Phone got wet on the rain: కొన్ని రోజుల నుంచి దేశ వ్యాప్తంగా వర్షాలు కురుస్తున్నాయి. హైదరాబాద్ లోని కొన్ని ప్రాంతాల్లో , అయితే దాని కారణంగా చాలా మంది ప్రజలు ఇబ్బంది పడ్డారు. ముఖ్యంగా ఆ సమయంలో బయట ఉన్నవారు మరింత ఎక్కువ ఇబ్బంది పడతారు. వారి స్మార్ట్ఫోన్లు వర్షంలో తడిసిపోతాయి. ఇది చాలా సార్లు జరుగుతుంది. కొన్ని సార్లు డ్రైవింగ్ లో ఉంటాయి. ఆ సమయంలో కూడా నానిపోతుంటాయి. అయితే ఇటువంటి స్థితిలో, చాలా మంది భయపడి వెంటనే ఫోన్ను ఆన్ చేయడానికి లేదా ఆరబెట్టడానికి ప్రయత్నిస్తారు. కానీ మీరు అస్సలు తొందరపడకూడదు. లేకపోతే మీరు చేసే ఒక చిన్న పొరపాటు ఫోన్ను శాశ్వతంగా దెబ్బతీస్తుంది. అదే సమయంలో, మీ పరికరంలోకి వర్షపు నీరు చేరితే, ఈ 5 తప్పులను అస్సలు చేయకండి.
ఫోన్ ఆన్ చేయవద్దు:
వర్షంలో నానితే ముందుగా చెక్ చేయడానికి ఫోన్ ను ఆన్ చేస్తారు. కానీ ఇలా అసలు చేయవద్దు. ఇలా వెంటనే ఫోన్ను ఆన్ చేయడం పెద్ద తప్పు. దీని వల్ల ఫోన్లో షార్ట్ సర్క్యూట్ జరిగి ఫోన్ పాడైపోవచ్చు. కాబట్టి, ఫోన్ తడిసిపోయినప్పుడల్లా, వెంటనే దాన్ని ఆన్ చేయడానికి తొందరపడకండి.
ఛార్జింగ్ పెట్టవద్దు
వర్షంలో ఫోన్ తడిసిన తర్వాత, కొంతమంది వెంటనే పరికరాన్ని ఛార్జింగ్లో పెడతారు. తద్వారా అది త్వరగా పనిచేస్తుందని నమ్ముతారు. కానీ ఇది ప్రమాదం నుంచి విముక్తి పొందదు. ఛార్జింగ్ చేస్తున్నప్పుడు నీరు, కరెంట్ తాకడం వలన ఫోన్, ఛార్జర్ రెండింటిలోనూ షార్ట్ సర్క్యూట్ సంభవించవచ్చు. ఇది మీ ఖరీదైన ఫోన్ను దెబ్బతీస్తుంది. కాబట్టి, అలాంటి తప్పు అస్సలు చేయకండి.
హెయిర్ డ్రైయర్ లేదా హీటర్
వర్షంలో ఫోన్ తడిసిన తర్వాత, కొంతమంది దానిని హెయిర్ డ్రైయర్ లేదా హీటర్తో ఆరబెట్టడం ప్రారంభిస్తారు. కానీ మీరు ఇలా అస్సలు చేయకూడదు. హెయిర్ డ్రైయర్లు, హీటర్ల నుంచి వచ్చే వేడి ఫోన్ అంతర్గత భాగాలను దెబ్బతీస్తుంది. దీని వలన సున్నితమైన భాగాలు కరిగిపోవచ్చు. స్క్రీన్, బ్యాటరీ కూడా దెబ్బతినవచ్చు. కాబట్టి, అలాంటి తప్పు అస్సలు చేయకండి.
ఫోన్ షేక్:
ఫోన్ తడిసిన తర్వాత, ఫోన్ను షేక్ చేయడం వల్ల నీరు తొలగిపోతుందని కొందరు అనుకుంటారు. కానీ ఇలా చేయడం వల్ల నీరు ఫోన్లోని ఇతర భాగాలకు చేరుతుంది. అంతేకాకుండా స్పీకర్, మైక్రోఫోన్, పరికరం ఛార్జింగ్ పోర్ట్ కూడా దెబ్బతింటుంది. కాబట్టి, మీరు దీన్ని అస్సలు చేయకూడదు.
బియ్యం పోయాలి:
చాలా మంది ఫోన్ వర్షంలో తడిస్తే బియ్యంలో పెట్టాలని అనుకుంటారు. ఇలా చేస్తే ఫోన్ త్వరగా ఆరిపోతుంది అనుకుంటారు. కానీ దీనివల్ల ఫోన్లోని తేమ పూర్తిగా తొలగిపోదు. కొన్నిసార్లు, బియ్యం ఛార్జింగ్ పోర్టులో కూడా ఇరుక్కుపోతాయి. స్మార్ట్ఫోన్ కంపెనీలు కూడా ఇలా చేయవద్దని సలహా ఇస్తున్నాయి.
Disclaimer: ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని oktelugunews.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
