Raja Saab movie release date: రెబల్ స్టార్ ప్రభాస్(Rebel Star Prabhas) హీరో గా నటించిన లేటెస్ట్ చిత్రాల్లో విడుదలకు సిద్ధంగా ఉన్న చిత్రం ‘రాజా సాబ్'(Raja Saab Movie). వరుసపెట్టి పాన్ ఇండియన్ స్టార్ డైరెక్టర్స్ తో సినిమాలు చేస్తూ, తిరుగులేని బాక్స్ ఆఫీస్ స్టామినా ని సొంతం చేసుకున్న ప్రభాస్, మొట్టమొదటిసారి తన జోన్ ని దాటి, మారుతి లాంటి మీడియం రేంజ్ డైరెక్టర్ తో సినిమా చేయడం పై అభిమానులు మొదట్లో కాస్త అభ్యంతరాలు వ్యక్తం చేశారు. కానీ సినిమా నుండి ఒక్కొక్క ప్రమోషనల్ కంటెంట్ బయటకు వచ్చే కొద్దీ అంచనాలు భారీగా పెరిగాయి. రీసెంట్ గా విడుదల చేసిన టీజర్ కి కూడా అద్భుతమైన రెస్పాన్స్ వచ్చింది. ఫలితంగా ఇప్పుడు ఈ చిత్రం టాలీవుడ్ లోనే మోస్ట్ అవైటెడ్ ప్రాజెక్ట్స్ లో ఒకటిగా మారిపోయింది. అభిమానులతో పాటు ప్రేక్షకులు కూడా ఈ చిత్రం ఎప్పుడు ఎప్పుడు విడుదల అవుతుందా అని ఆతృతగా ఎదురు చూస్తున్నారు.
Team #TheRajaSaab wishes the Powerhouse and versatile Sanju Baba – @DuttSanjay a very Happy Birthday
Get ready to witness a terrifying presence that will shake you to the core this Dec 5th in cinemas #TheRajaSaabOnDec5th#Prabhas @DirectorMaruthi @AgerwalNidhhi… pic.twitter.com/PFgPzOnqea
— The RajaSaab (@rajasaabmovie) July 29, 2025
ఇదంతా పక్కన పెడితే ఈ చిత్రం లో ప్రముఖ బాలీవుడ్ సీనియర్ నటుడు సంజయ్ దత్ దెయ్యం గా నటిస్తున్నాడు. నేడు ఆయన పుట్టినరోజు సందర్భంగా మేకర్స్ ఆయనకు సంబంధించిన పోస్టర్ ని కాసేపటి క్రితమే విడుదల చేయగా, దానికి ఆడియన్స్ నుండి అద్భుతమైన రెస్పాన్స్ వచ్చింది. ఈ పోస్టర్ పై విడుదల తేదీ డిసెంబర్ 5 అని ఉండడం తో అభిమానులు కాస్త ఊపిరి పీల్చుకున్నారు. టీజర్ విడుదలైన రోజునే సినిమా విడుదల తేదీ కూడా ఖరారు అయ్యింది. కానీ గత కొద్దిరోజుల నుండి ఈ సినిమా సంక్రాంతికి వాయిదా పడింది అంటూ వార్తలు వినిపిస్తున్నాయి. ఇది నిజమేనేమో అని కొంతమంది అభిమానులు కూడా నమ్మేశారు. కానీ నేడు విడుదలైన పోస్టర్ లో విడుదల తేదీ మరోసారి ఖరారు అవ్వడం తో అభిమానులు కాస్త ఊపిరి పీల్చుకున్నారు. కచ్చితంగా ఈ చిత్రం డిసెంబర్ 5 నే విడుదల కాబోతుందని ఖరారు చేసుకున్నారు.
Also Read: ‘హరి హర వీరమల్లు’ ఐదు రోజుల వరల్డ్ వైడ్ వసూళ్లు ఎంతో తెలుసా?
ఇకపోతే ఈ చిత్రంలో హీరోయిన్స్ గా నిధి అగర్వాల్, మాళవిక మోహనన్ నటిస్తున్నారు. వీళ్లిద్దరు కూడా టీజర్ లో చాలా కొత్తగా కనిపించారు. సినిమా మొత్తం కామెడీ, హారర్ ఎలిమెంట్స్ తో పాటు, ఫ్యాన్స్ పిచ్చెక్కిపోయే ట్విస్టులు, ప్రభాస్ మార్క్ హీరోయిజం కూడా ఈ చిత్రం లో ఉంటుందని అంటున్నారు. టాకీ పార్ట్ మొత్తం పూర్తి అయ్యింది. ప్రస్తుతం పోస్ట్ ప్రొడక్షన్ వర్క్ జెట్ స్పీడ్ లో జరుగుతుంది. VFX క్వాలిటీ విషయం లో మేకర్స్ ఎక్కడా తగ్గడం లేదు. టీజర్ లో చూపించిన VFX వర్క్ కి పర్వాలేదు, బాగానే ఉంది అనే రేంజ్ రెస్పాన్స్ అయితే వచ్చింది కానీ, విజువల్ వండర్ లాగా ఉంది అనే రెస్పాన్స్ ని మాత్రం సొంతం చేసుకోలేకపోయింది. అందుకే మేకర్స్ VFX పై మరింత శ్రద్ద చూపిస్తున్నారు.
