Bigg Boss 8 Telugu: 12 వారాలు ‘బిగ్ బాస్ 8’ లో ఉన్నందుకు యష్మీ తీసుకున్న రెమ్యూనరేషన్ ఎంతో తెలుసా..? దాదాపుగా ప్రైజ్ మనీ తో సమానం!

Bigg Boss 8 Telugu: గత నాలుగు వారాల నుండి బిగ్ బాస్ హౌస్ లో వరుసగా వైల్డ్ కార్డు కంటెస్టెంట్స్ ఎలిమినేట్ అవుతూ వస్తున్నారు. అందుకే బిగ్ బాస్ ఈసారి ఎలా అయినా ఓజీ క్లాన్ వాళ్ళని ఎలిమినేట్ చెయ్యాలనే ఉద్దేశ్యంతో, ఓజీ నుండి ఎలిమినేట్ అయిన కంటెస్టెంట్స్ ని బిగ్ బాస్ హౌస్ లోకి పంపి, వాళ్ళతో నామినేషన్స్ వేయించారు. వాళ్లంతా ఓజీ టీం లో యష్మీ, నిఖిల్, పృథ్వీ, ప్రేరణ మరియు నబీల్ ని నామినేట్ చేసి వెళ్లారు. వీళ్లంతా హౌస్ లో అద్భుతంగా గేమ్స్ ఆడవాళ్లు, బోలెడంత కంటెంట్ ఇచ్చేవాళ్ళు అనే సంగతి మన అందరికీ తెలిసిందే. అయినప్పటికీ వీరిలో ఈ వారం బాగా నెగటివ్ అయిపోయిన యష్మీ ఎలిమినేట్ అవ్వాల్సి వచ్చింది. ఇది అందరూ ఊహించిందే. వాస్తవానికి పృథ్వీ, ప్రేరణ లలో కూడా ఎవరో ఒకరు ఎలిమినేట్ అవుతారని అనుకున్నారు. ప్రేరణ కి మొదటి వారం నుండి ఉన్న ఫ్యాన్ బేస్ వల్ల తృటిలో ప్రమాదం తప్పింది.

ఇక పృథ్వీ అయితే ఈ వారం టాస్కులు అద్భుతంగా ఆడాడు, ఒక్క గౌతమ్ తో గొడవ తప్ప, ఈ వారం పృథ్వీ కి అన్ని పాజిటివ్స్ మాత్రమే జరిగింది. అందుకే ఆయన ఎలిమినేషన్ నుండి తప్పించున్నాడు. ప్రతీ వారం ఆయన నామినేషన్స్ లోకి వచ్చినప్పుడల్లా చివరి ఎలిమినేషన్ చివరి అంచుల దాకా వెళ్లి రావడం సాధారణం అయిపోయింది. ఈ వారం కూడా అదే జరిగింది. ఇక యష్మీ విషయానికి వస్తే, ఈ వారం ఆమె నిఖిల్ తో మొదటి నుండి నడిపిన ప్రేమ వ్యవహారం లో సరైన స్టాండ్ తీసుకోకపోవడం వల్ల ఎలిమినేట్ అవ్వాల్సి వచ్చింది. ఈ సున్నితమైన అంశం లో యష్మీ చాలా దారుణంగా నెగటివ్ అయ్యింది. పాపం ఆ నెగటివిటీ ని పోగొట్టుకొని, నామినేషన్స్ నుండి సేవ్ అవ్వాలనే ఉద్దేశ్యంతో చాలా కష్టపడి గేమ్స్ ఆడింది కానీ, ఆడియన్స్ ఆమెని కనికరించలేదు.

ఇకపోతే ఈ సీజన్ లో 12 వారాలు హౌస్ లో ఉన్నందుకు గానూ యష్మీ తీసుకున్న రెమ్యూనరేషన్ గురించి ఇప్పుడు సోషల్ మీడియా లో హాట్ టాపిక్ నడుస్తుంది. ఈమె సీరియల్ లో పాపులర్ హీరోయిన్/విలన్ కాబట్టి ఈమెకు రోజుకి 15 వేల రూపాయిల రెమ్యూనరేషన్ ని ఇచ్చేవాళ్ళు. బిగ్ బాస్ టీం వారు మాత్రం ఈమెకు వారానికి 2 లక్షలు ఇస్తామని ఒప్పందం చేసుకున్నారు. 12 వారాలు హౌస్ లో ఉన్నందుకు ఆమె 24 లక్షల రూపాయిల రెమ్యూనరేషన్ ని అందుకున్నట్టు తెలుస్తుంది. ఇది సాధారణమైన రెమ్యూనరేషన్ కాదు. టాప్ 5 కంటెస్టెంట్స్ ఉన్నప్పుడు నాగార్జున సూట్ కేసులు లోపలకు పంపించి ఈ రేంజ్ డబ్బులను ఆఫర్ చేస్తుంటాడు. అలాంటి రెమ్యూనరేషన్ యష్మీ కి వచ్చింది. ఇది ఆమెకు ఎంతో లాభం చేకూర్చింది కానీ, టాప్ 5 వరకు హౌస్ లో ఉండుంటే బాగుండేది అని ఆడియన్స్ కి అనిపించింది.