Gujarat Vs Rajasthan: ఐపీఎల్ లో కీలకమైన ఎలిమినేటర్ మ్యాచ్ ఈరోజు జరుగుతోంది. గుజరాత్, రాజస్థాన్ జట్ల మధ్య ఈ మ్యాచ్ జరుగుతుంది. గుజరాత్ జట్టు ఇటీవల బెంగళూరు చేతిలో ఓడిపోయి ఒత్తిడిలో ఉండగా.. హైదరాబాద్ జట్టు మీద గెలిచి రాజస్థాన్ విపరీతమైన ఉత్సాహంతో ఉంది. రాజస్థాన్ జట్టు ఆ స్థాయిలో ఉత్సాహంతో ఉండడానికి ప్రధాన కారణం 15 సంవత్సరాల వైభవ్ సూర్య వంశీ. ఈ చిచ్చర పిడుగు ఐపీఎల్లో సంచలనాల మీద సంచలనాలు సృష్టిస్తున్నాడు. వేరే లెవెల్ బ్యాటింగ్ తో అదరగొడుతున్నాడు.
సూర్య వంశీ ఇప్పటివరకు 15 మ్యాచ్లలో 15 ఇన్నింగ్స్ లలో బ్యాటింగ్ చేశాడు సూర్య వంశీ. ఏకంగా 680 పరుగులు చేశాడు. ఆరెంజ్ క్యాప్ హోల్డర్ గా కొనసాగుతున్నాడు. మొన్నటివరకు సాయి సుదర్శన్ 652 పరుగులతో ఆరెంజ్ క్యాప్ హోల్డర్ గా ఉండగా.. అతడిని బీట్ చేశాడు సూర్య వంశీ. ఇతడు యావరేజ్ 45.33, స్ట్రైక్ రేటు 242.86, ఇతడి ఖాతాలో 55 బౌండరీలు, 65 సిక్సర్లు ఉన్నాయి. దీనినిబట్టి అతని బ్యాటింగ్ విధ్వంసం ఎలా సాగుతుందో అర్థం చేసుకోవచ్చు. సూర్య వంశీ ఖాతాలో ఇప్పటివరకు ఒక సెంచరీ, నాలుగు హాఫ్ సెంచరీలు ఉన్నాయి.
ఇటీవల హైదరాబాద్ జట్టుతో జరిగిన మ్యాచ్లో సూర్య వంశీ 97 పరుగులు చేశాడు. అది కూడా అత్యంత తక్కువ బంతుల్లో.. మెరుపు వేగంతో బ్యాటింగ్ చేయడంతో రాజస్థాన్ జట్టు స్కోర్ రాకెట్ స్పీడ్ తో దూసుకుపోయింది. తద్వారా కొండంత లక్ష్యం హైదరాబాద్ జట్టు ముందు నిర్దేశితమైంది. దీనిని చేదించే క్రమంలో హైదరాబాద్ జట్టు ఒత్తిడికి గురై.. చేతులెత్తేసింది. అయితే సూర్య వంశీని అవుట్ చేయడానికి హైదరాబాద్ జట్టు కెప్టెన్ అనేక రకాలుగా ప్రణాళికలు రూపొందించామని మ్యాచ్ కు ముందు చెప్పాడు. కానీ అతడే దారాళంగా పరుగులు ఇచ్చాడు. అతడి బౌలింగ్లో సూర్య వంశీ వేటాడి పరుగులు తీశాడు. తనకు బౌలింగ్ వేయాలంటేనే చుచ్చు పోసుకునేలా చేశాడు.
ఇప్పుడు గుజరాత్ జట్టు కూడా అదే పరిస్థితి వస్తుందని అభిమానులు అంచనా వేస్తున్నారు. ముఖ్యంగా స్పోర్ట్స్ విశ్లేషకుల అభిప్రాయం ప్రకారం సూర్య వంశీ రాజస్థాన్ జట్టుకు బలమైన ఆయుధం. అతడిని ప్రారంభంలోనే వెనక్కి పంపించాలి. లేకపోతే మ్యాచ్ మీద ఆశలు వదిలేసుకోవాలి. రబాడ, సిరాజ్, ప్రసిద్ లాంటివారు ఉన్నప్పటికీ.. సూర్యవంశీ ఒక్కసారి నిలబడితే వారి బౌలింగ్ విన్యాసాలు సాగవు. పైగా అతడు బంతిని అత్యంత బలంగా కొడతాడు కాబట్టి పరుగులు వచ్చేస్తూనే ఉంటాయి. గత సీజన్లో గుజరాత్ జట్టు మీదనే సూర్య వంశీ కేవలం 35 బంతుల్లోనే సెంచరీ చేయడం విశేషం. ఈ నేపథ్యంలో సూర్యవంశీని అడ్డుకోవడానికి గుజరాత్ బౌలర్లు ఎలాంటి విన్యాసాలు చేస్తారో చూడాల్సి ఉంది.
