RRR Movie: దేశవ్యాప్తంగా ఆర్ఆర్ఆర్ సినిమా కోసం ప్రేక్షకులంతా ఎంతో ఆత్రుతగా ఎదురుచూస్తున్నారు. మెగా, నందమూరి ఫ్యామిలిలకు చెందిన ఇద్దరు స్టార్ హీరోలతో కలిసి దర్శకధీరుడు రాజమౌళి రూపొందిస్తున్న ఆర్ఆర్ఆర్ సినిమాపై భారీ అంచనాలు ఉన్నాయి. భారీ బడ్జెట్తో డీవీవీ ఎంటర్టైన్మెంట్స్ బ్యానర్ పై దానయ్య నిర్మించిన ఈ సినిమాలో చరణ్ సరసన బాలీవుడ్ బ్యూటీ అలియా భట్… తారక్ కి జోడీగా హాలీవుడ్ హీరోయిన్ ఒలివియా మోరీస్ నటిస్తున్నారు. పాన్ ఇండియా రేంజ్లో తెరకెక్కిన ‘ఆర్ఆర్ఆర్’ మూవీ ట్రైలర్ను నిన్న విడుదల చేసింది చిత్రబృందం. రిలీజ్ అయిన కొన్ని గంటల్లోనే రికార్డు స్థాయిలో వ్యూస్కు చేరుకుని.. ప్రభంజనం సృష్టించింది. కేవలం 7 గంటల్లోనే టాలీవుడ్ ఫాస్టెస్ట్ 1 మిలియన్ లైక్స్ ట్రైలర్గా నిలిచి.. ఆల్టైమ్ నెంబర్ 1 స్థాయిలో నిలిచింది. ఇప్పుడు 20 మిలియన్ వ్యూస్కు చేరువలో ఈ ట్రైలర్ నెట్టింట దూసుకెళ్లిపోతోంది.
అయితే, హిందీ వర్షన్లోనూ విడుదలైన ఆర్ఆర్ఆర్ ట్రైలర్కు తెలుగుతో సమానమైన రెస్పాన్స్ వస్తోంది. ఇప్పటికే 17 మిలియన్ వ్యూస్ను క్రాస్ చేసిన భారీ స్థాయిలో మంచి స్పందనను రాబట్టింది. మొత్తానికి సినిమాపై ఎక్కడలేని హైప్ ఒక్క ట్రైలర్తో జక్కన్న క్రియేట్ చేశారు.
Also Read: “ఆర్ఆర్ఆర్” ట్రైలర్ పై స్పందించిన మెగా స్టార్ చిరంజీవి, మహేష్ బాబు…
ఈ సినిమాలో తారక్ భీమ్గా కనిపించనుండగా.. చరణ్ అల్లూరి సీతారామరాజు పాత్రలో దర్శనమివ్వనుననారు. ట్రైలర్లోనూ అందుకు సంబంధించిన క్లిప్స్ను పెట్టారు మేకర్స్. ట్రైలర్ చూస్తున్నంత సేపు రోమాలు నిక్కబొడుచుకున్నాయి. ఈ సినిమాలో అజయ్ దేవగణ్ పాత్ర కూడా కీలకంగా మారనున్నట్లు తెలుస్తోంది. ఆయన పాత్రను చూస్తుంటే భగత్సింగ్ ఇన్స్పిరేషన్తో తీసుకున్నట్లు కనిపిస్తోంది. మరి సినిమా ఎలా ఉండనుందో తెలియాలంటే.. వచ్చే ఏడాది సంక్రాంతి వరకు వేచి చూడాల్సిందే. జనవరి 7న ప్రపంచవ్యాప్తంగా ఈ సినిమా విడుదల కానుంది. బాలీవుడ్ స్టార్స్ అజయ్ దేవగణ్, ఆలియా భట్ అలానే హాలీవుడ్ యాక్టర్ ఓలివియా మోరీస్, శ్రీయ శరణ్, సముద్రఖని కీలక పాత్రల్లో నటించారు.
Also Read: ఆర్ఆర్ఆర్ అలా.. రాధేశ్యామ్ ఇలా.. మధ్యలో భీమ్లానాయక్.. ఎవరికి కలిసివస్తుంది?
