Rahul Ramakrishna: పవన్ కళ్యాణ్ అభిమానులు సోషల్ మీడియా లో ఎంత వయొలెంట్ గా ఉంటారో ప్రత్యేకించి చెప్పనవసరం లేదు. తమ ఆరాధ్య దైవం పవన్ కళ్యాణ్ గురించి చిన్న మాట అన్నా తీసుకోలేరు , రక్తం వచ్చేలా రక్కేస్తారు. ముఖ్యంగా సినీ సెలబ్రిటీలు ఎవరైనా పొరపాటున నోరు జారితే అయిపోయినట్టే. రీసెంట్ గా ప్రముఖ కమెడియన్ రాహుల్ రామకృష్ణ పవన్ కళ్యాణ్ ని ట్యాగ్ చేసి ప్రశ్నిస్తూ కొన్ని ట్వీట్లు వేశాడు . సమాచార హక్కు చట్టం లోని సెక్షన్ 4.1 (B) ప్రకారం పారదర్శకత , ముందస్తు సమాచార వెల్లడి గురించి పవన్ కళ్యాణ్ ని ఆయన నిలదీశాడు , ఎన్నికల ముందు మీరు ఇచ్చిన ఈ హామీ సంగతేంటి అని నిలదీస్తూ , చివర్లో జై తెలంగాణ అంటూ ట్వీట్ వేశాడు . రాహుల్ రామకృష్ణ వేసిన ఈ ట్వీట్ పై పవన్ అభిమానులు తీవ్ర స్థాయిలో విరుచుకుపడ్డారు.
అభిమానులు ఈ స్థాయిలో రాహుల్ పై సైబర్ దాడి చేయడం తో ‘ప్రశ్నించినంత మాత్రాన నేను దేశద్రోహిని కాదు’ అంటూ ట్వీట్ చేశాడు . ఆ తర్వాత కాసేపటికి ఆయన నటించిన ‘జాతి రత్నాలు’ చిత్రం లోని ఫేమస్ డైలాగ్ , నా వల్లే ప్రోబ్లం అంటే వెళ్ళిపోతా మావా ఇక్కడి నుండి అంటూ ట్వీట్ వేసాడు. అయితే చివరికి పవన్ కళ్యాణ్ ఫ్యాన్స్ దెబ్బకు రాహుల్ కిందకు దిగాక తప్పలేదు , పవన్ కళ్యాణ్ మీద వేసిన ట్వీట్స్ అన్నిటిని డిలీట్ చేశాడు . రాహుల్ రామకృష్ణ ఇలాంటి వ్యాఖ్యలు చేయడం కొత్తేమి కాదు , తన మనసులో ఉన్నది ఉన్నట్టుగా , నిర్మొహమాటంగా చెప్తుంటాడు. గతంలో కాంగ్రెస్ పార్టీ పాలనపై కూడా ఇలాగే ట్వీట్లు వేసాడు, ఇప్పుడు పవన్ కళ్యాణ్ జనసేన పార్టీ ని తెలంగాణ లో యాక్టీవ్ చేయడం తో , ఇప్పుడు ఆయన మీద ఇలాంటి ట్వీట్లు వేసాడు. ఇలాంటి నోటి దూల కారణంగానే , ఆయనకు మంచి టాలెంట్ ఉన్నప్పటికీ , ఈమధ్య కాలం లో సినిమా అవకాశాలు తగ్గిపోయాయి అంటూ సోషల్ మీడియా లో నెటిజెన్స్ కామెంట్స్ చేస్తున్నారు.
