Flight Travel : ఆకాశంలో ఎగరాలని.. విమానంలో ప్రయాణించాలని ప్రతి ఒక్కరూ కలలు కంటారు. జీవితంలో ఒక్కసారైనా విమానం ఎక్కాలని అనుకుంటారు. కాకపోతే విమాన ప్రయాణం ఖర్చుతో కూడుకున్న పని అందుకే మధ్య తరగతి ప్రజలకు అది ఎప్పటికీ కలగానే మారిపోతుంది. అందుకే విమాన ప్రయాణాన్ని విసృత పరిచేందుకు విమానయాన సంస్థలు పలు ప్రయత్నాలు చేస్తున్నాయి. దేశ జనాభాలో అత్యధికంగా ఉన్న మధ్య తరగతి ప్రజలకు గగనయానాన్ని అందించేందుకు పలు ఆఫర్లను తీసుకొస్తున్నాయి. విమానం ఆకాశంలో 10 వేల అడుగుల కంటే ఎక్కువ ఎత్తులో ఎగురుతుంది. ఒక వ్యక్తి విమాన టైర్లో దాక్కొని ప్రయాణించగలరా? ఈ కథనంలో పంజాబ్ లో జరిగిన ఘటన గురించి ప్రస్తావిస్తూ అలా ప్రయాణిస్తే ఏమవుతుందో తెలుసుకుందాం.
ప్రపంచవ్యాప్తంగా ఇలాంటి సందర్భాలు కొన్ని ఉన్నాయి. కొంతమంది వ్యక్తులు టైర్లలో దాక్కుని ప్రయాణించడానికి ప్రయత్నించారు. ఈ విషయంలో భారతదేశం కూడా ఒక కేసును కలిగి ఉంది. పంజాబ్లో ఇద్దరు వ్యక్తులు విమాన టైరు కింద దాక్కుని ప్రయాణించడానికి చేసిన ప్రయత్నం తీవ్ర అనారోగ్య పరిణామాలకు దారితీసింది. ఈ ఘటన ఆమృత్సర్లోని శ్రీ గురు రామ్ దాస్ జీ అంతర్జాతీయ విమానాశ్రయంలో చోటుచేసుకుంది. సరిహద్దు ప్రాంతాల్లోని యువకులు విమాన టైరు భాగంలో దాక్కుని అక్రమంగా విదేశాలకు వెళ్లాలని యత్నించారు. 1996లో పంజాబ్కు చెందిన ఇద్దరు సోదరులు ప్రదీప్, విజయ్ సైనీలను పోలీసులు దాదాపు ప్రతిరోజూ ఏదో ఒక కేసులో వేధించారు. వారు నిర్దోషి అని చెప్పుకున్నారు, కానీ పోలీసులు వారిని విచారిస్తూనే ఉన్నారు. అక్కడి నుండి తప్పించుకుని లండన్ వెళ్ళడానికి చాలా ప్రయత్నించారు. చివరకు ఢిల్లీ విమానాశ్రయంలో బ్రిటిష్ ఎయిర్వేస్ విమానం చేరుకున్నారు. లండన్కు ల్యాండింగ్ గేర్లో దాక్కుని ప్రయాణించారు. కానీ లండన్ చేరుకునేసరికి ప్రదీప్ సగం చచ్చిపోయిన స్థితిలో కనిపించాడు. విజయ్ అప్పటికే మరణించాడు.
విమాన టైరు భాగంలో దాక్కుని ప్రయాణం చేయడం అత్యంత ప్రమాదకరం. ప్రయాణంలో విమానం గగనతలంలోకి వెళ్ళే సమయంలో ఆక్సిజన్ తక్కువగా ఉంటుంది. గాలి టెంపరేచర్ మైనస్ 50 డిగ్రీల సెల్సియస్కు పడిపోతుంది. ఈ పరిస్థితుల్లో ప్రయాణం చేయడం మానవ శరీరానికి ప్రాణాంతకమవుతుంది. పంజాబ్లోని యువకులు విమాన టైరు భాగంలో దాక్కుని ప్రయాణించడానికి యత్నించారు. అయితే, ఇది వారికి తీవ్ర అనారోగ్య సమస్యలను కలిగించింది. విమానం ల్యాండ్ అయిన తర్వాత వాళ్లను తీవ్ర హైపోథర్మియా (తీవ్ర శరీర ఉష్ణోగ్రత తగ్గుదల)తో ఆసుపత్రికి తరలించారు. సరిహద్దు సెక్యూరిటీ ఫోర్సులు వెంటనే ఈ విషయాన్ని గమనించి చర్యలు చేపట్టారు.
ఇలాంటి ప్రయాణాలు ఎందుకు ప్రాణాంతకమో?
* తీవ్ర హైపోథర్మియా: గగనతలంలో అతి తక్కువ ఉష్ణోగ్రతల వల్ల శరీరం ఫ్రీజ్ అవుతుంది.
* ఆక్సిజన్ కొరత: ఆకాశంలో గాలి బరువు తక్కువగా ఉండటం వల్ల ఊపిరితిత్తులకు సరిపడే ఆక్సిజన్ అందదు.
* ఒత్తిడి ప్రభావం : విమానం ల్యాండింగ్, టేకాఫ్ సమయంలో శరీరంపై తీవ్రమైన ఒత్తిడి ఉంటుంది.
ఈ ఘటనలో తీసుకోవాల్సిన పాఠాలు
* ఇలాంటి అక్రమ ప్రయాణాలు జీవితాలకు ప్రమాదమే కాకుండా చట్టపరమైన సమస్యలకు దారితీస్తాయి.
* విద్యాసాధన, ఉద్యోగ అవకాశాల కోసం సురక్షితమైన మార్గాలను అన్వేషించాలి.
* ప్రభుత్వాలు, విమానాశ్రయ సెక్యూరిటీ యంత్రాంగం ఇటువంటి ఘటనలు జరగకుండా మరింత జాగ్రత్తగా వ్యవహరించాలి.
* ఈ ఘటన ప్రజలలో విస్తృత చర్చకు దారితీసింది, ముఖ్యంగా యువత మధ్య తమ భవిష్యత్తు కోసం తీసుకునే నిర్ణయాలపై అవగాహన పెరగాల్సిన అవసరాన్ని గుర్తించింది.
విమానంలో టైర్ లేదా ఏదైనా ఇతర తెరిచి ఉన్న భాగంలో కూర్చొని విమానంలో ప్రయాణించడం కష్టం, ప్రమాదకరం. ఎందుకంటే వేల అడుగుల ఎత్తులో ఒక వ్యక్తికి ఆక్సిజన్ పొందడంలో ఇబ్బంది ఉంటుంది. ఈ సమయంలో అక్కడి నుండి పడిపోవడం వల్ల వ్యక్తి చనిపోవచ్చు. ఇది మాత్రమే కాదు.. విమానం టైర్లలో లేదా ల్యాండింగ్ గేర్లో దాక్కుంటే ఇంజిన్ శబ్దానికి చెవులు పగిలిపోతాయి. ఇది కాకుండా, చాలా సార్లు చలి, బలమైన గాలి, శ్వాస తీసుకోవడంలో ఇబ్బంది కారణంగా ఒక వ్యక్తి నేలపై స్పృహ కోల్పోయి పడిపోతాడు.
