Today horoscope in telugu : జ్యోతిష్య శాస్త్రం ప్రకారం సోమవారం ద్వాదశ రాశులపై రోహిణి నక్షత్ర ప్రభావం ఉండనుంది. దీంతో కొన్ని రాశుల వారికి ఈరోజు శివయ్య ఆశీస్సులు ఉండడంతో అన్ని శుభ ఫలితాలే ఉంటాయి. మరికొన్ని రాశుల వారు సంబంధాలను మెరుగుపరచడంలో జాగ్రత్తలు పాటించాలి. మేషం నుంచి మీనం వరకు మొత్తం రాశుల ఫలితాలు ఎలా ఉన్నాయో చూద్దాం.

మేష రాశి (అశ్విని, భరణి,1,2,): ఈ రాశి వారు ఈరోజు ఆర్థిక వ్యవహారాల్లో జాగ్రత్తగా ఉండాలి. కొన్ని వస్తువుల కొనుగోలుపై ఖర్చులు ఉండే అవకాశం ఉంటుంది. వైవాహిక జీవితం సంతోషంగా ఉంటుంది. జీవిత భాగస్వామి కోసం వస్తువులు కొనుగోలు చేస్తారు. కొత్తగా పెట్టుబడులు పెట్టాల్సి వస్తే కొన్ని రోజులు వెయిట్ చేయడం మంచిది. ఉద్యోగులకు అనుకూలమైన వాతావరణం ఉండడంతో పదోన్నతులు పొందే అవకాశం ఉంది.

వృషభరాశి( కృత్తిక 2,3,4 రోహిణి) : ఈ రాశి వారు ఈరోజు చేసే ప్రతి పనిలో విజయం సాధిస్తారు. వ్యాపారులకు అనుకోకుండా ధన లాభం ఉంటుంది. కొత్తగా ఏదైనా పనిని ప్రారంభిస్తే కుటుంబ సభ్యుల మద్దతు పొందాల్సి ఉంటుంది. పూర్వీకుల ఆస్తికి సంబంధించి శుభవార్తలు వింటారు. సోదరుల మధ్య ఉన్న విభేదాలు తొలగిపోతాయి. కొన్ని సమస్యలు తొలగిపోయి మానసికంగా ప్రశాంతంగా ఉంటారు. దూర ప్రయాణాలు చేయడానికి ఇదే మంచి సమయం.

మిథున రాశి( మృగశిర 3,4 ): ఈ రాశి వారికి ఈ రోజు సాధారణమైన జీవితం ఉంటుంది. ఆగిపోయిన డబ్బు వసూలు అవుతుంది. ఎవరికైనా డబ్బు ఇచ్చే ముందు జాగ్రత్తగా ఉండాలి. శుభవార్తలు వింటారు. ఇంట్లో జరిగే శుభకార్యం కోసం ఏర్పాటు చేసుకుంటారు. ఇంటి నిర్మాణానికి సంబంధించిన వస్తువులు కొనుగోలు చేస్తారు. స్నేహితులతో కలిసి విహారయాత్రలకు వెళ్లి ఎందుకు ప్లాన్ చేస్తారు.

కర్కాటక రాశి(పునర్వసు 4, పుష్యమి, అశ్లేష) : ఈ రాశి వారు ఈ రోజు కుటుంబ సభ్యులతో సంతోషంగా గడుపుతారు. సమాజంలో గౌరవం లభిస్తుంది. కొన్ని సమస్యలు ఉండే అవకాశం ఉంది. ఇలాంటి సమయంలో ఓపికతో వ్యవహరించాలి. మాటల మాధుర్యంతో ఎదుటివారిని ఆకట్టుకుంటారు. పెద్దల ఆశీస్సులతో కొత్తగా పెట్టుబడులు పెడతారు.

సింహా రాశి( ముఖ, పుబ్బ, ఉత్తర 1) : ఈ రాశి వారు ఈ రోజు తమ తెలివితేటలను ప్రదర్శించడం వల్ల పదోన్నతులు పొందే అవకాశం ఉంటుంది. ముఖ్యమైన ప్రాజెక్టులను పూర్తి చేయడానికి తోటి వారి సహకారం తీసుకుంటారు. వ్యాపారులకు ఆకస్మికంగా ధన లాభం ఉంటుంది. విద్యార్థులు పోటీ పరీక్షలో పాల్గొంటే విజయం సాధిస్తారు. ఇంట్లో జరిగే శుభకార్యాలు కోసం అన్ని ఏర్పాట్లు చేసుకుంటారు. ఆరోగ్య విషయంలో ప్రత్యేక దృష్టి పెట్టాలి.

కన్యరాశి(ఉత్తర 2,3,4 హస్త చిత్త 1,2) : ఈ రాశి వారికి ఏ రోజు అన్ని పనులు కలిసి వస్తాయి. సమాజంలో గౌరవం లభిస్తుంది. ఎవరైనా ఉద్యోగం మారాలని చూస్తే వారికి అనుకూలమైన సమయం ఉంటుంది. సీనియర్ల నుంచి మద్దతు ఉండడంతో కొన్ని ముఖ్యమైన ప్రాజెక్టులను పూర్తి చేస్తారు. వ్యాపారులకు ఊహించిన దానికంటే ఎక్కువ లాభాలు ఉంటాయి. అనుకోకుండా దూర ప్రయాణాలు చేయాల్సివస్తుంది.

తుల రాశి(చిత్త 3,4, స్వాతి: విశాఖ 1,2,3) : ఈ రాశి వారికి ఈ రోజు గ్రహాలు అనుకూలంగా ఉండడంతో అన్ని రకాలుగా శుభాలే జరుగుతాయి. ఖర్చుల విషయంలో జాగ్రత్తగా ఉండాలి. వ్యాపారులకు కొన్ని ముఖ్యమైన పనులు ఉంటే వాటిలో ఆటంకం కలిగే అవకాశం ఉంటుంది. కుటుంబ వాతావరణం సంతోషంగా గడుస్తుంది. స్నేహితులతో ఉల్లాసంగా ఉంటారు.

వృశ్చిక రాశి(విశాఖ 4, అనురాధ, జ్యేష్ఠ) : ఈ రాశి వారు ఈ రోజు కొత్త ఒప్పందాలు చేసుకుంటారు. ఉద్యోగులు కార్యాలయాల్లో అప్రమత్తంగా ఉండాలి. కొన్ని శుభవార్తలు వింటూ ఉంటారు. బంధువుల నుంచి అందిన సమాచారం నిరాశను కలిగిస్తుంది. విద్యార్థులు పోటీ పరీక్షలో పాల్గొంటే విజయం సాధిస్తారు. ఖర్చుల విషయంలో జాగ్రత్తగా ఉండాలి. అనవసరపు వస్తువుల కొనుగోలు విషయంలో సరైన నిర్ణయం తీసుకోవాలి.

ధనస్సు రాశి ( మూల, పుర్వాషాఢ, ఉత్తరాషాడ 1) : ఈ రాశి వారు ఈ రోజు దూర ప్రయాణాలు చేయాల్సివస్తుంది. ప్రభుత్వ పనులు పూర్తికావడానికి కొన్ని ఆటంకాలు ఏర్పడతాయి. ఇక జీవితం సంతోషంగా ఉంటుంది. అనుకోకుండా శుభకార్యం జరిగే అవకాశం ఉంటుంది. వ్యక్తుల మధ్య సంబంధాలు పెరిగిపోతాయి. ఎవరికైనా డబ్బు ఇస్తే తిరిగి వచ్చే అవకాశాలు తక్కువగా ఉంటాయి.

మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : ఈ రాశి వారు ఈరోజు కుటుంబ సభ్యులతో సంతోషంగా గడుపుతారు. అనుకోకుండా వీరికి శుభ ఫలితాలు వచ్చే అవకాశం ఉంది. పూర్వికులు ఆస్తికి సంబంధించి శుభవార్తలు వింటారు. ఉద్యోగులు అధికారులతో జాగ్రత్తగా ఉండాలి. మాటల తీరును మెరుగుపరుచుకోవాలి. అనవసరపు వివాదాల్లోకి తలదూర్చకుండా ఉండాలి.

కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : ఈ రాశి వారు ఈ రోజు తమ కష్టానికి తగిన ఫలితాన్ని పొందుతారు. గతంలో పెట్టిన పెట్టుబడుల నుంచి ఇప్పుడు లాభాలు పొందుతారు. కుటుంబ సభ్యుల మధ్య విభేదాలు ఉండే అవకాశం ఉంది. అందువల్ల మాటలా మాధుర్యాన్ని పెంచుకోవాలి. ఆధ్యాత్మిక కార్యక్రమాల్లో పాల్గొంటారు.

మీనరాశి (పూర్వాభద్ర 4, ఉత్తరాభాద్ర రేవతి ) : ఈ రాశి వారికి ఈ రోజు అన్ని శుభ ఫలితాలే ఉండనున్నాయి. కుటుంబ సభ్యులతో సంతోషంగా గడుపుతారు. ఉద్యోగులకు అదనపు ఆదాయం పెరుగుతుంది. వ్యాపారులకు కొత్తగా లాభాలు వస్తాయి. గతంలో కంటే ఇప్పుడు ఆర్థిక పరిస్థితి మెరుగుపడుతుంది. ప్రత్యర్థుల నుంచి జాగ్రత్తగా ఉండాలి.