Jailer 2 Movie: ‘జైలర్’ , ‘జైలర్ 2’ చిత్రాల్లో సూపర్ స్టార్ రజినీకాంత్ కి మనవడిగా నటించిన అబ్బాయి , మన తెలుగు ఆడియన్స్ ని కూడా ప్రత్యేకంగా ఆకర్షించాడు అనడంలో ఎలాంటి సందేహం లేదు. ఈ బుడ్డోడి పేరు రిత్విక్, ఇతని వయస్సు కేవలం 13 ఏళ్ళు మాత్రమే. రజినీకాంత్ ఈ రెండు సినిమాల్లో ఆడియన్స్ కి ఎంత నచ్చాడో , ఈ రిత్విక్ అనే బుడ్డోడు కూడా అదే రేంజ్ లో నచ్చాడు. చాలా అనుభవం ఉన్న నటుడిగా , సహజం గా అతను నటించిన తీరు చూస్తే , కుర్రాడిలో టాలెంట్ మామూలు రేంజ్ లో లేదని ప్రతీ ఒక్కరికి అనిపించింది. పెద్దయ్యాక హీరో అవ్వాలనే ఆసక్తి ఉందో లేదో తెలియదు కానీ , ఒకవేళ ఉంటే మాత్రం కచ్చితంగా పెద్ద రేంజ్ కి వెళ్లాడని అంటున్నారు నెటిజెన్స్.
రిత్విక్ కి వయస్సు చిన్నదే , కానీ టాలెంట్ మాత్రం ఊహాతీతం. ఇంత చిన్న వయస్సులోనే పైథాన్ కోడింగ్ నేర్చుకొని , సొంతంగా ఒక వెబ్ సైట్ ని కూడా క్రియేట్ చేసాడట. అంతే కాదు తన టీం తో కలిసి ఈ బుడ్డోడు ఒక కంపెనీ ని కూడా రన్ చేస్తున్నట్టు ఒక ఇంటర్వ్యూ లో చెప్పుకొచ్చాడు. అంతే కాదు రిత్విక్ కి ఒక పాపులర్ యూట్యూబ్ ఛానల్ కూడా ఉంది. ఈ ఛానల్ ద్వారా అతను బాగా పాపులర్ అవ్వడం వల్లే ‘జైలర్’ సిరీస్ లో నటించే అవకాశం దక్కింది. ఇంత చిన్న వయస్సులో ఈ కుర్రాడి టాలెంట్ చూస్తుంటే చాలా ముచ్చటేస్తుంది కదూ. పాతికేళ్ల నిండిన వాళ్ళు కూడా పైథాన్ కోడింగ్ ని నేర్చుకోవడానికి చాలా కష్టపడుతుంటారు, అలాంటిది రిత్విక్ స్కూల్ వయస్సులోనే నేర్చుకొని , ఒక కంపెనీ ని మైంటైన్ చేసే రేంజ్ కి ఎదిగాడంటే , ఇతను భవిష్యత్తులో ఎన్ని అద్భుతాలు చేయగలడో మీరే ఊహించుకోండి.
