సాధారణంగా ఎంత పెద్ద ఇల్లు అయినా ఇంట్లో అన్ని సౌకర్యాలు ఉన్నప్పటికీ కూడా కరెంటు బిల్లు రెండు వేలకు మించి రాదు. అదే ఒక పెంట్ హౌస్ అయితే ప్రతి నెల కరెంట్ బిల్లు ఒక 500 వరకు వస్తుంది. కానీ ఓ పెంట్ హౌస్ కి కరెంట్ బిల్లు ఏకంగా 70,939 రూపాయలు రావడం మీరు చూశారా? కానీ బండ్లగూడ జాగీర్‌ మున్సిపల్‌ పరిధిలోని హైదర్షాకోట్‌ గ్రామంలో చేవెళ్ల నర్సారెడ్డి కాలనీకి చెందిన ఓ వ్యక్తికి ఇంత పెద్ద మొత్తంలో కరెంటు బిల్లు రావడం చూసి ఒక్కసారిగా కంగు తిన్నాడు. పూర్తి వివరాల్లోకి వెళితే.
Also Read: ఆల్ టైం రికార్డుకి సెన్సెక్స్.. దూసుకెళ్తున్న స్టాక్ మార్కెట్లు
హైదర్షాకోట్‌ గ్రామంలో చేవెళ్ల నర్సారెడ్డి కాలనీలో బాల్‌రెడ్డి వ్యక్తి నివసిస్తున్నాడు.అయితే ఆ వ్యక్తి తన ఇంటి పెంట్‌హౌస్‌కు ప్రత్యేకంగా మీటరు బిగించాడు. కానీ ఆ హౌస్ కి కరెంటు బిల్లు రాకపోవడంతో ఎన్నోసార్లు విద్యుత్ కార్యాలయానికి వెళ్లి అక్కడి అధికారులకు ఈ విషయం గురించి తెలియజేశాడు. అయితే అక్కడి అధికారులు ఒక్క రోజు కూడా ఇతని సమస్యను విన్న పాపాన పోలేదు.
Also Read: చిన్నారితో సహా కారును దొంగతనం చేసిన యువకుడు.. చివరకు..?
కానీ ఈ నెలకు సంబంధించి కరెంట్ బిల్లు రావడంతో, బాల్ రెడ్డి ఒక్కసారిగా ఆ కరెంటు బిల్లు చూసి షాక్ కి గురి అయ్యాడు. ఇన్నిరోజులు కరెంటు బిల్లు రాలేదని అధికారులకు చెప్పిన వినిపించకపోవడమే కాకుండా ఇప్పుడు ఒక్కసారిగా 70,939 రూపాయలు కరెంటు బిల్లు రావడంతో ఆ యజమాని లబోదిబో మన్నాడు. వెంటనే ఈ విషయం గురించి ఉన్నతాధికారులను సంప్రదించగా ముందు బిల్లు కట్టి రండి, తరువాత ఈ సమస్యను పరిష్కరిస్తామని అధికారులు తెలియజేయడంతో తనకు ఏం చేయాలో దిక్కుతోచని స్థితిలో ఆ ఇంటి యజమాని తనకు న్యాయం చేయవలసిందిగా ఉన్నత అధికారులను వేడుకున్నాడు.
మరిన్ని వార్తలు కోసం: ప్రత్యేకం
