Best Milage Cars : రోజూ ఇంటి నుండి ఆఫీసుకు.. ఆఫీసు నుంచి ఇంటికి వెళ్లడానికి మంచి మైలేజ్ ఇచ్చే కారు కొనాలని చూస్తున్నారా.. కానీ ఏ కారు కొనాలో అర్థం కావడం లేదా. అయితే ఈ వార్తలో 27 కిలోమీటర్ల నుండి 34 కిలోమీటర్ల వరకు మైలేజ్ ఇచ్చే కొన్ని బెస్ట్ మైలేజ్ కార్ల గురించి తెలుసుకుందాం. కాకపోతే ఈ కార్లన్నీ సీఎన్జీ కార్లే.
Also Read : గేమ్ ఛేంజర్.. ఒక్క ఛార్జ్తో 1500 కి.మీ ప్రయాణం..5నిమిషాల్లోనే ఫుల్ ఛార్జీ
మారుతి సుజుకి సెలెరియో CNG
మారుతి సుజుకి ఈ పాపులర్ హ్యాచ్బ్యాక్ ఒక కిలో CNGతో 34.43 కిలోమీటర్ల వరకు అద్భుతమైన మైలేజ్ను అందిస్తుంది. ఈ కారు CNG మోడల్ రూ.6.90లక్షల(ఎక్స్-షోరూమ్) ధరకు లభిస్తుంది. ఈ కారు అన్ని వేరియంట్లలో 6 ఎయిర్బ్యాగ్లు, హిల్ హోల్డ్ అసిస్ట్, ఎలక్ట్రానిక్ స్టెబిలిటీ ప్రోగ్రామ్, EBDతో కూడిన ABS, రివర్స్ పార్కింగ్ సెన్సార్లు ఉంటాయి.
టియాగో CNG
టాటా మోటార్స్ ఈ పాపులర్ కారు ఒక కిలోకు 26.49 కిలోమీటర్ల వరకు మైలేజ్ను ఇస్తుంది. ఈ కారు CNG మోడల్ ధర రూ.6లక్షల (ఎక్స్-షోరూమ్) నుండి రూ.8.75లక్షల (ఎక్స్-షోరూమ్) వరకు ఉంటుంది. టియాగోలో కంపెనీ డ్యూయల్ ఫ్రంట్ ఎయిర్బ్యాగ్లు, ISOFIX సపోర్ట్, ఎలక్ట్రానిక్ స్టెబిలిటీ ప్రోగ్రామ్, హిల్ హోల్డ్ కంట్రోల్, రివర్స్ పార్కింగ్ కెమెరాను అందించింది.
మారుతి సుజుకి ఆల్టో K10
కంపెనీ అధికారిక వెబ్సైట్లో అందించిన సమాచారం ప్రకారం.. ఈ చౌకైన కారుతో వినియోగదారులకు ఒక కిలో సీఎన్జీతో 33.40 కిలోమీటర్ల వరకు మంచి మైలేజ్ లభిస్తుంది. ఈ కారు CNG మోడల్ను కొనడానికి రూ.5.90లక్షల (ఎక్స్-షోరూమ్) లేదా రూ.6.21లక్షల(ఎక్స్-షోరూమ్) వరకు ఖర్చు చేయాల్సి ఉంటుంది.
ఈ కారు రెండు CNG వేరియంట్లు అందుబాటులో ఉన్నాయి. ఈ కారులో లభించే సేఫ్టీ ఫీచర్ల గురించి మాట్లాడితే.. ఈ కారులో 6 ఎయిర్బ్యాగ్లు, ఎలక్ట్రానిక్ స్టెబిలిటీ ప్రోగ్రామ్, ఎలక్ట్రానిక్ బ్రేక్ డిస్ట్రిబ్యూషన్తో కూడిన ABS, రివర్స్ పార్కింగ్ సెన్సార్ వంటి ఫీచర్లు ఉన్నాయి.
Also Read : మీ కారులోనే మసాజ్.. వెన్నునొప్పికి చెక్ పెట్టే కార్లు ఇవే!
