Rythu Bharosa: కాంగ్రెస్ ప్రకటించిన ఆరు గ్యారంటీల్లో రైతు భరోసా ఒకటి. ఆ పార్టీ నాయకులు చెప్పిన ప్రకారం రైతు భరోసా పథకంలో భాగంగా ఎకరా భూమి ఉన్న రైతులకు సంవత్సరానికి రూ.12,000 చొప్పున నగదు సాయం చేస్తామని తెలిపారు.. ఇందులో భాగంగా మొదటి విడత సందర్భంగా జనవరి 26 నుంచి ఒక ఎకరం లోపు ఉన్న రైతులకు రైతు భరోసా నిధులను అందించారు. తాజాగా రెండు ఎకరాల లోపు రైతులకు నగదును జమ చేశారు. మొత్తం రెండు దశల్లో కలిపి ఇప్పటివరకు 34 లక్షల 75 వేల 994 మంది రైతుల ఖాతాల్లోకి రైతు భరోసా నిధులు అయినట్లు తెలుస్తోంది.
రైతు భరోసా నిధులు జమ కావడంతో రెండ ఎకరాల లోపు రైతులు హర్షం వ్యక్తం చేస్తున్నారు. అయితే కాంగ్రెస్ రైతు భరోసా కింద ఏడాదికి రూ. 15,000 ఇస్తానని ప్రకటించింది. కానీ రూ 12 వేలకు కుదించారు. గతంలో అధికారంలో ఉన్న బీఆర్ఎస్ ప్రభుత్వం రైతుబంధు పథకాన్ని ప్రవేశపెట్టింది. ఈ పథకం కింద ఎకరాకు ఏడాదికి రూ, 10,000 సాయాన్ని అందించింది. అయితే కాంగ్రెస్ ప్రభుత్వం అధికారంలోకి వస్తే 5000 ఎక్కువగా ఇస్తానని పేర్కొంది. కానీ రూ .12000 మాత్రమే ఇస్తానని చెప్పడంతో కొందరు రైతులు నిరాశతో ఉన్నారు. ఈ విషయంపై ప్రతిపక్ష పార్టీ టిఆర్ఎస్ నాయకులు కాంగ్రెస్ రైతులను మోసం చేస్తుందని ఆరోపిస్తున్నారు. అయితే తాము మాట తప్పలేదని రైతు భరోసా నిధుల ను పెంచామని ఆ పార్టీ నాయకులు చెబుతున్నారు. మరోవైపు రాష్ట్ర ఖజానా ఆందోళన ఉండడంతోనే రూపం 2000 అందిస్తున్నట్లు కాంగ్రెస్ నాయకులు పేర్కొంటున్నారు. అయితే గతంలో రైతుబంధు నిధులు ప్రారంభమైనప్పటి నుంచి వరుసగా రైతుల ఖాతాల్లో జమ అయ్యేవి. కానీ ఇప్పుడు ఎకరం లోపు రైతులకు ఇచ్చిన తర్వాత ఎక్కువ సమయం తీసుకుంటున్నారు.
అయితే ఎమ్మెల్సీ ఎన్నికల దృష్ట్యా రైతు భరోసా నిధులు అందించాలా లేదా అని సందిగ్ధంలో ఉన్నట్లు తెలిసింది. కానీ ఈ పథకం ఇప్పటికే ప్రారంభం అయినందున నిధులు అందించవచ్చు క్లారిటీ తీసుకున్న తర్వాతే రైతు భరోసా నిధులు జమ చేస్తున్నట్లు సమాచారం. అందుకే రైతు భరోసా నిధులు రైతుల ఖాతాల్లోకి జమ కావడానికి ఆలస్యం అవుతున్నాయని కొందరు చర్చించుకుంటున్నారు. ఏది ఏమైనా రైతు భరోసా నిధులు రావడంతో రైతుల్లో హర్షం వ్యక్తం అవుతోంది.
