Kalki Collections: ప్రపంచ వ్యాప్తంగా మరో తెలుగు సినిమా ప్రభంజనం సృష్టిస్తోంది. కలెక్షన్ల సునామీతో బాక్సాఫీస్ రికార్డు బద్దలు కొడుతోంది. జూలై 27న రిలీజ్ అయిన ‘కల్కి AD 2898’ ఐదురోజుల్లో రూ.555 కోట్లు వసూళ్లు చేసినట్లు సమాచారం. గతంలో బాహుబలికి ఇలాంటి కలెక్షన్లు రాగా.. ఇప్పుడు కల్కి మరోసారి సినీ ఇండస్ట్రీని షేక్ చేస్తోంది. ఇక్కడ విశేషమేంటంటే రెండూ ప్రభాస్ సినిమాలే. దీంతో ఆయన ఫ్యాన్స్ పండుగ చేసుకుంటున్నారు. అయితే ఆదివారం ఒక్కరోజే కల్కికి ఊహించిన దానికంటే ఎక్కువగా వసూళ్లు వచ్చినట్లు తెలుస్తోంది. ఆ వివరాల్లోకి వెళితే..
ప్రభాస్ హీరోగా వచ్చిన ‘కల్కి AD 2898’ జూలై 27న ప్రపంచ వ్యాప్తంగా థియేటర్లోకి వచ్చింది. ఇందులో దీపికా పదుకునే, దిశా పఠానీ తో పాటు అమితాబ్ బచ్చన్, కమలాసన్, శోభన వంటి సీనియర్ నటులు కనిపించారు. ఈ మూవీ రిలీజ్ అయిన తొలిరోజే బెస్ట్ టాక్ తెచ్చుకుంది. కథాంశంతో పాటు విజువల్స్ ప్రేక్షకులను కట్టిపడేశాయి. ఒక రకంగా చాలా రోజుల తరువాత కల్కి ప్రభావంతో సినిమా థియేటర్లు కళకళలాడుతున్నాయి.
కల్కి ఫస్ట్ డే నుంచే కలెక్షన్ల మోత మోగిస్తోంది. గురువారం ఒక్కరోజే ప్రపంచ వ్యాప్తంగా రూ.180 కోట్లు వసూలైనట్లు ట్రేడ్ వర్గాల సమాచారం. ఇండియా వైడ్ గా రూ.113 కోట్లు వసూలు చేసినట్లు టాక్. అయితే సాధారణంగా ఈ వసూళ్లు ఒకటి రెండు రోజుల మాత్రమే ఉంటాయని అనుకున్నారు. కానీ ఏమాత్రం క్రేజ్ తగ్గకుండా వరుసగా నాలుగు రోజుల పాటు కోట్ల రూపాయాలు కొల్లగొడుతోంది.
తాజాగా తేలిన లెక్కల ప్రకారం 4 రోజుల పాటు ఈ మూవీ రూ.555 కోట్లు సాధించినట్లు తెలుస్తోంది. ఇందులో ఆదివారం ఒక్కరోజే రూ.140 కోట్లు సాధించి తెలుగు సినిమా సత్తా ఏంటో చూపించింది. తెలుగుతో పాటు వివిధ భాషల్లో రిలీజ్ అయిన ఈ మూవీ హిందీలోనూ దూసుకుపోతుంది. ఆదివారం ఒక్కరోజ హిందీ వెర్షన్ 40.15 కోట్లు వసూలు చేయడం చర్చనీయాంశంగా మారింది. ఇక హిందీలో వరుసగా నాలుగు రోజుల పాటు రూ.115 కోట్లు వచ్చాయి.
