Tata Sierra: ప్రస్తుత కాలంలో కారు కొనే ముందు చాలా విషయాలు ఆలోచిస్తున్నారు. కొందరు కేవలం సిటీలో మాత్రమే రన్ అయ్యే కారుపై ఆసక్తి చూపుతుండగా..మరికొందరు మాత్రం లాంగ్ డ్రైవ్ లో గతుకుల రోడ్లపై కూడా సాఫీగా ప్రయాణం అయ్యేలా ఉండే కార్లు కొనాలని చూస్తున్నారు. ఇటువంటి వారి విషయంలో టాటా కంపెనీ ప్రత్యేక శ్రద్ధ తీసుకుంటోంది. ఈ కంపెనీకి చెందిన Sierra సిరీస్ లో భాగంగా కొత్త ఈవీని పరిచయం చేస్తోంది. ఈ కారు ఇప్పటి వరకు వచ్చిన వాటి కంటే ప్రత్యేకంగా నిలిచే అవకాశం ఉందని అంటున్నారు. ఇంతకీ ఇది ఏ కారు?
టాటా మోటార్స్ కంపెనీ నుంచి ఐకానిక్ SUV ‘టాటా సియెర్రా’ మోడల్ త్వరలో మార్కెట్లోకి రానుంది. అయితే ఇప్పటికే దీనికి సంబంధించి ఆటోమొబైల్ వర్గాల్లో ఆసక్తికరమైన వార్తలు బయటకొచ్చాయి. ఇటీవల సైలెంస్ ఎగ్జాస్ట్తో ఉన్న ఒక టెస్టింగ్ మోడల్ రహదారిపై ప్రత్యక్షమైంది. సియెర్రా ఐసిఈ (ICE – Internal Combustion Engine) వెర్షన్లో ఆల్ వీల్ డ్రైవ్, సీఎన్జీ వేరియంట్లతో ఈ కారును తీర్చిదిద్దుతున్నట్లు దాదాపు ఖాయమైంది.
ఈ కారును రహదారి పరీక్ష నిర్వహించినట్లు తెలుస్తోంది. ఇందులో భాగంగా ఇది సైలెన్సర్ పైపుతో కనిపించింది. ఈ టెస్ట్ మోడల్, సాధారణ పెట్రోల్ లేదాడీజిల్ ఫ్యూయల్ ఆప్షన్లతో పాటు కఠినమైన రహదారులను సైతం అధిగమించేందుకు AWD సాంకేతికతను ఉపయోగిస్తున్నట్లు సూచిస్తోంది. దీనితో పాటు మైలేజ్ ప్రియుల కోసం కంపెనీ ఐసిఎన్జీ ఆప్షన్ను కూడా అందించేందుకు సిద్ధమవుతోంది.
ఈ AWD ఆప్షన్ను టాటా మోటార్స్ కేవలం టాప్ స్పెక్ ఫ్లాగ్షిప్ ట్రిమ్లలో మాత్రమే అందుబాటులోకి తీసుకురానుంది. ఈ మోడల్లో అధునాతన ట్రిపుల్ స్క్రీన్ డాష్బోర్డ్ సెటప్ , టిలేటెడ్ సీట్లు , విశాలమైన పానరోమిక్ సన్రూఫ్, వెనుక సీటు ప్రయాణికులకు గరిష్ట సౌకర్యాన్ని ఇచ్చే బాస్ మోడ్ టింగ్ సిస్టమ్ వంటి అత్యుత్తమ హంగులను చేర్చనున్నారు.
ఇప్పటికే అందుబాటులో ఉన్న.. త్వరలో రానున్న సియెర్రా ఇవి , జుబిలీ ఎడిషన్ లతో పాటు ఈ ఐసిఈ AWD వెర్షన్ చేరడం ద్వారా వినియోగదారులకు విభిన్న ఫ్యూయల్ ఆప్షన్లలో మోడల్స్ అందుబాటులోకి రానున్నాయి. తమ వినియోగదారుల వ్యక్తిగత స్టైల్, డ్రైవింగ్ అవసరాలు, ఇంధన ప్రాధాన్యతలకు తగినట్లుగా సియెర్రా మోడల్ లైన్-అప్ను టాటా మోటార్స్ మరింత బలోపేతం చేస్తోంది.
