Dhurandhar OTT: థియేటర్స్ లోనే కాదు, నెట్ ఫ్లిక్స్ లో కూడా ‘ధురంధర్'(Dhurandhar Movie) చిత్రం అనితర సాధ్యమైన రికార్డ్స్ ని నెలకొల్పుతూ ముందుకు దూసుకుపోతోంది. థియేటర్స్ లో ఈ చిత్రం కేవలం హిందీ వెర్షన్ లో మాత్రమే విడుదలైంది. ఈ సినిమాకు వచ్చిన టాక్ ని చూసి, అన్ని భాషలకు సంబంధించిన ఆడియన్స్ తాము కూడా ఈ చిత్రాన్ని థియేటర్స్ లో తమ భాషలో చూడాలని ఆశపడ్డారు. మేకర్స్ ని ఆ మేరకు పెద్ద ఎత్తున డిమాండ్ కూడా చేశారు. కానీ సమయం లేకపోవడం తో థియేటర్స్ లో విడుదల చేయలేకపోయారు. కానీ నెట్ ఫ్లిక్స్ లో మాత్రం అన్ని భాషల్లోనూ విడుదల చేస్తారని సమాచారం రావడంతో మూవీ లవర్స్ ఎప్పుడెప్పుడా అని ఈ చిత్రం కోసం ఎదురు చూశారు. నెట్ ఫ్లిక్స్ లో రాగానే ఈ చిత్రం పై అందరూ ఒక్కసారిగా దండయాత్ర చేశారు.
దీంతో కనీవినీ ఎరుగని రేంజ్ వ్యూస్ ఈ చిత్రానికి సొంతం అయ్యాయి. జనవరి 30 నుండి ఫిబ్రవరి 1 వరకు ఈ చిత్రానికి 76 లక్షల వ్యూస్ రాగా, ఫిబ్రవరి 2 నుండి ఫిబ్రవరి 8 వరకు ఈ చిత్రానికి అదనంగా మరో 82 లక్షల వ్యూస్ వచ్చాయి. మొత్తం మీద ఈ చిత్రానికి 10 రోజుల్లో 15.8 లక్షల వ్యూస్ వచ్చాయి. చాలా ఇండియన్ సినిమాలకు సంవత్సరాల తరబడి నెట్ ఫ్లిక్స్ లో ఉంటున్నప్పటికీ రానటువంటి వ్యూస్ , ఈ చిత్రానికి కేవలం 10 రోజుల్లో వచ్చాయి అంటేనే అర్థం చేసుకోవచ్చు. నెట్ ఫ్లిక్స్ లో ఈ చిత్రం ఎలాంటి సునామీ క్రియేట్ చేసింది అనేది. రాబోయే రోజుల్లో ఈ చిత్రం కచ్చితంగా #RRR సాధించిన 43 మిలియన్ వ్యూస్ రికార్డు ని బద్దలు కొట్టి, సరికొత్త ఇండియన్ రికార్డు ని నెలకొల్పే అవకాశాలు ఉన్నాయని అంటున్నారు విశ్లేషకులు.
ఇక పోతే ‘ధురంధర్ 2 : ది రివెంజ్’ చిత్రం వచ్చే నెల 19న విడుదల కాబోతుంది. మొదటి భాగం ఎవ్వరూ ఊహించనంత బ్లాక్ బస్టర్ అవ్వడం తో రెండవ భాగం పై అంచనాలు ఎవ్వరూ ఊహించని రేంజ్ కి చేరుకున్నాయి. ఆ అంచనాలకు తగ్గట్టుగా ఈ సినిమా ఉంటుందో లేదో తెలియదు కానీ, ఒకవేళ అంచనాలు అందుకుంటే మాత్రం ఇండియన్ బాక్స్ ఆఫీస్ వద్ద ఈ చిత్రం 3000 కోట్లు రాబట్టినా ఆశ్చర్యపోనక్కర్లేదని అంటున్నారు ట్రేడ్ విశ్లేషకులు. ఈసారి హిందీ తో పాటు తెలుగు , తమిళం, మలయాళం మరియు కన్నడ భాషల్లో కూడా ఈ చిత్రం థియేటర్స్ లో విడుదల కాబోతుంది.
