Sreeleela(2)
Sreeleela: సినీ ఇండస్ట్రీ లో ఒక హీరో, లేదా ఒక హీరోయిన్ సక్సెస్ అవ్వడం అనేది సాధారణమైన విషయం కాదు. అందం, టాలెంట్ తో పాటు బోలెడంత అదృష్టం ఉండాలి. కొంతమంది హీరోయిన్స్ అయితే మొదటి సినిమాతోనే స్టార్ హీరోయిన్ రేంజ్ ని దక్కించుకుంటూ ఉంటారు. అవకాశాలు ఆ ఒక్క సినిమా కారణంగా వరుసగా క్యూలు కడుతుంటాయి. అలాంటి హీరోయిన్స్ లో ఒకరు శ్రీలీల. పెళ్ళిసందడి అనే చిత్రం ద్వారా వెండితెర అరంగేట్రం చేసిన ఈ అమ్మాయి, ఆ తర్వాత ‘ధమాకా’ చిత్రంతో ఇండస్ట్రీ మొత్తం తనవైపు చూసేలా చేసింది. ఈ సినిమాలో ఈమె వేసిన డ్యాన్స్ థియేటర్స్ దద్దరిల్లిపోయాయి. ఆ చిత్రం అంత పెద్ద కమర్సియల్ సక్సెస్ అవ్వడానికి ప్రధాన కారణం శ్రీలీల నే అని అప్పట్లో విశ్లేషకులు సైతం రివ్యూస్ ఇచ్చారు. ఈ సినిమా తర్వాత శ్రీలీల కి వరుసగా అరడజనుకు పైగా సినిమాల్లో నటించే అవకాశం దక్కింది. వాటిల్లో కేవలం ‘భగవంత్ కేసరి’ తప్ప, మిగిలినవన్నీ ఘోరమైన డిజాస్టర్ ఫ్లాప్స్ గా నిలిచాయి.
దీంతో ఈమెకు అవకాశాలు బాగా తగ్గిపోయాయి అని అందరూ అనుకున్నారు. గత ఏడాది తో పోలిస్తే, ఈ ఏడాది లో శ్రీలీల నుండి కేవలం ‘గుంటూరు కారం’ తప్ప మరో సినిమా రాలేదు. ప్రస్తుతం ఆమె నితిన్ హీరో గా నటించిన రాబిన్ హుడ్ చిత్రంలో హీరోయిన్ గా చేస్తుంది. ఈ చిత్రం వచ్చే నెల 20 వ తారీఖున ప్రపంచవ్యాప్తంగా గ్రాండ్ గా విడుదల కాబోతుంది. ఈ సందర్భంగా మొదటి లిరికల్ వీడియో సాంగ్ ని విడుదల చేయగా, దానికి ప్రేక్షకుల నుండి మంచి రెస్పాన్స్ వచ్చింది. ఈ సాంగ్ ని ఒక ప్రత్యేకమైన ఈవెంట్ ని ఏర్పాటు చేసి విడుదల చేసారు. ఈ ఈవెంట్ కి శ్రీలీల కూడా హాజరైంది. ఈ ఈవెంట్ లో శ్రీలీల మీడియా ప్రతినిధులు అడిగిన ప్రశ్నలకు ఆమె చెప్పిన సమాదానాలు సోషల్ మీడియాలో వైరల్ గా మారింది.
ఒక రిపోర్టర్ ఆమెని ఒక ప్రశ్న అడుగుతూ ‘గత ఏడాది మీ నుండి నెలకు ఒక సినిమా విడుదలయ్యేది. కానీ ఈ ఏడాది సినిమాలను బాగా తగ్గించేశారు. అందుకు కారణం ఏమిటి?’ అని ఆమెని అడగగా, దానికి శ్రీలీల సమాధానం చెప్తూ ‘ఈ ఏడాది నా మెడికల్ స్టడీస్ కి చాలా ముఖ్యం. గత ఏడాది వరుసగా సినిమాలు చేయడం వల్ల నా అటెండెన్స్ బాగా తగ్గిపోయింది. అందుకే ఈ ఏడాది కాస్త సినిమాలకు బ్రేక్ ఇచ్చాను’ అని చెప్పుకొచ్చింది శ్రీలీల. ఇది ఇలా ఉండగా శ్రీలీల పవన్ కళ్యాణ్, హరీష్ శంకర్ కాంబినేషన్ లో తెరకెక్కుతున్న ‘ఉస్తాద్ భగత్ సింగ్’ లో హీరోయిన్ గా నటిస్తున్న సంగతి తెలిసిందే. ఈ చిత్రం పవన్ కళ్యాణ్ ప్రస్తుతం ఉప ముఖ్యమంత్రి బాధ్యతలతో బిజీ గా ఉండడం వల్ల తాత్కాలికంగా ఆగింది. వచ్చే ఏడాదిలో షూటింగ్ కార్యక్రమాలు మళ్ళీ మొదలయ్యే అవకాశాలు ఉన్నాయి.
