Prabhas movie with Dhurandhar director: ‘ధురంధర్’ సిరీస్ లాంటి వెండితెర అద్భుతాన్ని ఆవిష్కరించిన డైరెక్టర్ ఆదిత్య డర్ కి పాన్ ఇండియా లెవెల్ లో ప్రస్తుతం మామూలు రేంజ్ క్రేజ్ లేదని చెప్పడం లో ఎలాంటి సందేహం లేదు. ఆయన తో సినిమాలు చేసేందుకు పాన్ ఇండియా లెవెల్ లో గుర్తింపు తెచ్చుకున్న స్టార్ హీరోలు తమ పీఆర్ టీమ్స్ ద్వారా చాలా గట్టి ప్రయత్నాలే చేశాడు . ఒక స్టార్ హీరో అయితే ‘ధురంధర్ 2’ విడుదలైనప్పటి నుండి ఆదిత్య డర్ చుట్టూ ప్రదిక్షణలు చేస్తున్నాడట. కానీ తన కథకు సరిపోయే హీరో విషయం లో ఆదిత్య డర్ ఏ మాత్రం వెనుకడుగు వేయడానికి ఇష్టం చూపించడం లేదు. అందుకే ఆయన ఆ హీరో తో సినిమా చేసేందుకు ఆసక్తి చూపించడం లేదట. మరో పక్క ఆదిత్య డర్ కి ఒక టాలీవుడ్ హీరో తో పని చెయ్యాలని చాలా గట్టి కోరిక ఉందట.
ఆ టాలీవుడ్ స్టార్ హీరో మరెవరో కాదు , రెబల్ స్టార్ ప్రభాస్. ఒక భారీ హిట్ కొట్టగానే , ప్రతీ డైరెక్టర్ తమ తదుపరి చిత్రం ప్రభాస్ తో చెయ్యాలని అనుకుంటారు. ఎందుకంటే ఆయన బాక్స్ ఆఫీస్ స్టామినా అలాంటిది మరి. ఫ్లాప్ సినిమాతో కూడా వందల కోట్ల గ్రాస్ వసూళ్లను కొల్లగొట్టే సత్తా ప్రస్తుతం ఇండియా లో ప్రభాస్ కి తప్ప మరెవరికి ఉంది చెప్పండి. అందుకే టాప్ డైరెక్టర్స్ ఆయనతో సినిమాలు చేయడానికి క్యూలు కడుతున్నారు. ఇప్పుడు ఆదిత్య డర్ కూడా ప్రభాస్ కోసం ఒక పవర్ ఫుల్ స్క్రిప్ట్ ని రెడీ చేశాడట . త్వరలోనే ఈ స్క్రిప్ట్ ని ఆయన ప్రభాస్ కి వినిపించబోతున్నట్టు సమాచారం. ఆదిత్య డర్ సాధ్యమైత వరకు కథలను యదార్ధ ఘటనలకు సంబంధించినవే తీసుకుంటాడు. ప్రభాస్ తో కూడా అలాంటి అన్ టోల్డ్ స్టోరీ నే చేయడానికి ఆసక్తి చూపిస్తున్నాడట .
మరి ఆ ఆసక్తికరమైన అన్ టోల్డ్ స్టోరీ ఏమిటి అనేది తెలియాలంటే , కొన్ని రోజులు ఆగాల్సిందే. ప్రస్తుతం ఆదిత్య డర్ తన తదుపరి చిత్రాన్ని రణవీర్ సింగ్ తోనే చెయ్యాలని చూస్తున్నాడు. త్వరలోనే ఈ ప్రాజెక్ట్ కి సంబంధించిన అధికారిక ప్రకటన బయటకు రానుంది. ఈ సినిమా తర్వాత వెంటనే ప్రభాస్ తో ఆయన మరో సినిమా ప్రారంభించబోతున్నాడు. ధురంధర్ సిరీస్ లాంటి భారీ నిడివి ఉన్న సినిమాలను కేవలం నాలుగు నెలల్లోనే పూర్తి చేసిన ఆదిత్య డర్ కి , ప్రభాస్ తో ఒక సినిమాని మూడు నెలల్లోపు పూర్తి చేయడం పెద్ద విషయమేమి కాదు , చూడాలి మరి ఈ క్రేజీ ప్రాజెక్ట్ రాబోయే రోజుల్లో ఎలాంటి అద్భుతాలు నెలకొల్పబోతుంది అనేది.
