Nissan e Power hybrid technology: ఇప్పటివరకు హైబ్రిడ్ కార్లను చూశాం.. ఎలక్ట్రిక్ వాహనాలను కొనుగోలు చేశాం.. కానీ ఒకే కారులో హైబ్రిడ్ ఇంజన్ తో పాటు ఎలక్ట్రిక్ వేరియంట్ కూడా ఉండడం చాలా అరుదు. అంతేకాకుండా ఇందులో ఉండే ఎలక్ట్రిక్ పవర్ చార్జర్ తో కాకుండా ఆటోమేటిక్ గా చార్జ్ చేసుకోవడం విశేషం. ఇలాంటి కారు ఇప్పుడు అమెరికా మార్కెట్లోకి రాబోతుంది. ఈ కారు ఇప్పటికే రోడ్లపై తిరుగుతుంది. అయితే దీనిని ఈ రకంగా అప్డేట్ చేసి రిలీజ్ చేయబోతున్నారు. ఇది పైకి కనిపించే గ్యాస్ కారు అయినప్పటికీ లోపల మాత్రం ఎలక్ట్రిక్ వేరియంట్ కూడా పనిచేస్తుంది. దీంతో ఇలాంటి కారు కొనుగోలు చేయడం వల్ల అన్ని రకాలుగా ఉపయోగాలు ఉంటాయని కొందరు చెబుతున్నారు. అంతేకాకుండా పూర్తిగా భిన్నమైన ఇంజన్ ఉండడంతో ప్రయాణాలకు అనుకూలంగా ఉంటుందని చెబుతున్నారు. ఇంతకీ ఇది ఏ కంపెనీ కారు? ఇందులో ఉండే ఈ ఇంజన్ వ్యవస్థ ఎలా పనిచేస్తుంది?
ప్రముఖ కార్ల కంపెనీ Nissan 2016లో జపాన్ లో ఈ -పవర్ అనే కారును మార్కెట్లోకి తీసుకొచ్చారు. అప్పటి నుంచి ఇప్పటివరకు దాదాపు 70 దేశాల్లో 1.6 మిలియన్లకు పైగా దీనిని విక్రయించారు. అయితే ఈ కారు ఎప్పటికప్పుడు అప్డేట్ చేసుకుంటుంది. ఈ కారులో గ్యాస్ ఉన్నప్పటికీ ఇది ట్రాన్స్మిషన్ లో భాగంగా ఆల్ వీల్ ఎలక్ట్రిక్ కారు గా మారిపోతుంది. ఇందులో బ్యాటరీ చిన్నదిగా ఉన్నప్పటికీ ప్రత్యేకంగా ప్లగ్ పెట్టి చార్జింగ్ చేయాల్సిన అవసరం ఉండదు. హైబ్రిడ్ ఇంజన్ నుంచి ఎలక్ట్రిక్ మోటార్లకు శక్తినిచ్చే బ్యాటరీ రీఛార్జ్ అవుతుంది. పెరుగుతున్న గ్యాస్ ధరలతో పాటు ఎలక్ట్రిక్ వాహనాలను ఎక్కువగా కోరుకుంటున్న తరుణంలో ఇలాంటి కారును మార్కెట్లోకి తీసుకువచ్చినట్లు తెలుస్తోంది.
Also Read: హైబ్రిడ్ ఇంజన్..7 సీటర్.. వీటి గురించి తెలిస్తే వెంటనే కొంటారు..
ఈ ఏడాది చివరిలో దీనిని ప్రారంభించే అవకాశం ఉంది. నిస్సాన్ ఇ పవర్ నుంచి రిలీజ్ అవుతున్న మూడో తరం కారు ఇది. ఇప్పటికే మార్కెట్లో ఉన్న టయోటా ప్రియస్ వంటి వాహనాలకు భిన్నంగా ఇందులో హైబ్రిడ్ వ్యవస్థ తో పాటు ఎలక్ట్రిక్ కూడా ఉండడంతో చాలామంది దీనిని ఆదరించే అవకాశం ఉందని తెలుస్తోంది. ప్రస్తుతం ఉన్న నిస్సాన్ రోగ్ వంటి వాహనాల కంటే ఎక్కువగా మైలేజ్ ఇచ్చే అవకాశం ఉందని తెలుస్తోంది. దీంతో రోజువారీ వినియోగదారులతో పాటు దూర ప్రయాణాలు చేసే వారికి ఇది చాలా అనుగుణంగా ఉంటుంది. ముఖ్యంగా డ్రైవర్లకు గ్యాస్ కొరత ఉన్న సమయంలో వెంటనే ఎలక్ట్రిక్ వేరియంట్ ను ఉపయోగించుకొని ప్రయాణాలు సాగించవచ్చు.
