Vladimir Puthin : రష్యా అధ్యక్షుడు వ్లాదిమిర్ పుతిన్(Vladimir Puthin) టెస్లా, స్పేస్ఎక్స్ సీఈవో ఎలాన్ మస్క్ను పలు సందర్భాల్లో ప్రశంసించారు. మాస్కోలోని బౌమన్ యూనివర్సిటీలో విద్యార్థులను ఉద్దేశించి ప్రసంగిస్తూ, మస్క్ను సోవియట్ రాకెట్ శాస్త్రవేత్త సెర్గీ కొరొలోవ్తో పోల్చారు. అంగారక గ్రహంపై మస్క్ కలలు సాధారణమైనవి కావని, అవి భవిష్యత్తులో వాస్తవరూపం దాల్చగలవని పుతిన్ వ్యాఖ్యానించారు. 2023 ఈస్టర్న్ ఎకనామిక్ ఫోరమ్లో కూడా మస్క్ను అసాధారణ వ్యక్తిగా, ప్రతిభావంతుడైన వ్యాపారవేత్తగా అభివర్ణించారు.
Also Read :ఐదు రొట్టెలు.. రెండు చేపలు.. అసలు గుడ్ ఫ్రైడేకి దీనికి లింక్ ఏంటి?
మస్క్ దూరదృషి..
ఎలాన్ మస్క్ స్పేస్ఎక్స్(Space X) సంస్థ అంగారక గ్రహంపై మానవ నివాసాల స్థాపన, రీయూజబుల్ రాకెట్ల అభివృద్ధి వంటి లక్ష్యాలతో అంతరిక్ష పరిశోధనలో విప్లవాత్మక మార్పులు తీసుకొస్తోంది. పుతిన్ మస్క్ యొక్క ఈ దూరదష్టిని గుర్తించి, అతని ఆలోచనలు గ్లోబల్ టెక్నాలజీ(Global technology), అంతరిక్ష రంగాల్లో కొత్త ఒరవడిని సృష్టిస్తున్నాయని పేర్కొన్నారు. జర్నలిస్ట్ టకర్ కార్ల్సన్తో జరిగిన సంభాషణలో కూడా మస్క్కు ఎదురు లేదని వ్యాఖ్యానించారు.
స్టార్లింక్పై రష్యా ఆంక్షలు
మస్క్ను పుతిన్ ప్రశంసిస్తున్నప్పటికీ, స్పేస్ఎక్స్కు చెందిన స్టార్లింక్ ప్రాజెక్ట్ రష్యా నుంచి సవాళ్లను ఎదుర్కొంటోంది. సెక్యూర్ వరల్డ్ ఫౌండేషన్ నివేదిక ప్రకారం, రష్యా తన ఎలక్ట్రానిక్ వార్ఫేర్ వ్యవస్థల ద్వారా స్టార్లింక్ ఉపగ్రహాల సేవలను అడ్డుకునే ప్రయత్నాలు చేస్తోంది. ఉక్రెయిన్(Ucrain) యుద్ధంలో స్టార్లింక్ కీలక పాత్ర పోషిస్తున్న నేపథ్యంలో, 2024లో ఈ సమస్యలు మరింత తీవ్రమయ్యాయి. రష్యాతో పాటు 12 దేశాలు ఉపగ్రహాలను కూల్చే సామర్థ్యం కలిగి ఉన్నట్లు నివేదిక వెల్లడించింది.
రష్యా–మస్క్ సంబంధాల్లో సంక్లిష్టత
పుతిన్ ప్రశంసలు ఒకవైపు మస్క్కు గౌరవాన్ని తెచ్చినప్పటికీ, స్టార్లింక్పై రష్యా చర్యలు రెండు పక్షాల మధ్య ఉద్రిక్తతలను సూచిస్తున్నాయి. ఉక్రెయిన్ యుద్ధంలో స్టార్లింక్(Star link)సేవలు ఉక్రెయిన్కు సహాయపడటం రష్యాకు అసంతృప్తిని కలిగించినట్లు తెలుస్తోంది. ఈ పరిస్థితి మస్క్ గ్లోబల్ ప్రభావంతోపాటు, అతని సంస్థలు ఎదుర్కొంటున్న భౌగోళిక–రాజకీయ సవాళ్లను హైలైట్ చేస్తుంది.
ఎలాన్ మస్క్ విజనరీ ఆలోచనలు ప్రపంచ నాయకుల దృష్టిని ఆకర్షిస్తున్నాయి, అయితే అతని సంస్థలు అంతర్జాతీయ రాజకీయాల్లో సంక్లిష్ట సవాళ్లను ఎదుర్కొంటున్నాయి. పుతిన్ ప్రశంసలు, స్టార్లింక్పై రష్యా చర్యల మధ్య ఉన్న వైరుధ్యం మస్క్ యొక్క ప్రభావాన్ని, అలాగే అతని ప్రాజెక్టుల గ్లోబల్ సందర్భాన్ని స్పష్టం చేస్తుంది.
Also Read : హార్వర్డ్ ఆశలపై నీళ్లు.. విదేశీ విద్యార్థుల కల చెదురుతోంది
