Saud Shakeel: పాకిస్తాన్ క్రికెటర్లు( చెత్త ఆటతీరుతో ఇప్పటికే విమర్శలపాటవుతున్నారు. ఐసీసీ టోర్నీలో టీమిండియా చేతిలో చిత్తుగా ఓడడం.. ఆ దేశ అభిమానులకు మరింత ఆగ్రహం తెప్పిందచింది. చివరకు పీసీబీ(PCB) కూడా కఠిన చర్యలకు ఉపక్రమించింది. కెప్టెన్ రిజ్వాన్(Rizwan), మాజీ కెప్టెన్ అజామ్(Azam)పై వేటు వేసింది. అయినా ఆటగాళ్ల తీరు మారడం లేదు. తాజాగా పాకిస్తాన్ బ్యాటర్ సౌద్ షకీల్ ప్రెసిడెంట్స్ కప్ ఫైనల్లో తొలి పాకిస్తానీ ఆటగాడిగా ‘టైమ్ ఔట్‘ అయ్యాడు. ఈ సంఘటన మార్చి 4న రావల్పిండిలో జరిగిన స్టేట్ బ్యాంక్ ఆఫ్ పాకిస్తాన్, పాకిస్తాన్ టెలివిజన్ మధ్య మ్యాచ్లో చోటు చేసుకుంది.
Also Read: న్యూజిలాండ్ జట్టును ఆడిపోసుకుంటున్నాం గానీ.. అది కూడా బాధిత జట్టే..
ఏం జరిగిందంటే..
ఈ మ్యాచ్లో రెండు వికెట్లు వరుసగా పడిన తర్వాత, సౌద్ షకీల్ బ్యాటింగ్ కోసం క్రీజ్కు చేరుకోవడానికి మూడు నిమిషాల కంటే ఎక్కువ సమయం తీసుకున్నాడు. క్రికెట్ నిబంధనల ప్రకారం (లా 40.1.1), కొత్త బ్యాటర్ వికెట్ పడిన మూడు నిమిషాల్లోపు బంతిని ఎదుర్కోవడానికి సిద్ధంగా ఉండాలి. లేకపోతే అతను ‘టైమ్ ఔట్‘గా పరిగణించబడతాడు. పాకిస్తాన్ టెలివిజన్(Pakisthan Telivision) కెప్టెన్ ఆమద్ బట్ అప్పీల్ చేయడంతో అంపైర్లు ఈ నిర్ణయం తీసుకున్నారు. ఈ సంఘటన చాలా అరుదైనది, ఎందుకంటే సౌద్ షకీల్ పాకిస్తాన్ నుంచి టైమ్ ఔట్గా నమోదైన మొదటి ఆటగాడు. ప్రపంచంలోని ఫస్ట్–క్లాస్ క్రికెట్ చరిత్రలో ఏడో ఆటగాడు. ఈ మ్యాచ్ రాత్రి 7:30 నుంచి తెల్లవారుజాము 2:30 వరకు రంజాన్ సమయంలో ఫ్లడ్లైట్స్ కింద జరిగింది, ఇది పాకిస్తాన్ డొమెస్టిక్ క్రికెట్లో మొదటిసారి.
సౌద్ షకీల్ గురించి..
సౌద్ షకీల్ (Saud Shakeel) ఎడమచేతి బ్యాట్స్మన్గా, ఆల్–రౌండర్గా ప్రసిద్ధి చెందాడు. అతను పాకిస్తాన్ జాతీయ జట్టుకు టెస్ట్ క్రికెట్లో ఆడుతాడు. డొమెస్టిక్ క్రికెట్లో కూడా సుపరిచితుడు. సౌద్ షకీల్ తన టెస్ట్ అరంగేట్రం డిసెంబర్ 1, 2022న ఇంగ్లండ్తో రావల్పిండిలో జరిగిన మ్యాచ్లో చేశాడు. తొలి మ్యాచ్లోనే అతను 37 పరుగులు చేసి మంచి ఆరంభాన్ని సాధించాడు. మార్చి 2025 వరకు, అతను 10 టెస్ట్ మ్యాచ్లు ఆడాడు, 20 ఇన్నింగ్స్లలో 1,031 పరుగులు చేశాడు.
అత్యధిక స్కోరు: 208 (నాటౌట్)
సగటు: సుమారు 60.64
అతను 3 సెంచరీలు మరియు 6 అర్ధ సెంచరీలు సాధించాడు.
డొమెస్టిక్ క్రికెట్:
అతను సింధ్, కరాచీ వైట్స్, క్వెట్టా గ్లాడియేటర్స్ (పాకిస్తాన్ సూపర్ లీగ్ – PSL) వంటి జట్లకు ఆడాడు. ఫస్ట్–క్లాస్ క్రికెట్లో అతని రికార్డు అద్భుతంగా ఉంది, 50కి పైగా సగటుతో బ్యాటింగ్ చేస్తాడు. సౌద్ షకీల్ ఓపికతో కూడిన బ్యాటింగ్కు పేరుగాంచాడు. అతను టెస్ట్ క్రికెట్లో సుదీర్ఘ ఇన్నింగ్స్లు ఆడగల సామర్థ్యం కలిగి ఉన్నాడు. టెక్నికల్గా బలమైన ఆటగాడిగా పరిగణించబడతాడు. అతను మిడిల్ ఆర్డర్లో స్థిరత్వం తెచ్చే ఆటగాడు.
Also Read: షమీని సరే.. ఆ పాకిస్తాన్ క్రికెటర్లను పట్టించుకోరా? ఎందుకు నిలదీయరు?
