Pooja Hegde Birthday: బుట్టబొమ్మ పూజా హెగ్డే అక్టోబర్ 13న బర్త్ డే జరుపుకుంది. జన్మదిన వేడుకల కోసం అమ్మడు మాల్దీవ్స్ చెక్కేసింది. అందమైన సాగర తీరంలో అర్ధనగ్నంగా ఎంజాయ్ చేస్తుంది. చిన్న షార్ట్, టాప్ ధరించి బోల్డ్ గా ఉన్న పూజా హెగ్డే ఫోటోలు వైరల్ అవుతున్నాయి. 1990 అక్టోబర్ 13న జన్మించిన పూజా హెగ్డే 33వ ఏట అడుగు పెట్టింది. పూజా కెరీర్ బిగినింగ్ నుండి ఒడిదుడుకులు ఎదుర్కొంది. ఆమెకు భారీ ఆఫర్స్ వచ్చినా హిట్స్ పడేవి కావు.
ఒక లైలా కోసం, ముకుంద చిత్రాల్లో పూజా గ్లామర్ ఆకట్టుకుంది. అందుకే జయాపజయాలతో సంబంధం లేకుండా ఆమెకు అవకాశాలు దక్కాయి. ఒక దశలో ఫేడ్ అవుట్ అవుతుందేమో అనిపించింది. రంగస్థలం మూవీతో ఐటెం భామగా కూడా మారింది. పూజాకు బ్రేక్ ఇచ్చిన ఘనత దర్శకుడు త్రివిక్రమ్ దే. ప్లాప్స్ లో ఉన్న ఆమెకు ఎన్టీఆర్ పక్కన ఛాన్స్ ఇచ్చాడు.
అరవింద సమేత వీర రాఘవ చిత్రం నుండి ఆమె దశ తిరిగింది. త్రివిక్రమ్ తెరకెక్కించిన ఆ చిత్రం సూపర్ హిట్ కొట్టింది. మహర్షి మూవీలో మహేష్ బాబు పక్కన జతకట్టి మరో హిట్ కొట్టింది. త్రివిక్రమ్ వరుసగా మరో ఛాన్స్ ఇచ్చాడు. అల వైకుంఠపురంలో ఇండస్ట్రీ హిట్ అందుకుంది. బుట్టబొమ్మగా టాలీవుడ్ లో పూజా స్థిరపడిపోయింది. ఇక స్టార్స్ పక్కన వరుస ఆఫర్స్ ఆమె తలుపు తట్టాయి. 2021 వరకు పూజా పట్టిందల్లా బంగారమే అయ్యింది.
అయితే 2022 నుండి పూజాకు బ్యాడ్ టైం స్టార్ట్ అయ్యింది. రాధే శ్యామ్ తో మొదలైన పరాజయాల పరంపర కొనసాగుతోంది. పూజా హీరోయిన్ గా నటించిన ఆచార్య, బీస్ట్, సర్కస్, కిసీ కా భాయ్ కిసీ కీ జాన్ డిజాస్టర్స్ అయ్యాయి. దానికి తోడు గుంటూరు కారం నుండి తప్పుకోవాల్సి వచ్చింది. పవన్ పక్కన ఉస్తాద్ లో నటించాల్సి ఉండగా, ఆ ఆఫర్ కూడా చేజారింది. అధికారికంగా పూజా కొత్త చిత్రం ప్రకటించలేదు. నెక్స్ట్ సాయి ధరమ్ తేజ్ పక్కన చేస్తున్నట్లు సమాచారం.
