ఉత్తరప్రదేశ్ లోని వారణాసి నియోజకవర్గం నుంచి ప్రధాన మంత్రి నరేంద్ర మోడీ ప్రాతినిథ్యం వహిస్తున్న విషయం తెలిసిందే. అయితే ఇక్కడ తాజాగా జరిగిన ఎమ్మెల్సీ ఎన్నికల్లో బీజేపీకి పరాభావం ఎదురైంది. ఉత్తరప్రదేశ్ లోని 11 స్థానాల్లో ఎమ్మెల్సీ ఎన్నికలు నిర్వహించారు. వీటిలో 9 స్థానాల ఫలితాలు వెలువడ్డాయి. ఇందులో 4 స్థానాల్లో బీజేపీ, 3 స్థానాల్లో సమాజ్ వాదీ పార్టీ, ఒకటి ఇండిపెండెంట్ అభ్యర్థి గెలుపొందారు. అయితే ప్రధాని సొంత నియోజకవర్గమైన వారణాసిలో సమాజ్ వాదీ పార్టీ గెలుపొందడంపై సంబరాలు చేసుకుంటున్నారు. కాగా ఈ ఎన్నికలకు సంబంధించి మరో రెండు స్థానాల్లో ఫలితాలు వెలువడాలి.