Megastar Chiranjeevi: ఆర్ఆర్ఆర్ ఒక మాస్టర్ పీస్ – మెగాస్టార్ చిరంజీవి

Megastar Chiranjeevi: ‘ఆర్ఆర్ఆర్’ సినిమా విడుదలై రికార్డు కలెక్షన్లతో దూసుకుపోతుంది. ఇప్పటికే పలుచోట్ల ఆల్ టైమ్ రికార్డులను నమోదు చేసింది. రాజమౌళి బృందం రికార్డు స్థాయి సక్సెస్ సాధించడం పై అభిమానులు, ప్రముఖులు తమ ఆనందాన్ని వ్యక్తం చేస్తూ… చిత్ర యూనిట్ కు విషెస్ తెలియజేస్తూ ఆసక్తికర కామెంట్స్ చేస్తున్నారు. ఈ క్రమంలో మెగాస్టార్ చిరంజీవి కూడా ఈ చిత్రం ఘన విజయం సాధించడం పట్ల సంతోషం వ్యక్తం చేస్తూ ఇంట్రెస్టింగ్ కామెంట్స్ చేశారు.

మెగాస్టార్ మాటల్లో.. ‘‘ఆర్ఆర్ఆర్ సినిమా మాస్టర్ స్టోరీ టెల్లర్‌ నుండి వచ్చిన మాస్టర్ పీస్ లాంటిది. రాజమౌళి అసమానమైన సినిమాటిక్ విజన్‌కు ఇదొక సాక్ష్యం మాత్రమే. టీమ్ మొత్తానికి హ్యాట్సాఫ్’’ అంటూ మెగాస్టార్ చిరంజీవి తన ట్వీట్‌లో మెసేజ్ పోస్ట్ చేశారు. ఇక నిన్న ప్రివ్యూలో సినిమా చూసిన చిరు అక్కడ మీడియా ప్రతినిధులతో కూడా ఇంట్రెస్టింగ్ కామెంట్స్ చేశారట.

Also Read: KGF 2 Update: ముఖ్య అతిథిగా నిజంగానే ప్రభాస్ వస్తున్నాడా ?
ఇంతకీ మెగాస్టార్ ఏమి మాట్లాడారు అంటే.. ‘ఆర్ఆర్ఆర్’ థియేటర్లలోనే కాదు, ప్రేక్షకుల గుండెల్లో కూడా దుమ్మురేపుతోంది. తెలుగు రాష్ట్రాలతో పాటు ప్రపంచవ్యాప్తంగా ‘ఆర్ఆర్ఆర్’ సృష్టిస్తున్న భారీ విజయాల గురించి వింటూ ఉన్నాను. రాజమౌళి వండర్ ఫుల్ విజన్ కి ఈ విజయం ఒక నిదర్శనం.

మెగాస్టార్ ‘ఆర్ఆర్ఆర్’ గురించి ఇంకా మాట్లాడుతూ.. ‘బాయ్స్ ఇద్దరూ (ఎన్టీఆర్ – చరణ్) పోటీ పడి నటించారు. వాళ్ళిద్దర్నీ ఒకే ఫ్రేమ్ లో చూస్తుంటే.. నాకే అసూయ కలిగింది. తారక్.. నీ నటన గురించి ఎంత చెప్పినా తక్కువే. మై బాయ్ చరణ్ చించేశాడు. ఈ సినిమా ఇంత గొప్ప విజయాన్ని అందుకుంటుంది అని నేను ముందే ఊహించాను. అయినా ఫ్యాన్స్ కి కావలసింది ఇది కదా. రాజమౌళి విధ్వంసం సృష్టించాడు’ అంటూ మెగాస్టార్ చిరంజీవి ఈ సినిమా గురించి చెప్పుకొచ్చాడు.

ఏది ఏమైనా ఈ సినిమా అన్ని చోట్ల పాజిటివ్ టాక్‌ ను సొంతం చేసుకుంది. తెలంగాణలో ఆల్ టైమ్ రికార్డు వసూళ్లతో దూసుకుపోతోంది. అదే విధంగా వరల్డ్ వైడ్ గా ఎన్టీఆర్ – చరణ్ తమ పవరేంటో సినిమా వసూళ్ల ద్వారా ఘనంగా నిరూపించారు. ఈ సినిమా భారీ విజయంతో ఫ్యాన్స్ ఫుల్ ఖుషీగా పండుగ చేసుకుంటున్నారు. మరి ముందు ముందు ‘ఆర్ఆర్ఆర్’ ఇక ఎలాంటి సంచలనాలను సృష్టిస్తుందో చూడాలి.

#RRR is the Master Storyteller’s Master Piece !!

A Glowing & Mind blowing testimony to @ssrajamouli ’s Unparalleled Cinematic vision!

Hats off to the Entire Team!! 👏👏@RRRmovie@tarak9999 @AlwaysRamCharan @ajaydevgn @aliaa08 @OliviaMorris891 @DVVMovies

— Chiranjeevi Konidela (@KChiruTweets) March 25, 2022