Bhola Shankar: ‘భోళా శంకర్’ చిత్రాన్ని రీమేక్ చెయ్యబోతున్న బాలీవుడ్ స్టార్ హీరో..విడుదల కాకముందే ఇదేమి క్రేజ్ సామీ!

Bhola Shankar: ‘వాల్తేరు వీరయ్య’ లాంటి గ్రాండ్ హిట్ తర్వాత మెగాస్టార్ చిరంజీవి హీరో గా నటిస్తున్న కొత్త చిత్రం ‘భోళా శంకర్’. మెహర్ రమేష్ దర్శకత్వం లో తెరకెక్కుతున్న ఈ సినిమా తమిళం లో సూపర్ హిట్ గా నిల్చిన అజిత్ ‘వేదలమ్’ చిత్రానికి రీమేక్ అనే విషయం అందరికీ తెలిసిందే.మెగా ఫ్యాన్స్ కూడా ఈ చిత్రం పై మొదటి నుండి పెద్దగా అంచనాలు పెట్టుకోలేదు కానీ, రీసెంట్ గా విడుదలైన టైటిల్ సాంగ్ పెద్ద హిట్ అవ్వడం తో ఫ్యాన్స్ లో కాస్త అంచనాలు పెరిగాయి.ఆగష్టు 11 వ తేదీన ప్రపంచవ్యాప్తంగా ఈ సినిమా గ్రాండ్ గా విడుదల అవ్వబోతుంది. ఈ చిత్రం లో కీర్తి సురేష్ చిరంజీవి కి చెల్లెలుగా నటిస్తుండగా, తమన్నా హీరోయిన్ గా నటిస్తుంది. మణిశర్మ కొడుకు మహతి సాగర్ ఈ చిత్రానికి సంగీతం అందిస్తున్నాడు.

ఇంకా షూటింగ్ దశలోనే ఉన్న ఈ సినిమాని అప్పుడే రీమేక్ చెయ్యడానికి సిద్ధం అయిపోయాడు ప్రముఖ బాలీవుడ్ హీరో జాన్ అబ్రహం. పేరుకు భోళా శంకర్ రీమేక్ కానీ, ఒరిజినల్ తమిళ్ వెర్షన్ కి తెలుగుకి చాలా మార్పులు చేర్పులు చేసి తీసాడట డైరెక్టర్ మెహర్ రమేష్. అయితే బాలీవుడ్ హీరోస్ లో మెహర్ రమేష్ కి జాన్ అబ్రహం మంచి క్లోజ్ ఫ్రెండ్ అట. ప్రస్తుతం తాను చేస్తున్న ‘భోళా శంకర్’ సినిమా గురించి చెప్తూ నీకు అయితే ఇక్కడ ఈ సినిమా బాగా సరిపోతుంది, నువ్వు చెయ్యొచ్చు కదా అన్నాడట.

జాన్ అబ్రహం కి కూడా ఐడియా బాగా నచ్చింది, దీంతో వెంటనే ఈ చిత్రం రీమేక్ చెయ్యడానికి ఒప్పుకున్నాడు. విడుదల కాకముందే రీమేక్ ఏమిటి అని మీరు అనుకోవచ్చు, కానీ తెలుగులో మార్చబడిన స్క్రీన్ ప్లే కి , తమిళ వెర్షన్ వేదలమ్ ని చూస్తూ హిందీ వెర్షన్ రీమేక్ చేయబోతున్నారట. మరి ఈ సినిమాకి కూడా మెహర్ రమేష్ దర్శకత్వం వహిస్తాడా, లేదా అనేది చూడాలి.