Ramesh Babu: సూపర్ స్టార్ కృష్ణ తెలుగు సినిమా ఇండస్ట్రీకి ఎనలేని సేవలను అందించాడు. తన వారసులు సైతం ఇండస్ట్రీలో రాణిస్తూ ఉండడం విశేషం… కృష్ణ పెద్ద కుమారుడు అయిన రమేష్ బాబు ఇండస్ట్రీకి ఎంట్రీ ఇచ్చిన చాలా తక్కువ సమయంలోనే ఫేడ్ ఔట్ అయిపోయాడు. అతనికి అనుకున్న సక్సెసులైతే రాలేదు. 1999 సంవత్సరంలో ‘భూలోకవీరుడు జగదేక సుందరి’ అనే ఒక సినిమా ఓపెనింగ్ అయితే జరిగింది. కొద్దిరోజుల పాటు షూటింగ్ జరుపుకున్న తర్వాత ఆ సినిమాని ఆపివేశారు. అయితే ఈ సినిమాను 1999 జూన్ 24వ తేదీన రామానాయుడు స్టూడియోలో ఓపెనింగ్ జరిగింది. దానికి మొదటి క్లాప్ ని మహేష్ బాబు కొట్టడం విశేషం… ఇక ఈ సినిమాని జానపద చిత్రంగా తెరకెక్కించాలనే ప్రయత్నం చేశారు. అయినప్పటికి అది వర్కౌట్ కాలేదు.
ఇక ఇంద్రజ ఇందులో హీరోయిన్ గా నటిస్తుందని కూడా తెలియజేశారు. అయినప్పటికి ఈ సినిమా ముందుకైతే సాగలేదు. ఇక జానపద బ్రహ్మ విఠలాచార్య కొడుకు అయిన శ్రీనివాస్ దీనికి దర్శకత్వం వహించాడు. కానీ ఈ సినిమా మధ్యలోనే ఆగిపోవడం ప్రతి ఒక్కరిని తీవ్రంగా కలిచివేసింది.
నిజానికి ఈ సినిమా కనుక చేసి ఉంటే రమేష్ బాబు ఒక మంచి సక్సెస్ ని అందుకొని హీరోగా తన పరను కొనసాగించేవాడు అంటూ ఇప్పటికీ కృష్ణ అభిమానులు వాళ్ళ అభిప్రాయాన్ని తెలియజేస్తుంటారు. ఇక మహేష్ బాబు మాత్రం ఆచి తూచి సినిమాలను ఎంచుకొని సక్సెస్ లను సాధిస్తూ స్టార్ హీరోగా ఒక మంచి పొజిషన్లో ఉన్నాడు. తండ్రికి తగ్గ తనయుడిగా పేరును కూడా సంపాదించుకున్నాడు.
రమేష్ బాబు ను హీరోగా నిలబెట్టలేకపోయిన కృష్ణ మహేష్ బాబు విషయంలో మాత్రం చాలా కేర్ఫుల్ గా వ్యవహరించాడు. ప్రతి సినిమా కథని క్షుణ్ణంగా పరిశీలించిన తర్వాతే అతనితో సినిమా చేయించే ప్రయత్నాలైతే చేశాడు. మొత్తానికైతే మంచి సినిమాలు చేసి సక్సెస్ అయ్యాడనే చెప్పాలి… ప్రస్తుతం మహేష్ బాబు వారణాసి అనే సినిమా చేస్తున్నాడు. ఈ సినిమాతో ఎలాగైనా సరే సూపర్ సక్సెస్ ను సాధించాలనే ప్రయత్నంలో ఉన్నాడు…
