karthika Deepam: బుల్లితెరపై ప్రసారమవుతున్న కార్తీకదీపం సీరియల్ ఎపిసోడ్ లో ఈ రోజు ఏం జరిగిందంటే.. దీప ఇంటి బాధ్యతలు మొత్తం తీసుకోవటంతో కార్తీక్ బాధపడతాడు. చాలా కష్టపడుతున్నావ్ అని దీపను అంటాడు. ఇక దీప మీరు పక్కనుంటే ఏ కష్టం రాదు అని చెబుతుంది. కార్తీక్ ఒంటరిగా రోడ్డుపై నడుచుకుంటూ వెళ్తూ తన గతాన్ని తలచుకుంటూ ఉంటాడు. మరోవైపు పిల్లలు స్కూల్ అయిపోవటంతో తిరిగి రోడ్డుపై నడుచుకుంటూ వస్తారు.
ఇక బాబుకి పేరు పెట్టాలని ఆనంద్ అని పెడుతున్నామని అనడంతో దీప షాక్ అవుతుంది.
సౌందర్య గతంలో పిల్లలతో గడిపిన క్షణాలు తలచుకొని కుమిలిపోతుంది. ఇక ఆనందరావుతో కార్తీక్ వాళ్ల గురించి మాట్లాడుతూ చాలా బాధపడుతుంది. మోనిత ప్లాన్స్ గురించి తెలుసుకోవడానికి రత్న సీతను పెట్టాను అని తెలుపుతుంది. ఇక సౌర్య తన తల్లిదండ్రులతో కాసేపు సరదాగా ఆడుకుందామని అనడంతో కార్తీక్ నవ్వుతాడు. అలా కాసేపు సరదాగా మాట్లాడుతుండగా ఇంట్లోకి రుద్రాణి వస్తుంది. ఇక పిల్లలు ఆమెను చూసి భయపడతారు.
దీప కూడా పిల్లల్ని దగ్గరికి తీసుకుంటుంది. రుద్రాణి పిల్లల మీద ప్రేమతో వారికీ స్వీట్ లను, విటమిన్ టాబ్లెట్లను తీసుకొస్తుంది. కానీ దీప అవి వద్దని మర్యాదగా చెబుతుంది. ఇక దీప వంటగదిలో వంట చేస్తుండగా కార్తీక్ వచ్చి ఏదైనా పనిచేయాలని అనుకుంటాడు. ఇక దీప అక్కడే ఒక చిన్న వైద్యశాల పెట్టమని సలహా ఇస్తుంది. దీన్ని బట్టి చూస్తే దీప మళ్ళీ కార్తీక్ ను డాక్టర్ బాబు గా మారుస్తుందేమో అన్నట్లుగా అనిపిస్తుంది.
