Pawan Kalyan CM Seat Pressure: తమిళనాడు రాజకీయాలు మన ఆంధ్ర ప్రదేశ్ రాష్ట్ర ఉప ముఖ్యమంత్రి పవన్ కళ్యాణ్ పై తీవ్రమైన ప్రభావం చూపిస్తున్నాయా?, ఆయన ఎట్టి పరిస్థితిలోనూ వచ్చే ఎన్నికల్లో ముఖ్యమంత్రి పదవిని అలకరించాలనే వాదన జనసేన పార్టీ క్యాడర్ నుండి రోజురోజుకి ఒత్తిడి పెరుగుతుందా అంటే అవుననే చెప్పాలి. తమిళనాడు లో మొదటి ఎన్నికల్లోనే విజయం సాధించి , ప్రభుత్వాన్ని స్థాపించబోతున్న విజయ్ తో, పవన్ కళ్యాణ్ ని పోల్చి చూస్తూ, ప్రతీ రోజు కొంతమంది రాజకీయ విశ్లేషకులు వీడియోలు చేయడం గడిచిన నాలుగు రోజుల నుండి సోషల్ మీడియా లో చూస్తూనే ఉన్నాం. పవన్ కళ్యాణ్ కూడా 2024 ఎన్నికల్లో విజయ్ లాగా ఒంటరిగా పోటీ చేసి ఉండుంటే కచ్చితంగా ముఖ్యమంత్రి అయ్యేవాడని, అనవసరంగా ఛాన్స్ మిస్ చేసుకున్నదంటూ సోషల్ మీడియా లో నెటిజెన్స్ కామెంట్స్ చేస్తున్నారు. జనసేన ని స్థాపించి 14 ఏళ్ళు కావొస్తుంది, కానీ ఇప్పటికీ పవన్ కళ్యాణ్ ఉప ముఖ్యమంత్రి హోదాలోనే ఉన్నాడు.
కానీ విజయ్ మాత్రం పార్టీ ని స్థాపించిన రెండేళ్లకే ముఖ్యమంత్రి అయిపోయాడు. దీనినే జనసేన పార్టీ క్యాడర్ , అభిమానులు జీర్ణించుకోలేకపోతున్నారు. 2024 ఎన్నికల్లో పవన్ కళ్యాణ్ పొత్తు పెట్టుకొని ఎన్నికల్లో ముందుకు పోవాలి అనే వ్యూహం కచ్చితంగా సరైనదే , కానీ 2029 లో ఆయన కూటమిగానే ఎన్నికలకు వెళ్లినప్పటికీ , ఎట్టి పరిసిటీలోనే రెండున్నర ఏళ్ళ పాటు సీఎం సీట్ షేర్ నిబంధన తోనే ముందుకు పోవాలని , కనీసం 70 స్థానాల్లో పోటీ చెయ్యాలని డిమాండ్ చేస్తున్నారు ఫ్యాన్స్. మరి ఆ స్థాయిలో సీట్లు తీసుకుంటారో లేదో తెలియదు కానీ , సీఎం సీటు షేరింగ్ మాత్రం ఈసారికి ఉండాల్సిందే అని , లేదంటే కచ్చితంగా ఈసారి గెలిచే అవకాశాలు చాలా తక్కువగా ఉంటాయని అంటున్నారు రాజకీయ విశ్లేషకులు.
మరి చంద్రబాబు నాయుడు అందుకు ఒప్పుకుంటాడో లేదో చూడాలి. పవన్ కళ్యాణ్ కి సీఎం సీటు పై ఎలాంటి మక్కువ లేదు. రాష్ట్ర అభివృద్ధి కోసం చంద్రబాబే 15 ఏళ్ళ పాటు ముఖ్యమంత్రిగా ఉండాలని చెప్పిన వ్యక్తి ఆయన. కానీ అభిమానుల నుండి జనసేన పార్టీ కార్యకర్తల నుండి పవన్ కళ్యాణ్ ముఖ్య మంత్రి అవ్వాలి అనే డిమాండ్ విజయ్ కారణంగా రోజురోజుకి పెరిగిపోతూ ఉంది. ఒకవేళ పవన్ కళ్యాణ్ ని ఈసారి ముఖ్యమంత్రి అభ్యర్థిగా కూటమి తరుపున ప్రకటించకపోతే 2024 లో ఎలా అయితే జనసేన నుండి టీడీపీ కి కోస్తాంధ్ర జిల్లాల్లో ఓటు బదిలీ అయ్యిందో , అలా జరిగే అవకాశాలు సూన్యం అనే చెప్పాలి. చూడాలి మరి రాబోయే రోజుల్లో ఏమి జారబోతుంది అనేది.
