Kamal Hasan Oscar Committee: తమిళ్ సినిమా ఇండస్ట్రీలో గొప్ప నటుడిగా మంచి గుర్తింపును సంపాదించుకున్న హీరో కమలహాసన్ (Kamal Hasan)…ఆయన చేసిన ప్రతి సినిమాలో ఏదో ఒక వైవిధ్యమైన కథాంశమైతే ఉంటుంది. ఇక ఇప్పటివరకు ఆయన చేసిన ప్రతి సినిమా యావత్ ఇండియన్ సినిమా ప్రేక్షకులందరిని మెప్పించడమే కాకుండా ‘ లోక నాయకుడు’ గా తనకంటూ ఒక గొప్ప గుర్తింపును కూడా సంపాదించి పెట్టాయి… ఇక రీసెంట్ గా ఆయన చేసిన ‘థగ్ లైఫ్’ (Thug Life) సినిమా ఆశించిన మేరకు విజయాన్ని సాధించినప్పటికి నటుడిగా ఆయన మరోసారి తన సత్తాను చాటుకున్నాడనే చెప్పాలి. తన ఎంటైర్ కెరియర్ లో ఎన్నో విజయాలను అందుకున్న ఆయన అంతకుమించిన అవార్డులను కూడా అందుకున్నాడు. ఇక ఇండస్ట్రీలోనే అత్యంత ప్రతిష్టాత్మకంగా భావించే ‘ ఆస్కార్’ అవార్డు ల అకాడమీలో కమల్ హాసన్ ను సభ్యులుగా చేరాలంటు అతనికి ఆహ్వానం అయితే అందింది. ‘ది అకాడమీ మోషన్ పిక్చర్ ఆర్ట్స్ అండ్ సైన్స్’ వాళ్ళు రీసెంట్ గా రిలీజ్ చేసిన కొత్త జాబితాలో కమల్ హాసన్ పేరు ఉంది…ఆయన హాలీవుడ్ దిగ్గజ నటులతో పాటు ఆస్కార్ అవార్డు కి నామినేట్ అయిన సినిమాల ఎంపిక ఫైనల్ ప్రక్రియలో ఓటు వేయడానికి అర్హత కలిగిన వ్యక్తుల్లో కమల్ హాసన్ కూడా ఒకరు కావడం విశేషం…
Also Read: స్వేచ్ఛకు గతంలోనే రెండు వివాహాలు.. పూర్ణచందర్ సంచలన లేఖ వైరల్
ఇక ఈ విషయం మీద కమల్ హాసన్ ఎక్స్ వేదిక గా స్పందిస్తూ మోషన్ పిక్చర్స్ ఆర్ట్స్ అండ్ సైన్స్ వాళ్ళకి థాంక్స్ చెబుతూనే ఇది నా ఒక్కడికే దక్కిన గౌరవం కాదు.
భారతీయ సినిమా ఇండస్ట్రీ లో ఉన్న ప్రతి ఒక్కరికి దక్కిన గౌరవం అంటూ ఆయన ఎక్స్ లో ఒక ట్వీట్ కూడా చేశాడు… మొత్తానికైతే ఆస్కార్ అవార్డ్ ఎంపిక లో మన ఇండియన్ నటుడు అయిన కమల్ హాసన్ ను సభ్యుడిని చేయడం అతని అభిమానులతో పాటు యావత్ ఇండియన్ సినిమా ప్రేక్షకులందరికి గర్వకారణం గా ఉందనే చెప్పాలి…
మరి తన బాధ్యతను తను సక్రమంగా నిర్వర్తిస్తూ ఆస్కార్ కి అర్హత కలిగిన సినిమాలకు మాత్రమే తన ఓటింగ్ ఉంటుందంటూ కూడా కమలహాసన్ తెలియజేసినట్టుగా తెలుస్తోంది. మరి ఏది ఏమైనా కూడా తమిళ్ ఇండస్ట్రీ తో పాటు తెలుగులో కూడా చాలా మంచి గుర్తింపును సంపాదించుకున్న కమలహాసన్ ఇప్పుడు ఇంటర్నేషనల్ వైడ్ గా ఒక అరుదైన గుర్తింపును సంపాదించుకోవడం విశేషం…
I am honoured to join the Academy of Motion Picture Arts and Sciences.
This recognition is not mine alone, it belongs to the Indian film community and the countless storytellers who shaped me. Indian cinema has so much to offer the world, and I look forward to deepening our… https://t.co/zmw0TYFmPq
— Kamal Haasan (@ikamalhaasan) June 28, 2025
