద్ద ప్రతిష్టాత్మక వంద కోట్ల నెట్ ని దాటనుంది. రాబోయే రోజుల్లో ఈ చిత్రం ఇండియన్ బాక్స్ ఆఫీస్ వద్ద ఇంకా పెద్ద రేంజ్ కి వెళ్లే అవకాశాలు ఉన్నాయని అంటున్నారు ట్రేడ్ విశ్లేషకులు. వరల్డ్ వైడ్ గా కూడా ఈ చిత్రానికి సంబంధించిన 5 వ రోజు వసూళ్లు పుంజుకున్నాయి. ఎందుకంటే మంగళవారం రోజున టికెట్ రేట్స్ పై స్పెషల్ ఆఫర్స్ ఉన్నాయి కాబట్టి. 5 వ రోజున ఈ చిత్రానికి నార్త్ అమెరికా నుండి అక్షరాలా 21 మిలియన్ డాలర్ల గ్రాస్ వసూళ్లు వచ్చాయి. ఓవరాల్ గా ఈ చిత్రానికి నార్త్ అమెరికా నుండి 162 మిలియన్ డాలర్ల గ్రాస్ వసూళ్లు వచ్చాయి. ఇది సాధారణమైన విషయం కాదు.
ఓవరాల్ గా ఈ చిత్రానికి ఇప్పటి వరకు 350 మిలియన్ డాలర్లకు పైగా గ్రాస్ వసూళ్లు ప్రపంచవ్యాప్తంగా వచ్చాయి. అంటే ఇండియన్ కరెన్సీ లెక్కల ప్రకారం 3 వేల కోట్ల రూపాయలకు పైమాటే. ఇదే ఊపులో ముందుకు పోతే , ఈ చిత్రం కచ్చితంగా లాంగ్ రన్ లో హాలీవుడ్ ప్రతిష్టాత్మక 1 బిలియన్ మార్కు క్లబ్ లోకి ఎంట్రీ ఇస్తుందని అంటున్నారు నెటిజెన్స్. అయితే ఈ నెల 31 న స్పై డర్ మ్యాన్ చిత్రం విడుదల కాబోతుంది. ఈ సినిమాకు కూడా ఆడియన్స్ లో విపరీతమైన క్రేజ్ ఉంది. ఈ సినిమా కలెక్షన్స్ ప్రభావం ‘ది ఒడిస్సీ’ పై పడుతుందో లేదో చూడాలి.
