Lenovo Legion 5i 2026 : గేమింగ్ ల్యాప్టాప్ల విభాగంలో ప్రముఖ టెక్ సంస్థ లెనోవో భారత్లో తన కొత్త Legion Gen 11 సిరీస్ను విడుదల చేసింది. ఇందులో భాగంగా Lenovo Legion 5i (2026), Legion 5a (2026) మోడళ్లను రిఫ్రెష్ చేయడంతో పాటు Lenovo LOQ 15AHP11ను కూడా మార్కెట్లోకి తీసుకొచ్చింది. ఈ మూడు ల్యాప్టాప్లు Nvidia GeForce RTX 50 సిరీస్ గ్రాఫిక్స్తో అందుబాటులోకి వచ్చాయి. అధిక పనితీరు, AI ఆధారిత ఫీచర్లు, మెరుగైన కూలింగ్ వ్యవస్థను వీటిలో అందించినట్లు కంపెనీ వెల్లడించింది.
ధర ఎంతంటే..
భారత్లో Lenovo Legion 5i (2026) ప్రారంభ ధర రూ.2,65,990గా ఉంది. Legion 5a (2026) ప్రారంభ ధర రూ.2,25,990. ఇక Lenovo LOQ 15AHP11 ప్రారంభ ధర రూ.1,99,990గా నిర్ణయించారు. ఈ మూడు మోడళ్లను లెనోవో ఆన్లైన్ స్టోర్ ద్వారా వివిధ కాన్ఫిగరేషన్లలో కొనుగోలు చేయవచ్చు. Legion 5i, Legion 5a మోడళ్లు Eclipse Black రంగులో లభిస్తుండగా.. LOQ 15AHP11ను Luna Grey కలర్లో తీసుకొచ్చారు.
Legion 5i, Legion 5a ప్రత్యేకతలు
Legion 5i (2026), Legion 5a (2026)లో 15.3 అంగుళాల WQXGA OLED డిస్ప్లే ఉంది. ఇది 16:10 యాస్పెక్ట్ రేషియోతో పాటు 165Hz వరకు రిఫ్రెష్ రేట్, 500 నిట్స్ వరకు పీక్ బ్రైట్నెస్ను అందిస్తుంది. రెండు మోడళ్లలో 80Wh బ్యాటరీ ఉంటుంది.
Legion 5iలో Intel Core Ultra 7 356H ప్రాసెసర్తో పాటు LA1, LA3 AI కోర్ చిప్లను అందించారు. Legion 5aలో AMD Ryzen 7 250 ప్రాసెసర్, LA1 AI కోర్ చిప్ ఉన్నాయి. గ్రాఫిక్స్ విషయానికి వస్తే.. రెండింటిలోనూ గరిష్ఠంగా Nvidia GeForce RTX 5060 8GB GDDR7 GPUను ఎంచుకోవచ్చు. Legion 5aలో RTX 5050 కాన్ఫిగరేషన్ కూడా అందుబాటులో ఉంది.
మెమొరీ పరంగా 32GB వరకు DDR5 RAM, 2TB వరకు M.2 PCIe Gen 4 SSD స్టోరేజ్ లభిస్తుంది. వేడిని నియంత్రించేందుకు Hyper Legion Coldfront థర్మల్ మేనేజ్మెంట్ వ్యవస్థను అందించారు. రెండు ల్యాప్టాప్ల బరువు సుమారు 1.87 కిలోలు.
LOQ 15AHP11లో ఏం ఉంది?
Lenovo LOQ 15AHP11లో 15.3 అంగుళాల WQXGA IPS LCD డిస్ప్లేను అందించారు. ఇది 180Hz వరకు రిఫ్రెష్ రేట్ను సపోర్ట్ చేస్తుంది. మరో WUXGA డిస్ప్లే వేరియంట్ 165Hz వరకు రిఫ్రెష్ రేట్ను అందిస్తుంది.
ఈ ల్యాప్టాప్లో AMD Ryzen 7 250 ప్రాసెసర్, LA1 AI కోర్ చిప్తో పాటు RTX 5060 GPU వరకు ఎంచుకునే అవకాశం ఉంది. 32GB వరకు RAM, 2TB వరకు SSD స్టోరేజ్ లభిస్తుంది. Hyperchamber Cooling వ్యవస్థతో కూలింగ్ను మెరుగుపరిచారు. 60Wh బ్యాటరీ, Rapid Charge Pro సపోర్ట్ కూడా ఉన్నాయి. దీని బరువు సుమారు 2.1 కిలోలు.
మొత్తంగా చూస్తే, అధిక రిఫ్రెష్ రేట్ డిస్ప్లేలు, RTX 50 సిరీస్ గ్రాఫిక్స్, కొత్త తరం ప్రాసెసర్లు, AI చిప్లు, మెరుగైన కూలింగ్ వంటి ఫీచర్లతో లెనోవో కొత్త గేమింగ్ ల్యాప్టాప్లను భారత మార్కెట్లోకి తీసుకొచ్చింది.
