Naresh- Pavitra Lokesh: నటి పవిత్ర లోకేష్ తో నరేష్ వివాహం అంటూ వార్తలు వస్తున్న విషయం తెలిసిందే. వారం రోజులుగా టాలీవుడ్ లో ఇది హాట్ టాపిక్ గా ఉంది. నరేష్ మాత్రం దీనిపై నోరు మెదపడం లేదు. అయితే వీరిద్దరూ ఇప్పటికే రహస్య వివాహం చేసుకున్నారనేది తాజా వార్త. పవిత్ర లోకేష్ మొదటి భర్తతో విడిపోయారు. ఆమెకు అధికారికంగా విడాకులు మంజూరు కాలేదు. అందుకే కేవలం సన్నిహితుల సమక్షంలో రహస్యంగా వీరి వివాహం జరిగిందట. ఈ వార్తలకు బలం చేకూర్చేలా నరేష్, పవిత్ర లోకేష్ పుణ్యక్షేత్రాలు దర్శిస్తున్నారు.
సడన్ గా ఈ జంట మహాబలేశ్వర్ ఆలయంలో ప్రత్యక్షమయ్యారు. మహారాష్ట్రలో గల మహాబలేశ్వర్ టెంపుల్ ని సందర్శించిన నరేష్, పవిత్ర ప్రత్యేక పూజలు నిర్వహించారు. స్వామివారి ఆశీస్సులు అందుకున్నారు. వీరి మహాబలేశ్వర్ విజిట్ కి సంబంధించిన ఫోటోలు, వీడియోలు సామాజిక మాధ్యమాల్లో హల్చల్ చేస్తున్నాయి. ఇక చాలా కాలంగా వీరిద్దరూ కలిసి ఉంటున్నట్లు సమాచారం. తెలుగులో పవిత్ర బిజీ క్యారెక్టర్ ఆర్టిస్ట్ గా మారడానికి కూడా నరేషే కారణం అనే టాక్ ఉంది.
Also Read: Mahesh -Trivikram Movie Cancelled: మహేష్ – త్రివిక్రమ్ మూవీ క్యాన్సిల్..?? కారణం అదేనా?
ఇక పవిత్ర లోకేష్ నేపథ్యం చూస్తే ఆమె కన్నడ అమ్మాయి. 1995లో హీరోయిన్ గా ఎంట్రీ ఇచ్చారు. కెరీర్ బిగినింగ్ లో హీరోయిన్ గా, సైడ్ హీరోయిన్ రోల్స్ చేశారు. తెలుగులో పవిత్ర లోకేష్ ఫస్ట్ మూవీ దొంగోడు. రవితేజ హీరోగా 2003లో విడుదలైన ఈ చిత్రంలో హీరోయిన్ తల్లి పాత్ర చేశారు. 2010 నుండి పవిత్ర లోకేష్ టాలీవుడ్ లో బిజీ క్యారెక్టర్ ఆర్టిస్ట్ అయ్యారు. ఈ మధ్య కాలంలో ఆమె నటించిన అంటే సుందరానికీ, సర్కారు వారి పాట, రెడ్, డియర్ మేఘ, అర్ధ శతాబ్దం వంటి చిత్రాలు విడుదలయ్యాయి.
ఇక నరేష్ గురించి ప్రత్యేకంగా చెప్పాల్సిన అవసరం లేదు . స్టార్ లేడీ విజయనిర్మల మొదటి భర్త కొడుకే నరేష్. చైల్డ్ ఆర్టిస్ట్ గా ఎంట్రీ ఇచ్చిన నరేష్… 80-90 లలో హీరోగా కొనసాగారు. కొన్ని సూపర్ హిట్ చిత్రాలు కూడా ఆయన ఖాతాలో ఉన్నాయి. హీరోగా ఫేడ్ అవుట్ అయ్యాక కొంచెం గ్యాప్ తీసుకున్న నరేష్ క్యారెక్టర్ ఆర్టిస్ట్ గా సెకండ్ ఇన్నింగ్స్ స్టార్ట్ చేశారు. క్యారెక్టర్ ఆర్టిస్ట్ గా ఆయన సూపర్ సక్సెస్ జర్నీ కొనసాగిస్తున్నారు.
Also Read:Highest Grossing Film After RRR: ఈ ఏడాది RRR తర్వాత భారీ వసూళ్లు సాధించిన సినిమా ఏమిటో తెలుసా?
[…] Also Read: Naresh- Pavitra Lokesh: రహస్య వివాహం నిజమే? మహాబలేశ్… […]