Sponge City: వర్షాలు, వరదలు వచ్చే సమయం ఇది. రోడ్లు మొత్తం జలమయం. వరదల మయం అవుతుంది. ఇక రోడ్ల గురించి చెప్పాల్సిన అవసరం లేదు. కొన్ని సార్లు లోతట్టు ప్రాంతాల్లో ఉన్న ఇల్ల లోకి నీరు వస్తుంది. కార్లు కొట్టుకొని పోతాయి. గత సంవత్సరం జరిగిన విధ్వంసం మీకు గుర్తుండే ఉంటుంది. అయితే ఈ నీరు పోయేలా ఇంకుడు గుంతలు ఉండాలి. లేదా కాలువలు వంటివి ఉండాలి కదా. అయితే ఇప్పుడు ఈ నీరు నిలవకుండా ఉండటానికి స్పాంజ్ సిటీ అనే ట్రెండ్ వచ్చింది. ఇంతకీ ఏంటి ఈ స్పాంజ్ సిటీ అనుకుంటున్నారా? ఒక నగరాన్ని స్పాంజ్ సిటీగా మార్చవచ్చు. అది ఎలా అనుకుంటున్నారా? దీనికి సంబంధించిన పూర్తి వివరాలు కూడా తెలుసుకుందామా?
Also Read: కోటాను చూసి వెక్కి వెక్కి ఏడ్చిన బ్రహ్మానందం… వీడియో వైరల్
స్పాంజ్ సిటీ అంటే ఏమిటి? స్పాంజ్ సిటీ సారాంశం దాని పేరులోనే ఉంది. అంటే స్పాంజ్ ఎలా పనిచేస్తుందో, నగరం కూడా అలాగే పనిచేస్తుంది. స్పాంజ్ దాని చుట్టూ ఉన్న నీటిని గ్రహిస్తుంది. వస్తువులను శుభ్రం చేయడానికి కూడా ఉపయోగించవచ్చు. దీని కారణంగా, ఈ స్పాంజ్ సిటీలోని స్పాంజ్ కూడా దాని చుట్టూ ఉన్న నీటిని గ్రహిస్తుంది. అంటే నగరంలో నీటిని పీల్చుకునేలా చేస్తారన్నమాట.
స్పాంజ్ సిటీని ఎలా నిర్మిస్తారు?
– స్పాంజ్ సిటీని నిర్మించడానికి ప్రభుత్వం అనేక చర్యలు తీసుకుంటోంది. దీని కోసం నగరంలో రీఛార్జ్ షాఫ్ట్లను నిర్మించాలని జలవనరుల శాఖ యోచిస్తోంది. రీఛార్జ్ షాఫ్ట్లు ఒక రకమైన చెరువులు లేదా గుంటలుగా ఉంటాయి. వీటిలో వర్షపు నీరు సేకరిస్తారు. దీని ద్వారా నీరు భూమిలోకి వెళుతుంది. దీని కారణంగా భూగర్భ జల మట్టం గణనీయంగా పెరుగుతుంది. వీటిని 80-90 అడుగుల దిగువన నిర్మించి, నీటిని దిగువకు విడుదల చేస్తారు. తద్వారా నీరు భూమిలోకి సులభంగా వెళ్తుంది. అటువంటి పరిస్థితిలో, నీటిని ఇతర మార్గాల్లో కూడా ఉపయోగించవచ్చు.
మరో విధానంలో వరద నీటిని సరళరేఖల్లాంటి కాలువల ద్వారా వేగంగా బయటకు పంపడానికి బదులు, వంపులు తిరిగిన కాలువలను నిర్మిస్తారు. చెట్లు కూడా నాటుతారు. దీని వల్ల వరద వేగం తగ్గుతుంది. అంతేకాదు అనేక చిన్న నీటి వనరులను ఉపయోగిస్తారు. దీని ద్వారా నగరంలోని నీటిని ఈ ప్రాంతాలకు పంపుతారు. ఇలా నీటి మట్టాన్ని పెంచడమే కాకుండా ఈ నీటిని తరువాత కూడా ఉపయోగించేలా ప్లాన్ చేస్తున్నారు. ఇలా ఈ స్పాంజ్ సిటీ ద్వారా భూగర్భ జల మట్టాన్ని పెంచడం లేదా ఆ నీటిని తిరిగి ఉపయోగించడమే లక్ష్యం.
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
