Vastu Tips: ప్రతి మనిషికి బతకడానికి ఎంతో కొంత డబ్బు కావాలి. అవసరాలు తీరాలంటే డబ్బే ప్రధానం. దీంతో సంపాదనపై అందరికి శ్రద్ధ ఎక్కువే. కొందరికి డబ్బు సులభంగానే వచ్చినా మరికొందరికి ఎంత కష్టపడినా తక్కువే వస్తుంది. రాబడి తగ్గితే ఖర్చులు పెరుగుతాయి. ఇల్లు గడవడం కష్టంగా ఉంటుంది. ఈ నేపథ్యంలో డబ్బు సంపాదన అందరికి ఇష్టమే. ఎంత కష్టపడినా కొంతమందికి చేతిలో డబ్బు నిలవదు. ఆర్థిక ఇబ్బందులే వేధిస్తాయి. డబ్బు సమస్యకు పరిష్కారమేంటి? సంపాదన పెంచుకోవడమే. చేసే పనిలోనే ఎక్కువ సంపాదించేందుకు అందరు ఉత్సాహపడుతుంటారు. కానీ అది కూడా సాధ్యం కాదు. దీంతో ఆర్థిక ఇబ్బందుల్లోనే కొట్టుమిట్టాడుతుంటారు.
ఆర్థిక ఇబ్బందులు
ఆర్థిక ఇబ్బందుల నుంచి గట్టెక్కాలంటే కొన్ని చిట్కాలు పాటించాలి. ఆర్థిక సమస్యలు ఉంటే మనశ్శాంతి ఉండదు. డబ్బు లేకపోతే సంతోషం దక్కదు. ఎంత కష్టపడినా డబ్బుకు ఇబ్బంది ఉంటే వాస్తు దోషాలు ఉన్నాయేమోనని చూసుకోవాలి. వాస్తు చిట్కాలు పాటించి ఆర్థిక కష్టాల నుంచి బయట పడాలని భావించాలి. దీనికి గాను కొన్ని నియమాలు పాటించాల్సిందే. లేకపోతే వాస్తు దోషాలు తలెత్తి ఇంట్లో సమస్యలు చుట్టుముడతాయి. అన్ని వాస్తు ప్రకారం ఉండేలా చూసుకోవాలి.
వాస్తు చిట్కాలు
వాస్తు ప్రకారం ఈశాన్య దిశ మనకు లాభాలు కలిగించే దక్కుగా భావిస్తుంటారు. ఈశాన్య మూల పెరిగితే లాభాలుంటాయి. అందుకే ఈ దిశలో కుబేర యంత్రం ఉంచుకోవడం మంచిది. దానికి నిత్యం పూజలు చేస్తుండాలి. ఇలా చేయడం వల్ల మనకు ఎన్నో ప్రయోజనాలు దక్కుతాయి. డబ్బుకు ఎలాంటి ఇబ్బందులు రావు. సుఖ సంతోషాలు వెల్లివిరుస్తాయి ఇంట్లో పూజ గది కూడా సరైన దిశలో ఉండాలి. ఈశాన్య దిశలో పూజా గది ఉంటే డబ్బుకు బాధలు ఉండవు. అందరు ఈశాన్య మూలలోనే పూజా గది ఉండేలా ప్లాన్ చేసుకుంటే మంచిది.
బీరువా విషయంలో..
అంతేకాదు డబ్బులు దాచుకునే బీరువా, లాకర్ విషయంలో కూడా జాగ్రత్తలు తీసుకోవాలి. బీరువా ఎప్పుడు కూడా నైరుతి దిశలో ఉంచుకోవాలి. తలుపు తెరిస్తే ఉత్తరం వైపు ఉండేలా చూసుకుంటే మంచి ఫలితాలు వస్తాయి. నైరుతి దిశలోనే బీరువా ఉంచుకోవడం సురక్షితం. డబ్బుకు కొదవ లేకుండా ఉండాలంటే బీరువాను నైరుతిలోనే ఉంచుకుంటే డబ్బు సమస్య ఏర్పడదు. జీవితంలో ఎలాంటి కష్టాలు రాకుండా జీవించడానికి తగిన వాస్తు సలహాలు తీసుకుని ముందుకు నడుచుకుంటేనే మంచిదని వాస్తు నిపుణులు సూచిస్తున్నారు.
