నల్లగొండ జిల్లా మునుగోడు నియోజకవర్గనికి చెందిన కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డిపై యాదాద్రి భూవనగిరి జిల్లా పరిధిలోని చౌటుప్పల్ పోలీస్ స్టేషన్ లో కేసు నమోదైంది. నిన్న చౌటుప్పల్ పట్టణంలో లబ్ధిదారులకు రేషన్ కార్డులు పంపిణీ చేసేందుకు మంత్రి జగదీష్ రెడ్డి హాజరయ్యారు. ఈ కార్యక్రమానికి కాంగ్రెస్ కార్యకర్తలతో కలిసి వచ్చిన రాజగోపాల్ రెడ్డి.. మంత్రి జగదీష్ రెడ్డి ప్రసంగాన్ని అడ్డుకొని మైక్ లాగేసి వాగ్వాదానికి దిగారు. ఎమ్మెల్యే తోపాటు ఆయన అనుచరులపై చౌటుప్పల్ తాసిల్ధార్ గిరిధర్ ఇవాళ పోలీసులకు ఫిర్యాదుచేశారు. తాసిల్దార్ ఫిర్యాదు ఆధారంగా ఎమ్మెల్యే రాజగోపాల్ రెడ్డితోపాటు, ఆయన అనుచరులపై పోలీసులు కేసు నమోదు చేశారు.
