Andhra Pradesh Movie Ticket Rates 2026: మన టాలీవుడ్ లో టికెట్ రేట్స్ వ్యవహారం లో ఎంత పెద్ద రచ్చ జరుగుతుందో ప్రత్యేకించి చెప్పనవసరం లేదు. భారీ బడ్జెట్ తో సినిమాలు తీసే నిర్మాతలు రెండు రాష్ట్రాల ప్రభుత్వాలను టికెట్ రేట్స్ పెంచుకోవడానికి రిక్వెస్ట్ చేస్తుంటాయి. ఇది వరకు చాలా తేలికగా టికెట్ రేట్స్ వచేసేవి . కానీ ఇప్పుడు తెలంగాణ లో టికెట్ రేట్స్ రావడం చాలా కష్టం. ఆంధ్రా లో మాత్రం ఎలాంటి మార్పు లేదు. అడగడమే ఆలస్యం , వెంటనే టికెట్ రేట్స్ పెంచుకోవడానికి అనుమతిని ఇచ్చేస్తూ వస్తుంది కూటమి ప్రభుత్వం . పైగా ఆంధ్రా లో డిప్యూటీ సీఎం గా పవన్ కళ్యాణ్ ఉండడం, ఆయన కోటాలోనే సినిమాటోగ్రఫీ శాఖ ఉండడం తో టికెట్ రేట్స్ విషయం లో ఎలాంటి ఆంక్షలు లేకుండా ఎంత అడిగితే అంత ఇచ్చేస్తున్నారు .
Also Read: అల్లు అరవింద్ ని ఆ రోల్ కోసం బ్రతిమిలాడాను… కానీ ఇవ్వలేదు – హీరో రాజశేఖర్
మన టాలీవుడ్ సినిమాలకు టికెట్ రేట్స్ పెంచుకోవడం లో వెసులు బాటు కల్పించడంలో ఎలాంటి తప్పు లేదు. కానీ డబ్బింగ్ సినిమాలకు కూడా టికెట్ రేట్స్ పెంచుకోవడానికి అనుమతిని ఇస్తున్నారు. ఇది చాలా అన్యాయం అని ఒక పక్క జనాలు , మరో పక్క విశ్లేషకులు అంటున్నప్పటికీ కూడా ప్రభుత్వం పట్టించుకోవడం లేదు. మార్చి 19 న ప్రపంచవ్యాప్తంగా అన్ని ప్రాంతీయ భాషల్లో గ్రాండ్ గా విడుదల కాబోతున్న కన్నడ స్టార్ హీరో యాష్ ‘టాక్సిక్ ‘ చిత్రానికి టికెట్ రేట్స్ పెంచుకోవడానికి అనుమతిని ఇచ్చినట్టు తెలుస్తోంది . సింగల్ స్క్రీన్స్ కి 75 రూపాయిలు , మల్టీప్లెక్స్ స్క్రీన్స్ కి 100 రిప్యులు పెంచుకోవడానికి అనుమతిని ఇచ్చినట్టు తెలుస్తోంది. అంటే సింగల్ స్క్రీన్స్ లో ఒక్కో టికెట్ ధర 222 రూపాయిలు కాగా, మల్టీప్లెక్స్ స్క్రీన్స్ లో 277 రూపాయిలు ఉంటుందని అంటున్నారు. సినిమాలు పాజిటివ్ టాక్ వస్తే పర్లేదు, నెగటివ్ టాక్ వస్తే మాత్రమే మొదటి రోజే ఈ సినిమాకి క్లోజింగ్ పడుతుందని విశేల్షకులు అంటున్నారు.
ఇలా డబ్బింగ్ సినిమాలకు కూడా టికెట్ రేట్స్ పెంచుతూ , సినిమా అనే వినోదాన్ని ప్రేక్షకులకు దూరం చేస్తున్నారు అంటూ విమర్శలు వినిపిస్తున్నాయి. దీనికే ఇలా ఉంటే , ఇక ఆంధ్ర ప్రదేశ్ ఉపముఖ్యమంత్రి పవన్ కళ్యాణ్ హీరో గా నటించిన ‘ఉస్తాద్ భగత్ సింగ్ ‘ చిత్రం వచ్చే నెల 26 న విడుదల కాబోతుంది. ఈ సినిమాకు టికెట్ రేట్స్ ఏ రేంజ్ లో ఉంటాయో అని భయపడుతున్నారు నెటిజెన్స్. తెలంగాణ లో అయితే ఇక టికెట్ హైక్స్ కి ఎలాంటి అనుమతి ఉండబోదని స్పష్టంగా తెలుస్తోంది. మరి రాబోయే రోజుల్లో భారీ బడ్జెట్ సినిమాలు ఉన్నాయి, వాటికి హైక్స్ అవసరం, అప్పుడు ఎలా చేస్తారో చూడాలి.
