సౌత్ ఫిల్మ్ ఇండస్ట్రీలో సినిమా ఫ్రేమ్ కి ఫోమ్ ఎఫెక్ట్ లో కలర్స్ అద్దిన ఘనత ఆయన సొంతం. ఇండియన్ క్లాసిక్ డైరెక్టర్స్ లిస్ట్ లో ముందు వరుసలో ఉండే అర్హత కలిగిన నేటి మేటి దర్శకుడు కూడా ఆయనే. పేరు ‘మణిరత్నం’, చూడటానికి అమ్మాయికుడిలా కళ్ళజోడు తగిలించుకున్న బక్క ప్రాణిలా కనిపిస్తాడు మణిరత్నం.
కానీ ఆయన ఒక లెజెండరీ డైరెక్టర్. మహా రొమాంటిక్ మూడ్ కి కూడా ఎమోషన్ రుచి చూపించగలిగిన గ్రేట్ విజువల్ డైరెక్టర్. ఆయన తీసిన లవ్ స్టొరీలు, ఆయన ఇచ్చిన గొప్ప సినిమా అనుభూతి ఈ జనరేషన్ లో మరో డైరెక్టర్ ఇవ్వలేడు అంటే అది అతిశయోక్తి అయితే కచ్చితంగా కాదు. అందుకే మణిరత్నం అంటే సూపర్ స్టార్ రజినీకాంత్ లాంటి వారు కూడా కథ వినకుండానే డేట్లు ఇస్తారు,
కాకపోతే మన తెలుగు సూపర్ స్టార్ మహేష్ బాబు మాత్రం మణిరత్నం తో సినిమా చేసే ఛాన్స్ ను గత ఏడేళ్లుగా పోస్ట్ ఫోన్ చేసుకుంటూ వస్తున్నాడు. కారణం ఒక్కటే… తన మార్కెట్ రేంజ్ లో మణిరత్నం సినిమా తీస్తాడా లేదా అని మహేష్ కి డౌట్. నిజానికి మణిరత్నం క్లాసిక్ చిత్రాల ఫేవరేట్ డైరెక్టర్ గా మంచి నేమ్ తెచ్చుకున్నా.. ఆయనలో మాస్ ఆడియన్స్ ను ఆకట్టుకునే స్కిల్స్ కూడా ఉన్నాయి.
కాకపోతే ప్రస్తుతం మణిరత్నం గొప్పతనం అంతా గతం అన్నట్టు ఉంది పరిస్థితి. రియలిస్టిక్ ఎమోషన్స్ తో సినిమాలు చేయడం అలవాటుగా చేసుకున్న మణిరత్నం నేటి కుర్రాళ్ళు పల్స్ పట్టుకోలేకపోతున్నాడు. అందుకే మహేష్ డేట్స్ ఇవ్వడానికి ఒకటికి పదిసార్లు ఆలోచిస్తూ ఈ లోపు ఏదొక సినిమా కమిట్ అవుతూ అలా నెట్టుకొస్తున్నాడు.
అయితే మణిరత్నం తాజాగా తన నవరస సిరీస్ ప్రమోషన్స్ లో భాగంగా మీడియాతో మాట్లాడుతూ.. ‘గతంలో నేను మహేష్ బాబుతో సినిమా చేయడానికి ప్రయత్నించాను. కానీ అది అప్పుడు వర్కౌట్ కాలేదు. అయితే మంచి కథ దొరికితే ఇప్పటికీ మహేష్ బాబుతో సినిమా చేయాలని ఉంది’ అంటూ మహేష్ కోసం తాను ఎంతగా తపిస్తున్నాడో ఇన్ డైరెక్ట్ గా చెప్పుకొచ్చాడు మణిరత్నం.
