మోహన్​బాబుతో వెబ్​సిరీస్​కు ‘ఆహా’ ప్లాన్​!

కరోనా కాలంలో సినిమా థియేటర్లు మూసేసిన సమయంలో ఓటీటీకి మంచి ప్రాధాన్యత దక్కింది. ఈ అవకాశాన్ని చక్కగా ఉపయోగించుకున్నారు ప్రముఖ తెలుగు సినీ నిర్మాత అల్లు అరవింద్​. ఆహా ఓటీటీ యాప్​ ప్రారంభించి సరికొత్త పంథాలో వెళ్తున్నారు. ఓ వైపు సినిమాలు విడుదల చేస్తూనే.. మరోవైపు రియాలిటీ షోలూ నిర్వహిస్తున్నారు. ముద్దుగుమ్మ సమంత హోస్ట్​గా నిర్వహించిన సామ్​ జామ్​ విజయమే అందుకు ప్రత్యక్ష నిదర్శనం. మరోవైపు మంచు లక్ష్మితో వంట కార్యక్రమాన్ని కూడా రూపొందించారు. తాజాగా, నట సింహం నందమూరి బాలకృష్ణతో అన్​స్టాపబుల్​ అనే షోను ప్రేక్షకుల ముందుకు తీసుకురానున్నట్లు ప్రకటించారు. దీంతో ప్రేక్షకుల్లో ఈ షోపై అంచనాలు భారీగా పెరిగిపోయాయి. ఇదే జోష్​తో కలెక్షన్​ కింగ్​ మోహన్​బాబుతో కూడా ఓ వెబ్​సిరీస్​ రూపొందించాలని చూస్తున్నట్లు సమాచారం.

 

ఇటీవలే జరిగిన మా ఎన్నికల వల్ల మెగా, మంచు కుంటుంబాల మధ్య మనస్పర్థలు వచ్చాని అందరూ భావిస్తున్నారు. ఈ క్రమంలోనే మంచు విష్ణకు అండగా నిలిచిన బాలయ్య.. ఆహా లో రానున్న అన్​స్టాపబుల్​ షోకు హోస్ట్​గా వస్తూ పై వార్తలకు చెక్​ పెట్టారు.  ఇప్పుడు మోహన్​బాబుతో కూడా వెబ్​సిరీస్​ తీయాలని భావిస్తున్నారట ఆహా టీమ్​.

ఈ వెబ్​సిరీస్​కు తమిళ స్టార్​ డైరెక్టర్​ కథ రాసినట్లు తెలుస్తోంది. ఇందులోని ప్రధాన పాత్రలు మోహన్​బాబు సరిగ్గా పరిపోతారని అరవింద్​, ఆయన బృందం భావించినట్లు సమాచారం. ఈ విషయంపై మోహన్​బాబుతో చర్చలు జరిపేందుకు సిద్ధమవుతున్నారట. ఇప్పటికే మంచు లక్ష్మి ఆహాలో షో చేస్తున్న సంగతి తెలిసిందే. ఈ నేపథ్యంలోనే మోహన్​బాబును ఓప్పించొచ్చనే నమ్మమంతో ఆహా బృందం ఉన్నట్లు తెలుస్తోంది.