Pushpa 2 : ఐకాన్ స్టార్ అల్లు అర్జున్ హీరోగా నటించిన పుష్ప సినిమా ఎలాంటి సంచలన విజయాన్ని నమోదు చేసిందో అందరికీ తెలిసిందే. లెక్కల మాస్టారు సుకుమార్ లెక్కలేసి తీసిన సినిమా లెక్కకు మించి వసూళ్లను రాబట్టింది. ఈ సినిమా ప్రపంచ వ్యాప్తంగా సుమారు రూ.1800 కోట్లకు పైగా కలెక్షన్లను సాధించింది. ఈ మూవీలో నేషనల్ క్రష్ రష్మిక మందన్న హీరోయిన్ గా నటించిన ఆ సినిమా బ్లాక్ బస్టర్ విజయాన్ని అందుకుంది. ఇప్పటికే ఎన్నో రికార్డులు క్రియేట్ చేసింది. ఎన్నో ఘనతలు సాధించి సత్తా చాటింది పుష్ప-2. వరల్డ్ వైడ్గా ఓ రేంజ్ లో వసూళ్లు సాధించిన పుష్ప-2. హిందీలో అయితే ప్రత్యేకంగా చెప్పాల్సిన పనిలేదు. ఇప్పటివరకు హయ్యాస్ట్ వసూళ్లు సాధించిన సినిమాగా నిలిచింది. బాలీవుడ్ సినీ ప్రియులను వేరే లెవెల్లో మెప్పించింది. రిపీట్ మోడ్ లో థియేటర్లకు రప్పించింది. ఓవరాల్ నార్త్లో రూ.820 కోట్లకుపైగా కలెక్షన్లు రాబట్టింది.
2021లో ప్రేక్షకుల ముందుకు వచ్చిన పుష్ప: రి రైజ్ మూవీ కూడా బాలీవుడ్లో సూపర్ హిట్ గా నిలిచింది. అప్పుడు రూ.150 కోట్లకు పైగా కలెక్షన్లను సాధించింది. అయితే పుష్ప-2 కన్నా చాలా తక్కువ అయినా.. అదే తక్కువ నంబరేమీ కాదు. బాలీవుడ్ లో పుష్ప-1 భారీ సక్సెస్ అవ్వడంలో గోల్డ్ మైన్స్ టెలిఫిల్మ్స్ మనీష్ షా కీలక పాత్ర పోషించారు. అయితే ఇప్పుడు పుష్ప-2ను మాత్రం తను డిస్ట్రీబ్యూట్ చేయలేదు. సినిమా మీద మొదటి నుంచి భారీ అంచనాలు ఉన్నప్పటికీ ఆయన మాత్రం తప్పుకున్నారు. మంచి లాభాలు వచ్చే సినిమాను ఆయన ఎందుకు వదులుకున్నారని రకరకాల ఊహాగానాలు తెరమీదకు వచ్చాయి. కావాలనే ఆయన తప్పుకున్నారా.. లేదా తప్పించారా అన్న చర్చ కూడా ఇండస్ట్రీ వర్గాల్లో జరిగింది.
పుష్ప 1 హిందీ హక్కులు సుమారు రూ.30 కోట్లకు కొనుగోలు చేసిన మనీష్ షా ఆ సినిమాకు ఆయన భారీ లాభాలు సంపాదించారు. ఆ తర్వాత నిర్మాతలు వచ్చిన ఆదాయంలో వాటా ఇవ్వాలని డిమాండ్ చేశారని తెలుస్తుంది. మనీష్ అందుకు ఒప్పుకోలేదట. దీంతో అనిల్ తడానీ పుష్ప 2 డిస్ట్రిబ్యూషన్ హక్కులను సుమారు రూ.200 కోట్లకు సొంతం చేసుకున్నారు. అయితే ఇప్పుడు మనీష్ షా సినిమా తీసుకుంటే బాగుండేదని భారీ లాభాలు మిస్ అయ్యారని కొందరు నెటిజన్లు కామెంట్లు పెడుతున్నారు. మనీష్ షా పుష్ప-2 హక్కులను తీసుకున్నట్లు అయితే పుష్ప 2కు ఇంకా ఎక్కువ కలెక్షన్లు వచ్చేవని అభిప్రాయపడుతున్నారు. ఏది ఏమైనా సరే డిస్ట్రిబ్యూషన్ అనేది ఒక బిజినెస్ మాత్రమే. ఆయనేం నష్టపోలేదు కాకపోతే బ్లాక్ బస్టర్ లో భాగం కాకపోవడం వల్ల లాభాలను మిస్ అయ్యారు అంతే.
