Samantha fans vs Shobhita Fans: సోషల్ మీడియా లో స్టార్ హీరోల అభిమానుల మధ్య ఫ్యాన్ వార్స్ జరగడం సర్వ సాధారణమే. మా హీరో గొప్ప అంటే , మా హీరో గొప్ప అంటూ ఎల్లప్పుడూ ఫైటింగ్ చేసుకుంటూనే ఉంటారు, అది ఒక ఎంటర్టైన్మెంట్ లాగా మారిపోయింది ఈమధ్య. అయితే కేవలం హీరోల అభిమానుల మధ్య మాత్రమే కాదు, హీరోయిన్స్ అభిమానుల మధ్య కూడా ఫ్యాన్ వార్స్ తారా స్థాయిలో ఉంటున్నాయి. ముఖ్యంగా సమంత , శోభిత ధూళిపాళ్ల ఫ్యాన్స్ మధ్య ఇన్ స్టాగ్రామ్ లో పెద్ద యుద్ధమే నడుస్తోంది. వీళ్ళ పై వచ్చే కామెంట్స్ సమంత , శోభిత లు చూస్తే వాళ్లకు తలనొప్పి వస్తుందో లేదో తెలియదు కానీ , సాధారణ నెటిజెన్స్ కి మాత్రం కచ్చితంగా తలనొప్పి చిరాకు వస్తుంది అనడంలో ఎలాంటి సందేహం లేదు. రీసెంట్ గా సమంత ‘మా ఇంటి బంగారం’ మూవీ సక్సెస్ మీట్ లో మాట్లాడిన కొన్ని మాటలు ఎంత వైరల్ అయ్యాయో అందరికీ తెలిసిందే.
అందులో ఆమె ఒక విలేఖరి అడిగిన ప్రశ్నకు సమాధానం చెప్తూ ‘మీరు పర్ఫెక్ట్ గా లేకుండా , ఎవరో ఒకరు మీ జీవితం లోకి అడుగుపెట్టి , దాన్ని ఫిల్ చేస్తారని అనుకుంటేనే తప్పులు జరుగుతాయి’ అంటూ ఆమె నేటి తరం యువత కి సూచన ఇస్తున్నట్టుగా కొన్ని కామెంట్స్ చేశారు. అయితే దీన్ని సోషల్ మీడియా లో సమంత శోభిత ని కావాలని ఉద్దేశించే ఇలాంటి కామెంట్స్ చేసిందని, అందుకు గతం లో శోభిత ఒక ఇంటర్వ్యూ లో మాట్లాడుతూ ‘అతను లేకుండా నా జీవితం సంపూర్ణం అవ్వదు’ అన్న మాటలకు సంబంధించిన వీడియో ని సోషల్ మీడియా లో సమంత అభిమానులు షేర్ చేశారు. దీంతో శోభిత ఫ్యాన్స్ దీని పై తీవ్రస్థాయిలో విరుచుకుపడ్డారు , అలా ఈ ఇద్దరి హీరోయిన్స్ అభిమానుల మధ్య సోషల్ మీడియా లో పెద్ద వార్ నడుస్తోంది ప్రస్తుతానికి.
అయితే సమంత ఫ్యాన్స్ శోభిత ని నాగ చైతన్య పెళ్లి చేసుకున్నప్పటి నుండి చాలా దారుణంగా టార్గెట్ చేస్తూ వస్తున్నారు. తన ఇన్ స్టాగ్రామ్ అకౌంట్ లో ఏ చిన్న ఫోటో ని అప్లోడ్ చేసినా కామెంట్స్ లో శోభిత ని దారుణంగా దూషిస్తూ మండిపడుతున్నారు. సమంత కూడా రెండవ పెళ్లి చేసుకుంది , ఇప్పుడు గర్భం దాల్చింది , ఆమె వైవాహిక జీవితాన్ని అద్భుతంగా అనుభవిస్తోంది. అయినప్పటికీ కూడా శోభిత కి నెగెటివిటీ తప్పడం లేదు. ఒకప్పుడు సమంత కి కూడా ఇదే రేంజ్ నెగెటివిటీ సోషల్ మీడియా లో ఉండేది కానీ , ఆమెకు మయోసిటిస్ వ్యాధి సోకడం వల్ల, ఆమె పై నెటిజెన్స్ లో సానుభూతి ఏర్పడింది.
