Pushpa 2 Release Date: భారీ ఉత్కంఠకు తెరపడింది. మైత్రీ మూవీ మేకర్స్ పుష్ప 2 విడుదల తేదీ ప్రకటించేశారు. అల్లు అర్జున్ ఫ్యాన్స్ సంబరాలు చేసుకుంటున్నారు. పుష్ప సెట్స్ పైకి వెళ్లే వరకు కూడా సుకుమార్ పార్ట్ 2 ఆలోచన చేయలేదు. బలమైన కథ, రెండు భాగాలు చెప్పే స్కోప్ ఉందని భావించి పుష్ప 2 కూడా ప్రకటించారు. పుష్ప పార్ట్ 1 పాన్ ఇండియా స్థాయిలో విజయం సాధించడంతో అంచనాలు పెరిగిపోయాయి. ముఖ్యంగా నార్త్ ఇండియా ఆడియన్స్ పుష్ప 2 కోసం ఆతృతగా ఎదురు చూస్తున్నారు.
అల్లు అర్జున్ బర్త్ డే కానుకగా విడుదల చేసిన ‘వేర్ ఈజ్ పుష్ప?’ కాన్సెప్ట్ టీజర్ కి భారీ రెస్పాన్స్ దక్కింది. హిందీ టీజర్ కి తెలుగు మించిన ఆదరణ దక్కడం విశేషం. దీన్ని బట్టి నార్త్ లో అల్లు అర్జున్ సినిమాకు ఎంత క్రేజ్ ఉందో అర్థం చేసుకోవచ్చు. 2023లోనే పుష్ప 2 విడుదల ఉంటుందని అందరూ భావించారు. పార్ట్ 1 చిత్రీకరణ సమయంలో కొంత పార్ట్ 2 షూటింగ్ చేశారనే వాదన వినిపించింది.
అయితే సుకుమార్ స్క్రిప్ట్ లో మార్పులు చేర్పులు చేశారు. బడ్జెట్ కూడా రెండింతలు పెంచారు. ఈ క్రమంలో మూవీ సెట్స్ పైకి వెళ్లేందుకు ఆలస్యమైంది. ప్రస్తుతం రామోజీ ఫిల్మ్ సిటీలో స్పెషల్ సెట్స్ లో చిత్రీకరణ జరుగుతుందని సమాచారం. ఇక పుష్ప 2 విడుదల 2024 సమ్మర్ కి ఉంటుందనే ఊహాగానాలు ఉన్నాయి. ఈ ఊహాగానాలకు తెరదించుతూ మేకర్స్ అధికారికంగా రిలీజ్ డేట్ వెల్లడించారు.
ఇండిపెండెన్స్ డేని పురస్కరించుకుని 2024 ఆగస్టు 15న పుష్ప 2 విడుదల చేస్తున్నారు. పుష్ప 2 విడుదల తేదీ ఫిక్స్ కావడంతో ఫ్యాన్స్ సంబరాలు చేసుకుంటున్నారు. పుష్ప 2 చిత్రంలో రష్మిక మందాన హీరోయిన్, ఫహాద్ ఫాజిల్ విలన్. దేవిశ్రీ సంగీతం అందిస్తున్నారు. పుష్ప 2 బడ్జెట్ దాదాపు రూ. 350 కోట్లని సమాచారం. విడుదలకు ముందే రూ. 1000 కోట్ల ఆఫర్ వచ్చిందట. కాగా నెక్స్ట్ త్రివిక్రమ్ మూవీకి అల్లు అర్జున్ సైన్ చేశాడు. ఈ ప్రాజెక్ట్ వచ్చే ఏడాది పట్టాలెక్కనుంది. అట్లీతో చర్చలు జరుగుతున్నాయని వినికిడి.
August 15th 2024!!!#Pushpa2TheRule pic.twitter.com/YHynsXLPB4
— Allu Arjun (@alluarjun) September 11, 2023
