Vaibhav Suryavanshi: బీహార్ యువ సంచలనం వైభవ్ సూర్య వంశీ గురించి ప్రత్యేకంగా చెప్పాల్సిన అవసరం లేదు. కేవలం 15 సంవత్సరాల వయసులోనే అతడు అనితర సాధ్యమైన క్రికెట్ ఆడుతున్నాడు. ఐపీఎల్ చరిత్రలో ఏ ఆటగాడు కూడా ఊహించని విధంగా బ్యాటింగ్ చేసి సరికొత్త చరిత్ర సృష్టించాడు. ఐపీఎల్ లో ఐదు పురస్కారాలు ఉంటే.. అవన్నీ కూడా అతడే సొంతం చేసుకున్నాడు. తద్వారా కోట్ల డబ్బు సంపాదించాడు. అంతకుమించి అభిమానుల ప్రేమను సొంతం చేసుకున్నాడు. దిగ్గజ ప్లేయర్లు కూడా అతడి ఆట ముందు ఎవరైనా దిగదుడుపే అంటున్నారంటే.. మనవాడి బ్యాటింగ్ స్టైల్ ఎలా ఉందో అర్థం చేసుకోవచ్చు.
సూర్య వంశీ వయసు 15 సంవత్సరాలు. కానీ అతడు అంతకు మించిన స్థాయిలో బ్యాటింగ్ చేస్తున్నాడు. పెద్ద పెద్ద బౌలర్ల బౌలింగ్ సైతం అతడి ముందు గడ్డి పోచమాదిరిగా మారిపోతోంది. అందువల్లే ఏ మాత్రం జాలి అనేది లేకుండా బంతిని కనిపించగానే స్టాండ్స్ అవతలికి పంపిస్తున్నాడు. అవలీలగా సిక్సర్లు.. ఫోర్లు కొట్టేస్తున్నాడు. అందువల్లే ఐపిఎల్ లో ఆరెంజ్ క్యాప్ హోల్డర్ గా ఆవిర్భవించాడు. సెంచరీ తో పాటు.. అర్థ శతకాలు కొట్టేశాడు. మూడుసార్లు సెంచరీ చేసే అవకాశాన్ని కోల్పోయాడు. లేకపోతే ఐపిఎల్ లో సరికొత్త చరిత్ర సృష్టించేవాడే.
సూర్య వంశీ ఐపీఎల్ ముగిసిన తర్వాత తన సొంత రాష్ట్రమైన బీహార్ వెళ్ళిపోయాడు. అక్కడ తన ఇంట్లో విశ్రాంతి తీసుకుంటున్నాడు. ఈ నేపథ్యంలో బీహార్ రాష్ట్రానికి చెందిన కొంతమంది ప్రజా ప్రతినిధులు.. ఇతర వ్యక్తులు సూర్య వంశీని కలిశారు. అతనితో కలిసి ఫోటోలు దిగారు. ఈ జాబితాలో సూర్య వంశీ స్నేహితులు కూడా ఉన్నారు. సూర్య వంశీ స్నేహితులు అనగానే అతడి మాదిరిగా ఎత్తుగా, దృఢంగా ఉంటారని అనుకోవద్దు. ఎందుకంటే అతడిలో సగం ఎత్తు కూడా లేరు. అతడి శరీర సౌష్టవంలో పావు వంతు కూడా లేరు. సూర్య వంశీ అంత ఎత్తు కనిపిస్తుంటే.. అతడి ముందు వారంతా పిల్ల బచ్చాల మాదిరిగా ఉన్నారు.
సూర్య వంశీ చిన్నప్పటినుంచి బొద్దుగా ఉండేవాడు. దానికి తగ్గట్టుగానే ఎత్తు పెరిగాడు. పైగా అతడు మటన్ విపరీతంగా తినేవాడు. మైదానంలో ఎక్కువసేపు గడిపేవాడు. అందువల్లే అతడు అలా ఉన్నాడు. సూర్య వంశీ స్నేహితులను చూసి చాలామంది ఆశ్చర్యపోతున్నారు. సూర్య వంశీ ఆ స్థాయిలో ఎత్తు కనిపిస్తుంటే.. స్నేహితులు మాత్రం చిన్న పిల్ల మాదిరిగా ఉన్నారని సోషల్ మీడియాలో కామెంట్లు వినిపిస్తున్నాయి.
