Lava Bold N4 Pro 5G : భారతీయ స్మార్ట్ఫోన్ మార్కెట్లో దేశీయ కంపెనీ లావా మరో కొత్త 5G ఫోన్ను తీసుకొస్తోంది. Lava Bold N4 Pro 5G పేరుతో రానున్న ఈ స్మార్ట్ఫోన్ లాంచ్ తేదీని కంపెనీ అధికారికంగా ప్రకటించింది. సెప్టెంబర్ 18న మధ్యాహ్నం 12 గంటలకు ఈ కొత్త ఫోన్ భారత మార్కెట్లోకి అడుగుపెట్టనుంది. ఇప్పటికే ఈ ఫోన్కు సంబంధించిన కొన్ని కీలక స్పెసిఫికేషన్లు, డిజైన్ వివరాలను లావా వెల్లడించింది.
సెప్టెంబర్ 18న లాంచ్
లావా వెల్లడించిన వివరాల ప్రకారం.. సెప్టెంబర్ 18న మధ్యాహ్నం 12 గంటలకు Lava Bold N4 Pro 5G భారత్లో లాంచ్ కానుంది. లాంచ్ అనంతరం ఈ ఫోన్ను ప్రముఖ ఈ-కామర్స్ ప్లాట్ఫామ్ అమెజాన్ ద్వారా విక్రయించనున్నారు. గోల్డ్, బ్లూ కలర్ ఆప్షన్లలో ఈ ఫోన్ అందుబాటులోకి రానుంది.
6000mAh భారీ బ్యాటరీ
Lava Bold N4 Pro 5Gలో 6,000mAh భారీ బ్యాటరీ ఉండటం ప్రధాన ఆకర్షణగా కనిపిస్తోంది. అయితే ఈ బ్యాటరీకి ఎలాంటి ఫాస్ట్ ఛార్జింగ్ సపోర్ట్ ఉంటుంది? ఛార్జింగ్ వేగం ఎంత? అనే వివరాలను కంపెనీ ఇంకా వెల్లడించలేదు. లాంచ్ సమయంలో ఈ వివరాలను ప్రకటించే అవకాశం ఉంది.
50MP కెమెరా
కెమెరా విభాగంలోనూ ఈ ఫోన్ ఆకట్టుకునే ఫీచర్లతో వస్తోంది. వెనుక భాగంలో డ్యూయల్ కెమెరా సెటప్ ఉంటుంది. ఇందులో 50 మెగాపిక్సెల్ మెయిన్ కెమెరా ఉండనున్నట్లు లావా ధృవీకరించింది. కెమెరా మాడ్యూల్ చదరపు ఆకారంలో ఉండగా.. అందులో నాలుగు కటౌట్లు కనిపిస్తున్నాయి. వీటిలో ఒకటి LED ఫ్లాష్ కోసం ఉపయోగించనున్నారు.
డిజైన్ ఎలా ఉందంటే?
Lava Bold N4 Pro 5G వెనుక భాగం ఫ్లాట్ డిజైన్తో కనిపిస్తోంది. ఫ్లాట్ మిడ్ఫ్రేమ్ను కూడా ఇందులో అందించారు. కుడివైపు పవర్ బటన్, వాల్యూమ్ కంట్రోల్స్ను ఏర్పాటు చేశారు. ముందు భాగంలో వాటర్డ్రాప్ నాచ్ డిజైన్ కనిపిస్తోంది. ఇందులో సెల్ఫీలు, వీడియో కాల్స్ కోసం ఫ్రంట్ కెమెరా ఉంటుంది.
ధర, డిస్ప్లే వివరాలు ఇంకా సస్పెన్స్
ఈ ఫోన్ ధర, ప్రాసెసర్, డిస్ప్లే పరిమాణం, రిఫ్రెష్ రేట్, ఛార్జింగ్ టెక్నాలజీ వంటి కీలక వివరాలను లావా ఇంకా వెల్లడించలేదు. లాంచ్కు సమయం దగ్గరపడుతున్న నేపథ్యంలో ఒక్కొక్కటిగా మరిన్ని వివరాలను కంపెనీ ప్రకటించే అవకాశం ఉంది.
Bold N4 సిరీస్లో రెండో ఫోన్
Lava Bold N4 Pro 5G.. ఇప్పటికే మార్కెట్లోకి వచ్చిన Lava Bold N4 Lite తర్వాత Bold N4 సిరీస్లో రెండో స్మార్ట్ఫోన్గా నిలవనుంది. ఆగస్టు 27న విడుదలైన Bold N4 Lite ప్రారంభ ధర రూ.8,099గా ఉంది. ఇందులో 3GB RAM, 32GB స్టోరేజ్, 6.56-అంగుళాల LCD డిస్ప్లే, Unisoc 9863A చిప్సెట్, 5,000mAh బ్యాటరీ, 10W వైర్డ్ ఛార్జింగ్ వంటి ఫీచర్లు ఉన్నాయి.
కొత్త Lava Bold N4 Pro 5Gలో 5G కనెక్టివిటీతో పాటు 6,000mAh బ్యాటరీ, 50MP కెమెరా వంటి ఫీచర్లు ఉండటంతో.. బడ్జెట్ 5G స్మార్ట్ఫోన్ విభాగంలో ఇది ఎలాంటి ధరతో వస్తుందనే దానిపై ఆసక్తి నెలకొంది.
