తొమ్మిదో వారం నామినేషన్స్ లిస్ట్: బిగ్ బాస్ తొమ్మిదో వారంలోకి చేరుకుంది. సోమవారం వచ్చిందంటే చాలు రచ్చ రంబోలా అవుతుంది. హౌస్ లో నామినేషన్ల ప్రక్రియ చినిగి చాటవుతోంది. గొడవలు, కొట్లాటలు, ఆగ్రహ జ్వాలలు.. ఇలా కొట్టుకోవడం ఒకటే తక్కువ అన్నట్టుగా సాగుతోంది. హౌస్ లో ఎమోషన్స్ పీక్ స్టేజ్ కి చేరుకుంటుండగా.. ప్రేక్షకులకు మాత్రం కావాల్సినంత మజా పంచుతోంది.
బిగ్ బాస్ లో అన్నింటికంటే పెద్ద టాస్క్ నామినేషన్స్. బాగా ఆడినా, ఆడకపోయినా.. నవ్వించినా.. నవ్వించకపోయినా.. ఏ చిన్న తప్పు చేసినా.. చేయకున్నా సరే కంటెస్టెంట్లు కారణాలు చూపి నామినేట్ చేయాల్సి ఉంటుంది. హౌస్ లోని అందరూ దీన్ని భరించాల్సిందే. ఎప్పుడో ఒకప్పుడు నామినేట్ కావాల్సిందే. ప్రతి సోమవారం దీన్ని చేపడతారు. అదే రోజు హౌస్ రసాభాసగా సాగుతుంది.
ఇప్పటికే వరుస కట్టి ఎనిమిది మంది కంటెస్టెంట్లు ఎలిమినేట్ అవ్వగా… అందులో ఇద్దరు అబ్బాయిలు ఆరుగురు అమ్మాయిలు నటరాజ్ మాస్టర్, లోబో, సరయు, ఉమాదేవి, లహరి షారి, హమీదా, శ్వేతా వర్మ, ప్రియా ఎలిమినేట్ అయ్యారు. అయితే తాజా గా జరుగుతున్న లీకుల ప్రక్రియలో తొమ్మిదో వారానికి గాను నామినేట్ అయిన హౌస్ మేట్స్ ఎవరో ముందుగానే తెలిసిపోయింది.
అలా తొమ్మిదో వారానికి గాను మానస్ నాగులపల్లి, వీజే సన్నీ, ప్రియాంకా సింగ్ (పింకీ), జెస్సీ, సిరి హనుమంతు, విశ్వ, శ్రీరామ చంద్ర, యాంకర్ రవి, ఆర్జే కాజల్ నామినేట్ అయ్యారు. మరి తొమ్మిదో వారానికి ఎవరు ఎలిమినేట్ అవుతారనేది ఈ వారం చివర వరకు ఎదురు చూడాల్సిందే.
