తెలుగు చిత్ర రంగం లో హీరోయిన్ల కొరత బాగా వుంది. అందుకే చిన్న, చితక హీరోయిన్ లకు కూడా డిమాండ్ బాగానే ఉంది. ఆ క్రమం లోనే పాయల్ రాజపుట్ కి గోల్డెన్ ఛాన్స్ తగిలింది. ‘ ఆర్ ఎక్స్ 100’, ‘ఆర్డీఎక్స్ లవ్’, ‘ఎన్ టి ఆర్ కధానాయకుడు’ , ‘ వెంకీ మామ’ ,’ డిస్కో రాజా’ సినిమాలతో పాయల్ రాజపుట్ కి యూత్ లో విపరీతమైన క్రేజ్ పెరిగిపోయింది. కథానాయిక .. లేదంటే ఐటమ్ సాంగుకైనా రెడీ అంటూ తన ఐడెంటిటీ పెంచుకొంటోంది.
ఈ నేపథ్యంలోనే పాయల్ రాజపుట్ కి బాలయ్య బాబు సినిమాలో ఛాన్స్ దక్కినట్టు తెలుస్తోంది. నందమూరి బాలకృష్ణ , బోయపాటి శ్రీను కాంబోలో హ్యాట్రిక్ మూవీగా తెరకెక్కుతోన్న కొత్త చిత్రం లో పాయల్ రాజపుట్ కి ఒకానొక హీరోయిన్ గా నటించే అవకాశం వచ్చింది పారితోషికం తక్కువ ,అందాల ప్రదర్శన ఎక్కువ కనుక పాయల్ ను ఎంపిక చేసినట్టుగా చెప్పుకుంటున్నారు. ఇక ఈ చిత్రం లో రెండో హీరోయిన్ గా అంజలి నటిస్తోంది.
బోయపాటి శ్రీను దర్శకత్వంలో తెరకెక్కుతున్న ఈ చిత్రాన్ని ఇటీవల రామోజీ ఫిలింసిటీలో స్టార్ట్ చేశారు. అక్కడ యాక్షన్ ఎపిసోడ్ తో పాటు కీలక సన్నివేశాల చిత్రీకరణ జరిగింది. అయితే సెకండ్ షెడ్యూల్ వెంటనే స్టార్ట్ చేయాల్సింది కానీ కరోనా ప్రాబ్లెమ్ తో చేయలేదు. .
విశ్వసనీయంగా తెలుస్తున్న దాని బట్టి వచ్చే నెల మొదటి వారం నుండి ఈ చిత్రం యొక్క రెండో షెడ్యూల్ ప్రారంభం కానుంది. తొలి షెడ్యూల్ ని ఫైట్ తో ప్రారంభించిన బోయపాటి, బాలయ్య బాబు జోడీ తమ సెకండ్ షెడ్యూల్ ని పాటతో ప్రారంభించబోతున్నారట. నారి నారి నడుమ మురారి తరహా స్టైల్లో హీరో, ఇద్దరు నాయికల మధ్య ఈ పాట ఉంటుందట. కాగా సింహా, లెజెండ్ చిత్రాల తర్వాత బాలకృష్ణ, బోయపాటి కాంబినేషన్లో వస్తున్న ఈ హ్యాట్రిక్ సినిమాపై భారీ అంచనాలున్నాయి.
Wait until your turn
ప్రపంచ ప్రజలు అందరు ప్రాణాంతక కరోనా వైరస్ తో భయకంపితులై ఉన్న సమయంలో, మొత్తం ఆర్ధిక వ్యవస్థ చెల్లాచెదురైన పరిస్థితులలో జాతిని ఉద్దేశించి ప్రధాన మంత్రి నరేంద్ర మోదీ గురువారం రాత్రి ప్రసంగిస్తున్నారంటే ప్రజలు ఎంతో ఆశగా ఎదురు చూసారు.
కరోనా మహమ్మారి ప్రపంచాన్ని వణికిస్తున్న ఆపత్కర సమయంలో నివారణ మందులు లేక అనేక మంది ప్రాణాలు విడుస్తున్నారు. అలాంటి భయానక స్థితిలో నాపైన టెస్ట్ చేసి మందు కనిపెట్టండి.. ప్రపంచ ప్రజలు బాగుండాలి, వారి సంక్షేమం కోసం అవసరమైతే నా ప్రాణాలు పోయినా ఫర్లేదు.అంటూ జెన్నిఫర్ అనే ఓ 43 ఏళ్ళ మహిళ ముందుకొచ్చింది. ఈమె ఇప్పుడు కరోనాతో అల్లాడుతున్న ప్రపంచానికి ఓ వెలుగు రేఖ గా మారింది .
ఒక వంక తెలంగాణలో కరోనా పాజిటివ్ల సంఖ్య పెరుగుతూ గురువారం మరో మూడు కొత్త కేసులు నమోదుకావడంతో ఆ సంఖ్య 16కి చేరింది. ఇలా ఉండగా, కరీంనగర్ లో కరోనా వైరస్ సోకిన ఇండోనేసియా బృందం సంచరించినట్లు వెల్లడి కావడంతో సర్వత్రా కలకలం రేగుతున్నది. కరీంనగర్ జిల్లా ప్రభుత్వ యంత్రాంగం అప్రమత్తమైనది.
కరోనా వైరస్ ప్రభావంతో అన్నింటికన్నా ముందుగా కీలకమైన విమానయాన రంగాన్ని దారుణంగా కుంగిపోతున్నది. ఈ మహమ్మారి ప్రభావంతో అతధికంగా అంతర్జాతీయ విమాన సర్వీసులు రద్దవడం, దేశీయంగా కూడా గణనీయంగా ప్రయాణించే వారి సంఖ్య పడిపోతూ ఉండడంతో కోలుకోలేని విధంగా దెబ్బతింటున్నాయి.
కరోనా మహమ్మారి ప్రపంచాన్ని గడగడలాడిస్తోంది. ప్రపంచ వ్యాప్తంగా ఇప్పటివరకు ఈ వైరస్ బారిన పడి (ఈ వ్యాసం రాసే సమయానికి) 9802 మంది చనిపోగా.. లక్షలాది మంది ఆస్పత్రుల్లో చికిత్స పొందుతున్నారు. ఇక కోవిడ్ 19 విశ్వ వ్యాప్తంగా 177 దేశాల్లో తన కోరలు సాచి వికటాట్టహాసం చేస్తోంది . భారత దేశం లోకూడా కరోనా పీడితుల సంఖ్య నెమ్మదిగా పెరుగుతోంది. ఇప్పటివరకు తేలిన లెక్కల ప్రకారం భారత దేశంలో 194 మంది కోవిడ్ 19 భాదితులు ఉన్నారు .ఈ సంఖ్య ఇంకా పెరిగే ఛాన్స్ ఉంది ఈ విపత్తు ఏర్పడిన నాటి నుండి ఇప్పటిదాకా కరోనా బారిన పడి ఇండియా లో మృతి చెందిన వారి సంఖ్య.నాలుగు కి మించక పోవడం కొంచెం ఆనందించ దగ్గ విషయమే …ఎందుకంటె అభివృద్ధి చెందిన దేశాలైన అమెరికా , జర్మనీ , ఫ్రాన్స్ వంటివి కూడా ఈ కరోనా దెబ్బకి విల విల్లాడి పోతున్నాయి .అక్కడ మరణాల సంఖ్య వందలు ,వేలల్లో ఉంది
ఆంధ్ర ప్రదేశ్ లో కరోనా వైరస్ కోరలు చాస్తోంది. రెండో పాజిటివ్ కేసు నమోదై 24 గంటలైనా గడవక ముందే మరో కేసు వెలుగుచూసింది. విశాఖపట్నంలో ఒక వ్యక్తికి కరోనా పాజిటివ్ వచ్చింది. అయితే ఈ విషయాన్ని వైద్యాధికారులు ధ్రువీకరించాల్సి ఉంది.
రాష్ట్రంలో స్థానిక సంస్థల ఎన్నికల సందర్భంగా అధికార పక్షం పెద్ద ఎత్తున హింసాయుత చర్యలకు దిగడాన్ని ప్రస్దావిసిట్ తనకు రక్షణ లేదంటూ రాష్ట్ర ఎన్నికల కమిషనర్ నిమ్మగడ్డ రమేష్కుమార్ కేంద్ర హోంశాఖకు లేఖ రాశారంటూ వచ్చిన వార్త ఏకధానాలు జగన్ ప్రభుత్వాన్ని ఖంగారులో పడవేస్తున్నాయి.
స్థానిక సంస్థల ఎన్నికలు వాయిదా పడడంతో పరిపాలన కార్యాలయాలను విశాఖపట్నంకు తరలించే అంశం తిరిగి తెరపైకి వచ్చింది. ఉగాది నాటికే కొన్ని కార్యాలయాలను తరలించాలని భావించినప్పయిటీకి ఎన్నికల కారణంగా కుదరలేదు. ఇప్పుడు ఎన్నికల కోడ్ సడలింపు వంటి కారణాలతో పాలనా రాజధాని తరలింపు పై దృష్టి సారించాలని రాష్ట్ర ప్రభుత్వం నిర్ణయించినట్లు తెలిసింది.
ఆ లాయర్ ని కఠినంగా శిక్షించాలని డిమాండ్!
నిర్భయ దోషుల లాయర్ ఏపీ సింగ్ ను కూడా కఠినంగా శిక్షించాలనే వార్త దేశ వ్యాప్తంగా సంచలనంగా మారింది. నిర్భయ ఘటన జరిగిన సమయంలో దోషులను సమర్థించిన ఏపీ సింగ్.. రాత్రిపూట అమ్మాయిలు బయట తిరిగితే ఇలాంటి ఘటనలే జరుగుతాయని… తన కూతురు ఇలా బాయ్ ఫ్రెండ్ తో తిరిగితే చంపేసే వాడినంటూ లింగవివక్ష పూరిత వ్యాఖ్యలు చేసిన విషయం తెలిసిందే.. ఇదే విషయాన్నీ ఉటంకింస్తూ..ఆయనను కూడా కఠినంగా శిక్షించాలని సోషల్ మీడియా వేదికగా అనేకమంది ట్వీట్లు చేస్తున్నారు.
ఇప్పటివరకు చట్టంలో ఉన్న అన్ని అవకాశాలను వినియోగించుకుంటూ దోషులను శిక్ష నుంచి తప్పించేందుకు అన్నివిధాలుగా ప్రయత్నిస్తున్న ఏపీ సింగ్.. వరుస పిటిషన్లు, రివ్యూ పిటిషన్లు వేయిస్తూ వారికి అండగా నిలిచారు. ఇక తాజాగా దోషులకు ఎటువంటి చట్టపరమైన అవకాశాలు లేవంటూ ఢిల్లీ కోర్టు పేర్కొనగా.. ఉరిశిక్షపై స్టే విధించాలంటూ దాఖలైన పిటిషన్లను పటియాలా హౌజ్ కోర్టు కొట్టివేసింది. ఈ క్రమంలో కోర్టు ప్రాంగణంలో ఏపీ సింగ్ మాట్లాడుతూ.. నిర్భయ దోషులు సైనికుల్లా పనిచేస్తారని.. వారికి దేశ సేవ చేసే భాగ్యం కల్పించాలని కోరడం విశేషం. కాగా అదే విధంగా నిర్భయ దోషులు ఉగ్రవాదులు కాదని.. వారిని క్రూరమైన నేరస్తులుగా చిత్రీకరించి ఎప్పుడో చంపేశారని మీడియాపై ఆగ్రహం వ్యక్తం చేశారు.
ఇదే విషయాన్ని ప్రముఖ ఇంగ్లిష్ పత్రిక ట్వీట్ చేయగా.. అనేకమంది రీట్వీట్ చేస్తూ, కామెంట్స్ పెడుతూ నిర్భయను అతి ధారుణంగా హతమార్చిన వారికి ఏపీ సింగ్ అండగా నిలబడాన్ని తప్పుబడుతూ ఆయన కూడా కఠినంగా శిక్షించాలని డిమాండ్ చేయడం గమనార్హం.